VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ

VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ - VinFast Factory Featured - VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ
VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ - AGL - VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ

ວັນທີ 24 ພຶດສະພາ 2022, ທ່ານ ນາງ Le Thi Thu Thuy ປະທານຜູ້ບໍລິຫານ VinFast ບໍລິສັດລົດຍົນຂອງຫວຽດນາມ ເປີດເຜີຍວ່າ: ຈະເລີ່ມການຜະລິດລົດຍົນໄຟຟ້າ (EV) ສຳລັບການສົ່ງອອກໄປຕະຫລາດອາເມລິກາ ແລະ ເອີຣົບຊຸດທຳອິດໃນອາທິດໜ້າ ແລະ ຕັ້ງເປົ້າສົ່ງອອກລົດຍົນສູ່ຕ່າງປະເທດໃນທ້າຍປີນີ້ ໂດຍເລີ່ມຈາກລຸ້ນ VF8.

ນອກຈາກນີ້, ຍັງເຜີຍເຖິງແຜນການຍ້າຍສຳນັກງານໃຫຍ່ຈາກຮ່າໂນ້ຍໄປສິງກະໂປກ່ອນການສະເໜີຂາຍຫຸ້ນ IPO ໃນຕະຫລາດອາເມລິກາ ແລະ ແຜນການສ້າງໂຮງງານມູນຄ່າ 4.000 ລ້ານໂດລາສະຫະລັດ ໃນນອດແຄໂຣໄລນາໃນທ້າຍລະດູຮ້ອນ ເຊິ່ງເປັນໂຮງງານແຫ່ງທຳອິດໃນອາເມລິກາ ເຊິ່ງຄາດວ່າຈະສຳເລັດໃນປີ 2024 ແລະ ຕັ້ງເປົ້າຜະລິດລົດຍົນໃຫ້ໄດ້ 150.000 ຄັນຕໍ່ປີ ຕະຫລອດຈົນມີແຜນເລີ່ມຜະລິດແບັດເຕີຣີ EV ຂອງຕົນເອງໃນເດືອນສິງຫາ.

ໃນຕົ້ນເດືອນພຶດສະພາຜ່ານມາ, Vingroup ບໍລິສັດແມ່ຂອງ VinFast ເປີດເຜີຍວ່າ: ໄດ້ຍື່ນຂໍສະເໜີຂາຍຫຸ້ນແກ່ປະຊາຊົນທົ່ວໄປ (IPO) ໃນອາເມລິກາຜ່ານບໍລິສັດໂຮນດິ້ງໃນສິງກະໂປແລ້ວ ເຊິ່ງປະທານຜູ້ບໍລິຫານຄາດວ່າ:​ ການເປີດ IPO ອາດຈະເກີດຂຶ້ນໃນຊ່ວງເຄິ່ງປີຫລັງ.

ບໍລິສັດຕັ້ງເປົ້າຍອດຂາຍໃນອາເມລິກາໄວ້ປະມານ 1,6-1,8 ແສນຄັນຕໍ່ປີ. ນອກຈາກນີ້ ຍັງຕັ້ງເປົ້າຕີຕະຫລາດປະເທດອື່ນໆໃນເອີຣົບນຳອີກ ເຊິ່ງຖ້າສາມາດຕີຕະຫລາດອາເມລິກາ ແລະ ເອີຣົບໄດ້ຕາມເປົ້າໝາຍ VinFast ຈະຖືເປັນຍີ່ຫໍ້ລົດຍົນເຈົ້າທຳອິດຈາກອາຊຽນທີ່ຈຳໜ່າຍລົດຍົນໄຟຟ້າໃນລະດັບໂລກ.

ເຖິງຢ່າງໃດກໍຕາມ, VF8 ລຸ້ນທຳອິດຂອງ VinFast ຈະໃຊ້ແບັດເຕີຣີຈາກ Samsung SDI Co Ltd ຂອງ ສ.ເກົາຫລີ, ແຕ່ຜູ້ຜະລິດລົດຍົນໄດ້ພັດທະນາແບັດເຕີຣີຂອງຕົນເອງເພື່ອປ້ອງກັນບັນຫາການຂາດເຂີນໃນອະນາຄົດ ໂດຍຈະເລີ່ມຜະລິດແບັດເຕີຣີໃນເດືອນສິງຫາ ແລະ ຄາດວ່າຈະມີກຳລັງການຜະລິດລົດຍົນປະມານ 3.000 ຄັນດ້ວຍແບັດເຕີຣີຂອງຕົນເອງໃນທ້າຍປີນີ້.

ທັງນີ້, Vingroup ເປັນເຄືອບໍລິສັດຍັກໃຫຍ່ທີ່ສຸດຂອງຫວຽດນາມ ເມື່ອພິຈາລະນາຈາກມູນຄ່າຫລັກຊັບຕາມລາຄາຕະຫລາດ ໂດຍມີທຸລະກິດຕ່າງໆທີ່ຫລາກຫລາຍເຊັ່ນ: ການຄ້າຍ່ອຍ ແລະ ອະສັງຫາລິມະຊັບ ລວມທັງບໍລິສັດລົດຍົນຄື VinFast ເຊິ່ງສ້າງຕັ້ງຂຶ້ນໃນປີ 2019 ກ່ອນຈະມາເປັນຜູ້ຜະລິດລົດ EV ຢ່າງເຕັມຮູບແບບໃນປີຜ່ານມາ.

ເຖິງວ່າປັດຈຸບັນ ຕະຫລາດໂລກຈະເຕັມໄປດ້ວຍຜູ້ຜະລິດລົດຍົນຊື່ດັງຈຳນວນຫລາຍ ຕະຫລອດຈົນມີການແຂ່ງຂັນຈາກບໍລິສັດສຕາຣອັບຕ່າງໆ ແຕ່ Vingroup ເບິ່ງວ່າທົ່ວໂລກຍັງຂາດເຂີນຜູ້ຜະລິດລົດ EV ແລະ ນີ້ຖືເປັນ “ໂອກາດທອງ”.

ອ້າງອີງ:

https://www.reuters.com/business/autos-transportation/vietnam-ev-maker-vinfast-shift-hq-singapore-ahead-ipo-first-exports-2022-05-24/

VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ -    AD conten website - VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ
VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ - lattana banner - VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ
VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ - lattana banner 1 - VinFast ບໍລິສັດລົດຫວຽດນາມ ເລີ່ມຜະລິດລົດໄຟຟ້າບຸກຕະຫລາດໂລກ
error: Alert: ເນື້ອຫາຂ່າວມີລິຂະສິດ !!