ວຽກ​ງານ​ສື່​ມວນ​ຊົນ​ແຂວງ​ບໍລິ​ຄຳ​ໄຊ​​ໄດ້​ເຕີບ​ໃຫຍ່​ເຂັ້ມ​ແຂງ

ວຽກ​ງານ​ສື່​ມວນ​ຊົນ​ແຂວງ​ບໍລິ​ຄຳ​ໄຊ​​ໄດ້​ເຕີບ​ໃຫຍ່​ເຂັ້ມ​ແຂງ - advert banner 728 90 728x90 - ວຽກ​ງານ​ສື່​ມວນ​ຊົນ​ແຂວງ​ບໍລິ​ຄຳ​ໄຊ​​ໄດ້​ເຕີບ​ໃຫຍ່​ເຂັ້ມ​ແຂງ

​ເນື່ອງ​ໃນ​ວັນ​ສ້າງຕັ້ງສື່​ມວນ​ຊົນ​ລາວ​ຄົບຮອບ 67 ປີ (13 ສິງຫາ 1950 – 13 ສິງຫາ 2017) ທ່ານ ທອງ​ເສີມ ບາ​ວີ​ຄຳ ອະດີດ​ຫົວໜ້າ​ພະ​ແນ​ກຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ​​ແຂວງ​ບໍລິ​ຄຳ​ໄຊ ​ໄດ້​ສະ​ແດງ​ຄວາມ​ຮູ້ສຶກ ​ແລະ ຕີ​ລາຄາ​ສູງ​ເຖິງ​ຄວາມ​ກ້າວໜ້າ​ຂະຫຍາຍຕົວ​ຂອງ​ວຽກ​ງານ​ສື່​ມວນ​ຊົນ​ແຂວງ​ບໍລິ​ຄຳ​ໄຊ​ວ່າ: ກ່ອນ​ການ​ສ້າງຕັ້ງ​ແຂວງ​ບໍລິ​ຄຳ​ໄຊ ວຽກ​ງານ​ສື່​​ແມ່ນ​ມີ​ຄວາມທຸກ​ຍາກ​ລຳບາກ, ​ເສດຖະກິດ​ຂາດ​ເຂີນ ລວມທັງ​ການ​ພັດທະນາ​ທາງ​ດ້ານ​ວັດທະນະທຳ-ສັງຄົມ​ບໍ່​ທັນ​ຂະຫຍາຍຕົວ. ມາ​ຮອດ​ປີ 1986 ​ແຂວງ​ບໍລິ​ຄໍາ​ໄຊ​ໄດ້​ຮັບ​ການ​ສ້າງຕັ້ງຂຶ້ນ ຕອນ​ນັ້ນວຽກ​ງານ​ສື່​ມວນ​ຊົນ​ກໍ​ມີ​ພຽງ​ແຕ່​ນັກ​ຂ່າວ, ຂຽນຂ່າວ​ສົ່ງ​ໃຫ້​ໜັງສືພິມ​ສູນ​ກາງ ​ແລະ ວິທະຍຸ​​ແຫ່ງ​ຊາດ​ເທົ່າ​ນັ້ນ, ຢູ່​ທ້ອງ​ຖິ່ນ​ຕອນ​ນັ້ນກໍ​ມີ​ພຽງ​ແຕ່​ໂທລະ​ໂຄ່ງຢູ່​ໃນ​ເທສະ​ບານ​ແຂວງ ສ່ວນວ່າ​ເມືອງ​ຕ່າງໆ​ແມ່ນ​ບໍ່​ມີ, ຕອນ​ນັ້ນວຽກ​ງານ​ສື່​ມວນ​ຊົນ​ກໍ​ຢູ່​ໃນ​ຂອບ​ເຂດ​ຈຳກັດ. ຈົນ​ມາ​ຮອດ​ປີ 2000 ຈຶ່ງ​ສາມາດ​ສ້າງຕັ້ງສະຖານີ​ວິທະຍຸ-​ໂທລະພາບ​ຂຶ້ນ ​ເວລາ​ນັ້ນວຽກ​ງານ​ສື່​ມວນ​ຊົນ​ແຂວງ​ບໍລິ​ຄຳ​ໄຊ​ແມ່ນ​ມີ​ບາດກ້າວ​ໃໝ່ ຂະຫຍາຍຕົວ​ທີ່​ແຂງ​ແຮງ ​ເຮັດ​ໃຫ້​ມີ​ວາລະສານ​ລາຍ​ເດືອນ ​ແລະ ​ໄດ້​ຈັດ​ສົ່ງ​ຂ່າວ, ອອກ​ຂ່າວ​ເຫດການ​ບ້ານ​ເມືອງ​ໃຫ້​ປະຊາຊົນ​ໄດ້​ມີ​ຄວາມ​ກະຕືລືລົ້ນຕໍ່​ການ​ພັດທະນາ​ສ້າງສາ​ບ້ານ​ເມືອງ ​ແລະ ປົວ​ແປງ​ຊີວິດ​ການ​ເປັນ​ຢູ່ດີ​ຂຶ້ນ. ມາ​ຮອດ​ປີ 2005-2010 ວຽກ​ງານ​ສື່​ມວນ​ຊົນ​ແຂວງ​ຍິ່ງ​ໄດ້​ຮັບ​ການ​ພັດທະນາ​ຂຶ້ນຢ່າງ​ກວ້າງຂວາງ ​ໂດຍ​ສະ​ເພາະ​ໃນ​ແຕ່ລະ​ເມືອງ​ກໍ​ມີ​ວິທະຍຸ​ທ້ອງ​ຖິ່ນ​ລະບົບ​ເອັບ​ເອັມຢູ່​ເມືອງ​ຂອງ​ຕົນ ​ເພື່ອ​ຖ່າຍ​ທອດ​ສຽງ​ຈາກ​ວິທະຍຸ​ແຫ່ງ​ຊາດ ​ແລະ ຂອງ​ແຂວງ. ນັກ​ຂ່າວ, ນັກ​ຂຽນ​ກໍ​ມີ​ການ​ຂະຫຍາຍຕົວ, ມີ​ກອງໜັງສືພິມ, ວາລະສານ ​ແລະ ຂ່າວສານ, ກອງ​ເວັບ​ໄຊ​ຂອງ​ແຂວງ, ວິທະຍຸ-​ໂທລະພາບ ຈົນ​ມາ​ຮອດ​ປັດຈຸບັນ​ສື່​ມວນ​ຊົນ​ແຂວງ​ບໍລິ​ຄຳ​ໄຊ​ໄດ້​ມີ​ບາດກ້າວ​ຂະຫຍາຍຕົວ ​ເຮັດ​ໃຫ້​ສື່​ມວນ​ຊົນ​ຢູ່​ຕາມ​ບ້ານ ​ແລະ ​ເຂດ​ຫ່າງ​ໄກ​ສອກຫລີກ​ໄດ້​ເຂົ້າ​ເຖິງ​ຂ່າວສານ ພ້ອມ​ສົ່ງ​ຂ່າວ​ກ່ຽວ​ກັບ​ບັນຫາ​ຕ່າງໆ ​ໂດຍ​ສະ​ເພາະ​ວຽກ​ດີ​ຄົນ​ເດັ່ນ​ຂອງ​ປະຊາຊົນ​ບັນດາ​ເຜົ່າ​ໃນ​ການ​ສ້າງ​ຊີວິດ​ໃໝ່​ຂອງ​ຕົນ, ​ໃຜໆ​ກໍ​ມີ​ຄວາມ​ສົນ​​ໃຈ​ຢາກ​ອ່ານ​ຂ່າວ, ຢາກ​ເບິ່ງ​ໂທລະພາບ ​ເພາະ​ໄດ້​ເຫັນ​ຜົນສຳ​ເລັດ​ຕ່າງໆ ​ແລະ ອັນ​ທີ່​ພົ້ນ​ເດັ່ນ​ໃນ​ປັດຈຸບັນ​ກໍ​ແມ່ນ​ແຕ່ລະ​ເມືອງ​ແຕ່​ລະ​ບ້ານ​ໃນ​ທົ່ວ​ແຂວງ​ໄດ້​ມີ​ສະຖານີ​ວິທະຍຸ ​ແລະ ​ໂທລະ​ໂຄ່ງ​ຂອງ​ຕົນ ​ໄດ້​ປະກອບສ່ວນ​ສຳຄັນ​ເຂົ້າ​ໃນ​ການ​ເຜີຍ​ແຜ່​ຂໍ້​ມູນ​ຂ່າວສານ​ບ້ານ​ເມືອງ ​ແລະ ການ​ເຕົ້າ​ໂຮມ​ຄວາມ​ສາມັກຄີ​ຂອງ​ປະຊາຊົນ​ບັນດາ​ເຜົ່າ, ຕັ້ງໜ້າ​ປະກອບສ່ວນ​ສ້າງສາ​ພັດທະນາ​ເສດຖະກິດ-ສັງຄົມ​ທ້ອງ​ຖິ່ນ​ໄດ້​ເຕີບ​ໃຫຍ່​ຂະຫຍາຍຕົວ.

