ຄູຕິນໂຢ ໄດ້ຮັບຂໍ້ຄວາມແຟນບານລີເວີພູລ ກ່ອນ ວິລລາ ພົບ ແມນຊິຕີ ນັດປິດລະດູການ

ຟີລິບເປ ຄູຕິນໂຢ ກອງກາງຕົວບຸກທີມຊາດບຣາຊິລ ຂອງ ແອສຕັນ ວິລລາ ລະບຸວ່າໄດ້ຮັບຂໍ້ຄວາມຈາກແຟນບານລີເວີພູລຈຳນວນຫລາຍ ທີ່ຫວັງໃຫ້ຕົ້ນສັງກັດຂອງລາວບຸກໄປແບ່ງຄະແນນຈາກ ແມນເຊສເຕີ ຊິຕີ ໃນການແຂ່ງຂັນພຣີເມຍລີກ ອັງກິດ ນັດສຸດທ້າຍ ວັນອາທິດນີ້ ເພາະອາດຈະສົ່ງຜົນໃຫ້ ລີເວີພູລ ປາດຫນ້າ ແມນເຊສເຕີ ຊິຕີ ຄວ້າແຊ໊ມພຣີເມຍລີກມາຄອງນັ້ນເອງ.

ສະຖານະສການໃນຕາຕະລາງຄະແນນພຣີເມຍລີກ ແມນຊິຕີ ນຳເປັນທີມນຳ ມີ 90 ຄະແນນ ຕາມມາດ້ວຍອັນດັບ 2 ລີເວີພູລ ມີ 89 ຄະແນນ ໂດຍນັດສຸດທ້າຍ ລີເວີພູລ ຕ້ອງເອົາຊະນະ ວູມແຮມຕັນ ໃຫ້ໄດ້ ແລະ ຫວັງໃຫ້ ແມນເຊສເຕີ ຊິຕີ ສະເຫມີ ຫລື ເສຍໃຫ້ ແອສຕັນ ວິລລາ ເຖິງຈະເຮັດໃຫ້ລີເວີພູລ ປາດຫນ້າຄວ້າແຊ໊ມພຣີເມຍລີກ ອັງກິດລະດູການນີ້ມາຄອງ.

ຄູຕິນໂຢ ອະດີດນັກເຕະຂອງ ລີເວີພູລ ກ່າວວ່າ : ‘‘ ມັນເປັນເກມທີ່ດີທີ່ຈະຫລິ້ນ ແຕ່ເຮົາຕ້ອງການຈົບໃຫ້ດີໃນການພົບກັບທີມທີ່ດີທີ່ສຸດ ເຮົາຕ້ອງການທີ່ຈະປັບປຸງຢູ່ສະເຫມີ ເຮັດໃຫ້ດີ ແລະ ຈົບໃນອັນດັບທີ່ສຸດສຸດເທົ່າທີ່ຈະເປັນໄປໄດ້ ຂ້ອຍສົນໃຈພຽງແຕ່ທີມໃຫມ່ຂອງຂ້ອຍເທົ່ານັ້ນ ຂ້ອຍຢາກຫລິ້ນໃຫ້ດີເພື່ອພວກເຂົາ ຂ້ອຍໄດ້ຮັບຂໍ້ຄວາມຈຳນວນຫລາຍຈາກແຟນບານ ລີເວີພູລ ໃນສື່ອອນລາຍ ແຕ່ຂ້ອຍກໍບໍ່ໄດ້ເບ່ິງມັນຫລາຍຂະຫນາດນັ້ນ ຂ້ອຍສຸ່ມໃສ່ຕົວຂ້ອຍເອງກັບສະໂມສອນຢູ່ ’’.