ຄວາມ​ຄືບ​ໜ້າ​ຂອງ​ການ​ກໍ່ສ້າງ​ເຂື່ອນ​ໄຟຟ້າ​ນ້ຳທາ

ຄວາມ​ຄືບ​ໜ້າ​ຂອງ​ການ​ກໍ່ສ້າງ​ເຂື່ອນ​ໄຟຟ້າ​ນ້ຳທາ - advert banner 728 90 728x90 - ຄວາມ​ຄືບ​ໜ້າ​ຂອງ​ການ​ກໍ່ສ້າງ​ເຂື່ອນ​ໄຟຟ້າ​ນ້ຳທາ

ຮອງ​ຫົວໜ້າ​ພະ​ແນ​ກພະລັງງານ-ບໍ່​ແຮ່​ແຂວງ​ບໍ່​ແກ້ວ ​ໃຫ້​ຮູ້​ວ່າ: ​ໂຄງການ​ກໍ່ສ້າງ​ເຂື່ອນ​ໄຟຟ້າ​ນ້ຳທາ 1 ​ເປັນ​ໜຶ່ງ​ໃນ​ໂຄງການ​ສຳຄັນ​ຂອງ​ແຂວງ ​ແນ​ໃສ່​ຕອບ​ສະໜອງ​ໄຟຟ້າ​ໃຫ້​ແກ່​ພາຍ​ໃນ ​ເຊິ່ງ​ໄດ້​ເລີ່​ມລົງມື​ກໍ່ສ້າງ​ມາ​ແຕ່​ຕົ້ນ​ເດືອນ​ກໍລະກົດ 2014 ​ໃນ​ມູນ​ຄ່າ​ທັງ​ໝົດ 447 ລ້ານ​ໂດ​ລາ​ສະຫະລັດ ​ເຊິ່ງມາ​ຮອດ​ປັດຈຸບັນສຳ​ເລັດ​ແລ້ວ 86,27% ​ເຊິ່ງ​ເຂື່ອນ​ໄຟຟ້າ​ແຫ່ງ​ນີ້​ມີ​ກຳລັງ​ຕິດຕັ້ງ 168 ​ເມ​ກາ​ວັດ, ​ເປັນ​ເຂື່ອນ​ແບບ​ຫີນ​ເບ​ຕົງ​ປົກ​ໜ້າ (CFRD) ມີ​ຄວາມ​ສູງ 93,6 ​ແມັດ, ສັນ​ເຂື່ອນ​ຍາວ 349 ​ແມັດ, ມີ​ເນື້ອທີ່​ອ່າງ​ກັກ​ເກັບ​ນ້ຳ 62,4 ກິ​ໂລ​ຕາ​ແມັດ, ມີ​ອາຍຸ​ສຳ​ປະທານ 28 ປີ ​ເຊິ່ງປະກອບ​ມີ 2 ຂາ​ຫຸ້ນ​ຄື: china Southern Grid International 80% ​ແລະ ລັດ​ວິ​ສາ​ຫະກິດ​ໄຟຟ້າ​ລາວ (EDL) 20% ​ເຊິ່ງຄາດ​ວ່າ​ຈະ​ໃຫ້​ສຳ​ເລັດ ​ແລະ ​ເປີດ​ຜະລິດ​ໄຟຟ້າ​ໄດ້​ໃນ​ປີ 2018 ​ແລະ ​ໄປ​ຄຽງ​ຄູ່​ກັບ​ການ​ກໍ່ສ້າງ​ເຂື່ອນ​ແລ້ວ, ຜູ້​ຮັບ​ເໝົາ​ຍັງ​ໄດ້​ເອົາ​ໃຈ​ໃສ່​ແກ້​ໄຂ​ຜົນ​ກະທົບ​ຕໍ່​ປະຊາ​ຊົນ​ທັງ​ໝົດ 37 ລ້ານ, ມີ 1.707 ຄອບຄົວ ​ໂດຍ​ສະ​ເພາະ​ຢູ່​ແຂວງ​ບໍ່​ແກ້ວ​ແມ່ນ​ໄດ້​ຍົກຍ້າຍ​ປະຊາຊົນ​ໄປ​ຢູ່​ເຂດ​ຈັດ​ສັນ​ຫາດ​ໝວກ​ສຳ​ເລັດ​ແລ້ວ 566 ຫລັງຄາ​ເຮືອນ ​ແລະ ຈັດ​ສັນ​ບ້ານ​ໃໝ່​ໃຫ້​ປະຊາຊົນ​ທີ່​ຖືກ​ຜົນ​ກະທົບ​ຈາກ​ໂຄງການ​ດັ່ງກ່າວ ​ໂດຍ​ໄດ້​ເຕົ້າ​ໂຮມ​ເອົາ 10 ບ້ານ​ມາ​ຈັດ​ເປັນ 3 ບ້ານ ຄື​ບ້ານ​ເພັງ, ບ້ານ​ເກີນ ​ແລະ ບ້ານ​ສຸກ​ຈະ​ເລີ​ນ. ປັດຈຸບັນ ປະຊາຊົນ​ທີ່ຢູ່​ອາ​ໄສ​ໃນ​ເຂດ​ຈັດ​ສັນ​ຫາດ​ໝວກ 750 ຫລັງຄາ​ເຮືອນ, ມີ​ພົນລະ​ເມືອງ​ທັງ​ໝົດ 4.072 ຄົນ.

