ລາວ-ຫວຽດນາມແລກປ່ຽນບົດຮຽນເສນາທິການ

- Untitled design - ລາວ-ຫວຽດນາມແລກປ່ຽນບົດຮຽນເສນາທິການ

- Laos Vietnam 300x125 - ລາວ-ຫວຽດນາມແລກປ່ຽນບົດຮຽນເສນາທິການ   ກອງປະຊຸມແລກປ່ຽນບົດຮຽນການເປັນເສນາທິການໃຫ້ລັດຖະບານ ແລະ ການພັດທະນາໃນໄລຍະໃໝ່ລະຫວ່າງລາວ ແລະ ຫວຽດນາມໄດ້ຈັດຂຶ້ນໃນວັນທີ 27 ມີນານີ້ທີ່ແຂວງຫລວງພະບາງ, ຝ່າຍລາວນໍາໂດຍທ່ານ ເພັດ ພົມພິພັກ ລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີ ແລະ ຝ່າຍຫວຽດນາມນໍາໂດຍທ່ານ ມາຍຕຽນຢຸງ ລັດຖະມົນຕີ, ຫົວໜ້າຫ້ອງວ່າການລັດຖະບານ, ພ້ອມດ້ວຍພາກສ່ວນກ່ຽວຂ້ອງສອງຝ່າຍເຂົ້າຮ່ວມຢ່າງພ້ອມພຽງ.

ກອງປະຊຸມຄັ້ງນີ້, ຝ່າຍລາວໄດ້ສະເໜີກ່ຽວກັບກົງຈັກ ແລະ ກົນໄກແບບແຜນວິທີເຮັດວຽກຂອງລັດຖະບານຊຸດໃໝ່ ແລະ ຂອງຫ້ອງວ່າການສໍານັກງານນາຍົກລັດຖະມົນຕີ, ພາຍຫລັງສໍາເລັດການສ້າງແຜນດຳເນີນງານຂອງລັດຖະບານຊຸດທີ 8 ໂດຍໄດ້ຈັດສັນບັນຫາເຄັ່ງຮ້ອນຕ່າງໆເພື່ອແກ້ໄຂ, ລວມທັງການວາງຄາດໝາຍສູ້ຊົນ, ແຜນວຽກບູລິມະສິດຂອງລັດຖະບານ ແລະ ມາດຕະການຈັດຕັ້ງປະຕິບັດໃນໄລຍະແຕ່ປີ 2016-2020, ການຈັດກອງປະຊຸມລັດຖະບານ, ການສ້າງ ແລະ ປັບປຸງນິຕິກຳທີ່ລັດຖະບານຊຸດໃໝ່ໄດ້ກຳນົດໄວ້ທັງໝົດ 105 ສະບັບເພື່ອໃຫ້ສະພາແຫ່ງຊາດຮັບຮອງເພື່ອຫັນໄປສູ່ການຄຸ້ມຄອງລັດດ້ວຍກົດໝາຍໃຫ້ເຂັ້ມແຂງຂຶ້ນເທື່ອລະກ້າວ. ຂະນະທີ່ຝ່າຍຫວຽດນາມໄດ້ສະເໜີພາລະບົດບາດ, ສິດ ແລະ ໜ້າທີ່ຂອງຫ້ອງວ່າການລັດຖະບານ, ກົງຈັກ ແລະ ກົນໄກແບບແຜນວິທີເຮັດວຽກຂອງລັດຖະບານຊຸດໃໝ່, ການປັບປຸງຂອດບໍລິຫານລັດ, ປັບປຸງສະພາບແວດລ້ອມການລົງທຶນ ແລະ ການຮັບຄຳສະເໜີຂອງບັນດານັກລົງທຶນ ເພື່ອເຮັດໃຫ້ຫົວໜ່ວຍວິສາຫະກິດຂອງຫວຽດນາມໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາ ແລະ ສ້າງພື້ນຖານເສດຖະກິດອັນໜັກແໜ້ນໃຫ້ແກ່ປະເທດຊາດ. ນອກຈາກນີ້, ສອງຝ່າຍໄດ້ພ້ອມກັນປຶກສາຫາລືກ່ຽວກັບການເພີ່ມທະວີຮ່ວມມືໃນວຽກງານເສນາທິການເພື່ອຮັບປະກັນໃຫ້ການປະສານງານມີຄວາມກົມກຽວ ແລະ ມີປະສິດທິຜົນສູງກວ່າເກົ່າ.

ທ່ານ ເພັດ ພົມພິພັກ ກ່າວວ່າ: ກອງປະຊຸມເທື່ອນີ້, ຈັດຂຶ້ນທ່າມກາງບັນຍາກາດທີ່ສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ-ສອງລັດ ແລະ ປະຊາຊົນສອງຊາດລາວ-ຫວຽດນາມພວມໄດ້ຮັບການພັດທະນາ ແລະ ເສີມຂະຫຍາຍຢ່າງຕໍ່ເນື່ອງຄື: ໃນປີຜ່ານມາການນຳຂັ້ນສູງຂອງສອງປະເທດໄດ້ມີການຢ້ຽມຢາມ ແລະ ແລກປ່ຽນບົດຮຽນເຊິ່ງກັນ ແລະ ກັນຢ່າງເປັນປົກກະຕິ, ໂດຍສະເພາະການຢ້ຽມຢາມຂອງການນຳຂັ້ນສູງຂອງສອງພັກ ແລະ ລັດຖະບານຂອງສອງປະເທດລາວ-ຫວຽດນາມ. ພິເສດໃນປີ 2017 ນີ້, ສປປ ລາວ ແລະ ຫວຽດນາມ ຈະໄດ້ພ້ອມກັນສະເຫລີມສະຫລອງ 2 ວັນປະຫວັດສາດ ຄື 40 ປີການເຊັນສັນຍາມິດຕະພາບ ແລະ ການຮ່ວມມືລາວ-ຫວຽດນາມ ແລະ ວັນສ້າງຕັ້ງສາຍພົວພັນການທູດຄົບຮອບ 55 ປີໃຫ້ມີບັນຍາກາດຟົດຟື້ນຍິ່ງຂຶ້ນ.

- Wave100S AD to Website 2020 0 - ລາວ-ຫວຽດນາມແລກປ່ຽນບົດຮຽນເສນາທິການ

 

- WhatsApp Image 2020 05 27 at 5 - ລາວ-ຫວຽດນາມແລກປ່ຽນບົດຮຽນເສນາທິການ
- WhatsApp Image 2020 05 27 at 5 - ລາວ-ຫວຽດນາມແລກປ່ຽນບົດຮຽນເສນາທິການ
error: Alert: ເນື້ອຫາຂ່າວມີລິຂະສິດ !!