ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022

ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022 -           10 - ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022
ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022 - AGL - ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022

ວັນທີ 18 ພຶດສະພາ 2022, ສຳນັກຂ່າວຊິນຮົວລາຍງານວ່າ: ທາງການສາທາລະນະສຸກລັດແມສຊາຊູເຊດຂອງອາເມລິກາ ຢືນຢັນການກວດພົບຜູ້ຕິດເຊື້ອພະຍາດຝີດາດລີງ (Monkeypox) ຄົນທຳອິດຂອງປະເທດໃນປີ 2022 ເຊິ່ງເປັນຊາຍໄວຜູ້ໃຫຍ່ທີ່ອາໄສຢູ່ໃນລັດດັ່ງກ່າວ ແລະ ມີປະຫວັດເດີນທາງຢ້ຽມຢາມການາດາ, ແຕ່ຜູ້ຕິດເຊື້ອຄົນນີ້ “ຍັງບໍ່ກໍ່ໃຫ້ເກີດຄວາມສ່ຽງຕໍ່ສາທາລະນະ”.

ທາງການລະບຸວ່າ: ການທົດລອງເບື້ອງຕົ້ນສຳເລັດເມື່ອວັນທີ 17 ພຶດສະພາຜ່ານມາ ກ່ອນຫ້ອງປະຕິບັດການຂອງສູນຄວບຄຸມ ແລະ ປ້ອງກັນພະຍາດອາເມລິກາ (CDC) ຈະຢືນຢັນພົບການຕິດເຊື້ອພະຍາດຝີດາດລີງໃນຕອນບ່າຍວັນທີ 18 ພຶດສະພາ ໂດຍຄະນະນັກວິທະຍາສາດຂອງ CDC ກຳລັງເຮັດວຽກຮ່ວມກັບສຳນັກງານສາທາລະນະສຸກແມສຊາຊູເຊດເພື່ອສອບສວນຜູ້ຕິດເຊື້ອຄົນນີ້.

CDC ກຳລັງຕິດຕາມການຕິດເຊື້ອພະຍາດຝີດາດລີງແບບກຸ່ມກ້ອນຫລາຍກຸ່ມທີ່ຖືກກວດພົບໃນຫລາຍປະເທດໄລຍະ 2 ອາທິດຜ່ານມາ ເຊິ່ງລວມທັງປັອກຕຸຍການ, ແອັສປາຍ ແລະ ອັງກິດ. ພ້ອມຮຽກຮ້ອງຜູ້ໃຫ້ບໍລິການເບິ່ງແຍງສຸຂະພາບເຝົ້າລະວັງຜູ້ປ່ວຍທີ່ມີອາການສອດຄ່ອງກັບພະຍາດຝີດາດລີງ ບໍ່ວ່າພວກເຂົາຈະມີປະຫວັດການເດີນທາງບາງຢ່າງ ຫລື ມີປັດໄຈສ່ຽງສະເພາະສຳລັບພະຍາດດັ່ງກ່າວ ຫລື ບໍ່ກໍຕາມ.

ອີກຢ່າງໜຶ່ງ, ອົງການອະນາໄມໂລກລະບຸວ່າ: ພະຍາດຝີດາດລີງເປັນພະຍາດເກີດຈາກສັດໃນປ່າ (Sylvatic Zoonosis) ທີ່ອາດເຮັດໃຫ້ເກີດການຕິດເຊື້ອໃນມະນຸດ ແລະ ມັກເກີດຂຶ້ນໃນພື້ນທີ່ປ່າຂອງອາຟຣິກາກາງ ແລະ ຕາເວັນຕົກ ໂດຍພະຍາດນີ້ເກີດຈາກການຕິດເຊື້ອໄວຣັສຝີດາດລີງ ເຊິ່ງຈັດຢູ່ໃນສະກຸນອໍໂທພອກໄວຣັສ (Orthopoxvirus).

ອ້າງອີງ:

https://www.xinhuathai.com/inter/283666_20220519

ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022 -    AD conten website - ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022
ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022 - lattana banner 1 - ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022
ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022 - lattana banner - ອາເມລິກາຢືນຢັນພົບຜູ້ຕິດເຊື້ອພະຍາດ ‘ຝີດາດລີງ’ ຄົນທຳອິດຂອງປີ 2022
error: Alert: ເນື້ອຫາຂ່າວມີລິຂະສິດ !!