ວຽກ​ງານ​ສື່​ມວນ​ຊົນ​ແຂວງ​ບໍລິ​ຄຳ​ໄຊ​​ໄດ້​ເຕີບ​ໃຫຍ່​ເຂັ້ມ​ແຂງ - new3 - ວຽກ​ງານ​ສື່​ມວນ​ຊົນ​ແຂວງ​ບໍລິ​ຄຳ​ໄຊ​​ໄດ້​ເຕີບ​ໃຫຍ່​ເຂັ້ມ​ແຂງ

ທັງ​ນີ້​ກໍ​ຍ້ອນ​ການ​ຊີ້​ນຳ-ນຳພາ​ຢ່າງ​ໃກ້ຊິດ​ຂອງ​ຄະນະ​ພັກ​ອຳນາດ​ການ​ປົກຄອງ ​ແລະ ມາ​ຮອດ​ປັດຈຸບັນ​ວຽກ​ງານ​ສື່​ມວນ​ຊົນ​ລາວ​ໄດ້​ມີ​ກົດໝາຍ​ທີ່​ສະພາ​ແຫ່ງ​ຊາດ​ໄດ້​ຮັບຮອງ​ເອົາ​ແລ້ວ ​ແລະ ກົດໝາຍ​ນີ້​ກໍ​ມີ​ຄວາມ​ຈຳ​ເປັນ​ທີ່​ສຸດ​ໃຫ້​ແກ່​ການ​ເຄື່ອນ​ໄຫວ​ຂອງ​ວຽກ​ງານ​ເຮົາ​ໄດ້​ມີ​ປະສິດທິພາບ.

ວຽກ​ງານ​ສື່​ມວນ​ຊົນ​ແຂວງ​ບໍລິ​ຄຳ​ໄຊ​​ໄດ້​ເຕີບ​ໃຫຍ່​ເຂັ້ມ​ແຂງ - lattana 1 - ວຽກ​ງານ​ສື່​ມວນ​ຊົນ​ແຂວງ​ບໍລິ​ຄຳ​ໄຊ​​ໄດ້​ເຕີບ​ໃຫຍ່​ເຂັ້ມ​ແຂງ
error: Content is protected !!