ພາກ​ລັດ ​ແລະ ​ເອກ​ະຊົນ​​ ຮ່ວມຫາລື​ວຽກ​ງານ​ການ​ລົງທຶນ

ພາກ​ລັດ ​ແລະ ​ເອກ​ະຊົນ​​ ຮ່ວມຫາລື​ວຽກ​ງານ​ການ​ລົງທຶນ - advert banner 728 90 728x90 - ພາກ​ລັດ ​ແລະ ​ເອກ​ະຊົນ​​ ຮ່ວມຫາລື​ວຽກ​ງານ​ການ​ລົງທຶນ

ກອງ​ປະຊຸມ​ກ່ຽວ​ກັບ​ວຽກ​ງານ​ການ​ລົງທຶນ​ຮ່ວມລະຫວ່າງ​ພາກ​ລັດ ​ແລະ ​ເອກະຊົນໄດ້ຈັດຂຶ້ນໃນວັນທີ 10 ສິງຫານີ້ທີ່ນະຄອນຫລວງວຍງຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ຄຳ​ລຽນ ພົນ​ເສນາ ຮອງ​ລັດຖະມົນຕີ​ກະຊວງ​ແຜນການ ​ແລະ ການ​ລົງທຶນ, ມີ​ບັນດາ​ຮອງ​ປະທານ​ກຳ​ມະ​ທິການ​ສະພາ​ແຫ່ງ​ຊາດ, ຮອງ​ຫົວໜ້າ​ສະ​ຖາ​ບັນ​ຄົ້ນຄວ້າ​ເສດຖະກິດ​ແຫ່ງ​ຊາດ, ປະທານ​ສະພາ​ອຸດ ສາຫະກຳ​ການ​ຄ້າ ​ແລະ ຜູ້ຕາງໜ້າ​ທະນາຄານ​ພັດທະນາ​ຊີ​ເຂົ້າ​ຮ່ວມນໍາດ້ວຍ.

ພາກ​ລັດ ​ແລະ ​ເອກ​ະຊົນ​​ ຮ່ວມຫາລື​ວຽກ​ງານ​ການ​ລົງທຶນ - new3 - ພາກ​ລັດ ​ແລະ ​ເອກ​ະຊົນ​​ ຮ່ວມຫາລື​ວຽກ​ງານ​ການ​ລົງທຶນ

ທ່ານ ຄຳ​ລຽນ ພົນ​ເສນາ ​ໄດ້​ກ່າວໃນກອງປະຊຸມ​ວ່າ: ລັດຖະບານລາວເຫັນໄດ້ຄວາມສຳຄັນຂອງວຽກງານສົ່ງເສີມການລົງທຶນຂອງພາກເອກະຊົນ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດ ໃນເງື່ອນໄຂທີ່ມີການແຂ່ງຂັນໃນລະດັບພາກພື້ນ ແລະ ສາກົນໃນການດຶງດູດເອົາການລົງທຶນຂອງພາກເອກະຊົນພາຍໃນ ແລະ ຕ່າງປະເທດທີ່ມີຄຸນນະພາບເຂົ້າໃນການພັດທະນາປະເທດ, ຊຶ່ງປັດຈຸບັນການລົງທຶນຮ່ວມພາກລັດ-ເອກະຊົນ ຫລື ເອີ້ນວ່າ PPP ​ໄດ້​ກາຍ​ເປັນ​ຮູບ​ແບບ​ການ​ລົງທຶນ​ໜຶ່ງທີ່​ໄດ້​ນຳ​ໃຊ້ ​ແລະ ມີ​ຜົນສຳ​ເລັດ​ຢູ່​ຫລາຍ​ປະ​ເທດ​ໃນ​ຂົງ​ເຂດ​ອາຊີ ​ແລະ ​ສາກົນ ແລະ ການ​ຮ່ວມ​ທຶນ​ລະຫວ່າງ​ພາກ​ລັດ-​ເອກະ​ຊົນ ​ເປັນ​ການ​ລົງທຶນ​ແບບ​ໃໝ່​ທີ່​ມີ​ຄວາມ​ສຳຄັນ ​ແລະ ຈຳ​ເປັນ​​ໃນ​ການ​ພັດທະນາ​ເສດຖະກິດ-ສັງຄົມ, ພ້ອມ​ທັງ​ເປັນ​ການ​ຍົກ​ລະດັບ​ປະສິດ ທິພາບ, ປະສິດທິ​ຜົນ, ຄວາມ​ໂປ່​ງ​ໃສ ​ແລະ ຍືນ​ຍົງ​ຂອງ​ໂຄງການ​ລົງທຶນ ແລະ ຈະ​ຊ່ວຍ​ຫລຸດຜ່ອນ​ພາລະ​ທາງ​ດ້ານ​ການ​ເງິນ, ການ​ບໍລິຫານ​ໂຄງການ, ຄວາມ​ສ່ຽງ​ຂອງ​ລັດຖະບານ​ໃນ​ການ​ລົງທຶນ​ໃສ່​ໂຄງການ​ໃຫຍ່ໆ, ພ້ອມ​ທັງ​ສາມາດ​ປະກອບສ່ວນ​ເຂົ້າ​ໃນ​ການ​ຂັບ​ເຄື່ອນການ​ພັດທະນາ​ເສດຖະກິດ​ຂອງປະ​ເທດ​ຢ່າງ​ມີ​ປະສິດທິ​ຜົນ.

ກອງ​ປະຊຸມ​ດັ່ງກ່າວ, ​ແມ່ນແນໃສ່​ເພື່ອ​ຮ່ວມ​ກັນ​ແກ້​ໄຂ​ບັນຫາ​​ງົບປະມານ ​ແລະ ຍົກ​ປະສິດທິ​ຜົນ​ຂອງ​ເມັດ​ເງິນ​ທີ່​ໄດ້​ລົງທຶນ​ໄປ, ເຊິ່ງລັດຖະບານຈະ​ຮັກສາ​ຖະນະ​ເປັນ​ເຈົ້າ​ຂອງ​ໂຄງການຢ່າງ​ເຕັມ​ສ່ວນ​ໃນ​ການ​ນຳ​ໃຊ້​ທຶນຮອນ ​ແລະ ພາກ​ເອກະ​ຊົນ ຈະ​ເຂົ້າ​ມາ​ຊ່ວຍ​ໃນ​ການ​​ສຶກສາ, ອອກ​ແບບ ​ແລະ ພັດທະນາ​ໂຄງການ​ ​ໂດຍຈະ​ມີ​ການຈັດ​ແບ່ງ​ຄວາມ​ສ່ຽງ​ລະຫວ່າງ​ພາກ​ລັດ ​ແລະ ​ເອກ​ະຊົນຢ່າງລະອຽດນໍາກັນຕາມສັນຍາລະບຸໄວ້.

ພາກ​ລັດ ​ແລະ ​ເອກ​ະຊົນ​​ ຮ່ວມຫາລື​ວຽກ​ງານ​ການ​ລົງທຶນ - lattana 1 - ພາກ​ລັດ ​ແລະ ​ເອກ​ະຊົນ​​ ຮ່ວມຫາລື​ວຽກ​ງານ​ການ​ລົງທຶນ

 

error: Content is protected !!