ເບລຢຽມ ເປັນປະເທດທຳອິດ ທີ່ອອກມາດຕະການເຂັ້ມງວດຕໍ່ຜູ້ຕິດເຊື້ອ ຝີຕຸ່ມລີງ ຕ້ອງກັກໂຕ 21 ວັນ
May 23, 2022 - 12:50 PM
ສຳນັກຂ່າວຕ່າງປະເທດລາຍງານວ່າ: ກະຊວງສາທາລະນະສຸກ ເບລຢຽມ ໄດ້ອອກມາດຕະການບັງຄັບໃຫ້ຜູ້ທີ່ມີຜົນກວດຢືນຢັນຕິດເຊື້ອຝີຕຸ່ມລີງ (monkeypox ) ຈະຕ້ອງກັກໂຕເປັນເວລາ 21 ວັນ ຫລື 3 ອາທິດ ເພື່ອປ້ອງກັນບໍ່ໃຫ້ເຊື້ອໄວຣັດ ຝີຕຸ່ມລີງ ແພ່ກະຈາຍໄປສູ່ຜູ້ອື່ນ ຫລັງຈາກຈາກບັນທຶກຜູ້ປ່ວຍພາຍໃນປະເທດ 3 ຄົນ.
ມາດຕະການດັ່ງກ່າວມີຂຶ້ນຫລັງຈາກທີ່ ອົງການອະນາໄມໂລກ ຫລື ລາຍງານສະຖານະການລະບາດຂອງຝີຕຸ່ມລີງ ຢືນຢັນພົບຜູ້ຕິດເຊື້ອ ຈຳນວນ 92 ຄົນ ກໍລະນີສົງໄສອີກ 28 ຄົນ ໃນ 14 ປະເທດ ຄື: ອອສເຕຣເລຍ, ເບລຢຽມ, ແຄນນາດາ, ຝຣັ່ງ, ເຢຍລະມັນ, ອີຕາລີ, ເນເທີແລນ, ໂປຣຕຸເກດ, ສະເປນ, ສະວີເດັນ, ສະວິດເຊີແລນ, ອິດສຣາເລວ, ອັງກິດ ແລະ ອາເມລິກາ.
ການກວດພົບຜູ້ຕິດເຊື້ອລະຫວ່າງ 13-21 ພຶດສະພາ 2022 ຈົນເຖິ່ງເວລາ 13:00 ໂມງ (ຕາມເວລາທ້ອງຖິ່ນ).
