ສາຍການບິນດັງຂອງຫວຽດນາມ ອັດສີດທີມບານເຕະແຊ໊ມຊີເກມ ຊາຍ-ຍິງ ບິນຟຣີທຸກຄົນ 1 ປີ

ສາຍການບິນຫວຽດນາມ ມອບລາງວັນໃຫ້ເຫລ່ົາສະມາຊິກທີມບານເຕະຊາຍ ແລະ ຍິງ ຫວຽດນາມ ຊຸດແຊ໊ມຊີເກມ 2021 ດ້ວຍການໃຫ້ທຸກຄົນບິນຟຣີເປັນເວລາ 1 ປີ.

ໂຊວິໂກ ກຣຸບ ບໍລິສັດ ຜູ້ຮ່ວມກໍ່ຕັ້ງສາຍການບິນຫວຽດນາມເຈັດ ມອບລາງເຫລ່ົາສະມາຊິກທີມບານເຕະຊາຍ ແລະ ຍິງ ຫວຽດນາມ ຊຸຸດຫລຽນຄຳຊີເກມ 2021 ດ້ວຍການໃຫ້ທຸກຄົນເດີນທາງດ້ວຍຖ້ຽວບິນຂອງສາຍການບິນແຫ່ງນີ້ຟຣີທັງໃນ ແລະ ນອກປະເທດແບບບໍ່ຈຳກັດເປັນເວລາ 1 ປີ.

ສຳລັບທີມບານເຕະຊາຍ ແລະ ຍິງ ຂອງຫວຽດນາມ ຕ່າງພາກັນປ້ອງກັນແຊ໊ມໄດ້ອີກຫນຶ່ງສະໄຫມ ດ້ວຍໄຊຊະນະເຫນືອທີມຊາດໄທ 1-0 ຄືກັນ ເຮັດໃຫ້ສາຍການບິນດັງແຫ່ງນີ້ ຕັດສິນໃຈມອບລາງວັນດັ່ງກ່າວໃຫ້ໃນຖານະທີ່ເປັນຄວາມພູມໃຈ ແລະ ເປັນຄວາມສຸກຂອງຄົນທັງຊາດ.

ສຳລັບ ຫວຽດນາມ ເຈັດ ເປັນສາຍການບິນຕົ້ນທຶນຕຳ່ລາຍໃຫຍ່ສຸດຂອງຫວຽດນາມ ກໍ່ຕັ້ງມາຕັ້ງມາແຕ່ປີ 2007 ໂດຍປັດໄຈເປັນສະມາຊິກເຕັມຕົວຂອງສະມາຄົມຂົນສົ່ງທາງອາກາດລະຫວ່າງປະເທດ (ໄອເອທີເອ).