ຮອງ​ຫົວໜ້າ​ພະລັງງານ-ບໍ່​ແຮ່​ແຂວງ​ບໍ່​ແກ້ວ ລາຍ​ງານ​ໃຫ້​ຮູ້​ອີກ​ວ່າ: ພາຍຫລັງ​ໂຄງການ​ກໍ່ສ້າງ​ສຳ​ເລັດ​ສົມບູນ ຄາດ​ວ່າ​ຈະ​ສະໜອງ​ໄຟຟ້າ​ໃຫ້​ແກ່​ແຂວງ​ບໍ່​ແກ້ວ​ໄດ້​ຢ່າງ​ພຽງພໍ. ນອກຈາກ​ນີ້ ຍັງ​ຈະ​ສົ່ງ​ໄຟຟ້າ​ໄປ​ຂາຍ​ໃຫ້​ປະ​ເທດ​ເພື່ອນ​ບ້ານ ​ເພື່ອ​ສ້າງ​ລາຍ​ຮັບ​ເຂົ້າປະ​ເທດ ​ເຮັດ​ໃຫ້​ເສດຖະກິດ​ຈະ​ເລີ​ນຂຶ້ນ​ເທື່ອ​ລະ​ກ້າວ ​ແລະ ​ໂຄງການ​ກໍ່ສ້າງ​ເຂື່ອນ​ໄຟຟ້າ​ນ້ຳຟ້າ ​ເຂດ​ເມືອງ​ເມິງ ​ແຂວງ​ບໍ່​ແກ້ວ ​ແລະ ​ເມືອງ​ລອງ ​ແຂວງ​ຫລວງ​ນ້ຳທາ, ​ໂຄງການ​ກໍ່ສ້າງ​ເຂື່ອນ​ນ້ຳທາ 2 ຢູ່​ຈຸດ​ເຂດ​ຈັດ​ສັນ​ຫາດ​ໝວກ ​ເມືອງ​ຜາ​ອຸດົມ, ​ໂຄງການ​ກໍ່ສ້າງ​ເຂື່ອນ​ໄຟຟ້າ​ນ້ຳງາ​ວ ​ເຂດ​ບ້ານນ້ຳ​ແສນ ​ເມືອງ​ຫ້ວຍ​ຊາຍ ​ແລະ ​ເຂື່ອນ​ໄຟຟ້າ​ນ້ຳປຸ່ງ​ເລາະ ​ເຂດ​ເມືອງ​ເມິງ ​ແຂວງ​ບໍ່​ແກ້ວ​ອີກ​ດ້ວຍ.

ຄວາມ​ຄືບ​ໜ້າ​ຂອງ​ການ​ກໍ່ສ້າງ​ເຂື່ອນ​ໄຟຟ້າ​ນ້ຳທາ - Tiger Head 728x90 - ຄວາມ​ຄືບ​ໜ້າ​ຂອງ​ການ​ກໍ່ສ້າງ​ເຂື່ອນ​ໄຟຟ້າ​ນ້ຳທາ
ຄວາມ​ຄືບ​ໜ້າ​ຂອງ​ການ​ກໍ່ສ້າງ​ເຂື່ອນ​ໄຟຟ້າ​ນ້ຳທາ - 1 1 - ຄວາມ​ຄືບ​ໜ້າ​ຂອງ​ການ​ກໍ່ສ້າງ​ເຂື່ອນ​ໄຟຟ້າ​ນ້ຳທາ
error: Content is protected !!