ປະໂຫຍດຂອງໄຂ່ຂາວດີິຕໍ່ສຸຂະພາບ
ຄວາມນິຍົມໃນການກິນໄຂ່ຂາວເພີ່ມຫຼາຍຂຶ້ນຢ່າງເຫັນໄດ້ຊັດເຈນ ແຕ່ໃນປັດຈຸບັນມີໄຂ່ບັນຈຸແກ້ວຂາຍຕາມທ້ອງຕະຫຼາດໃຫ້ເລືອກໃຊ້ກັນຢ່າງສະບາຍເຮັດໃຫ້ຫຼາຍຄົນທີ່ຍັງບໍ່ເຄີຍກິນໄຂ່ຂາວແບບຈິງໆຈັງໆ ແລະ ຫລາຍຄົນອາດຈະສົງໄສວ່າ ປະໂຫຍດຂອງໄຂ່ຂາວ ດີຕໍ່ສຸຂະພາບແນວໃດ ເຮົາມາອ່ານພ້ອມເລີຍ
ໄຂ່ຂາວ ສານອາຫານບໍ່ທຳມະດາ
ໄຂ່ໄກ່ໜ່ວຍໃຫຍ່ 1 ໜ່ວຍ ນໍ້າໜັກປະມານ 50 ກຣາມ ມີປະລິມານໄຂ່ຂາວ ຫຼື ອັບບູມິນປະມານ 58% ຂອງໄຂ່ທັງໜ່ວຍ ໂດຍມີນໍ້າເປັນສ່ວນປະກອບຫລັກເຖິງ 88% ມີໂປຣຕີນ 11% ໂດຍປະມານ ເຊິ່ງໂປຣຕີນໃນໄຂ່ຂາວມີຢູ່ຫຼາຍຊະນິດດ້ວຍກັນ ທັງໂອວັນບູມິນ (Ovalbumin) ໂຄນັດບູມິນ (Comalbumin) ແລະ ອະວິດິນ (Avidin)
ໄຂ່ຂາວ 1 ໜ່ວຍ ໃຫ້ພະລັງງານປະມານ 15 ກິໂລແຄລໍຣີ ມີໂປຣຕີນ 4 ກຣາມ ແລະ ນອກຈາກໂປຣຕີນ ໄຂ່ຂາວຍັງອຸດົມໄປດ້ວຍແຮ່ທາດຫຼາຍຊະນິດ ທັງແຄລຊຽມ ວິຕາມິນເອ ວິຕາມິນບີ 1 ບີ 2 ບີ 3 ບີ 6 ແລະ ບີ 12 ເລຊີຕິນ ທາດເຫລັກ ຟອສຟໍຣັດ ແລະ ສານອາຫານອື່ນໆ ອີກຫຼາຍຢ່າງ ອີກທັງຍັງມີໄຂມັນ ແລະ ຄໍເຣສເຕຣໍ ໜ້ອຍທີ່ສຸດຕ່າງຈາກໄຂ່ແດງທີ່ 1 ໜ່ວຍ ໃຫ້ພະລັງງານປະມານ 55 ກິໂລແຄລໍຣີ ແລະ ມີຄໍເຣສເຕຣໍລ ປະມານ 180-200 ມິນລີກຣາມ
ປະໂຫຍດຂອງໄຂ່ຂາວດີຕໍ່ສຸຂະພາບ
- ເປັນໂປຣຕີນຄຸນນະພາບດີ
ໄຂ່ຂາວມີໂປຣຕີນອັບບູມິນເຊິ່ງຈັດວ່າເປັນໂປຣຕີນຊະນິດທີ່ຮ່າງກາຍສາມາດດູດຊືມໄດ້ຫຼາຍເກືອບ 100% ແຖມຍັງເປັນໂປຣຕີນທີ່ຍ່ອຍງ່າຍ ຈຶ່ງຈັດໄດ້ວ່າໄຂ່ຂາວເປັນໂປຣຕີນຄຸນນະພາບດີເໝາະກັບຜູ້ສູງອາຍຸ ຜູ້ຮັກສາສຸຂະພາບ ຜູ້ປ່ວຍພະຍາດມະເຮັງ ແລະ ຜູ້ທີ່ຕ້ອງການເສີມໂປຣຕີນໃຫ້ຕົວເອງ
- ກະຕຸ້ນການເຮັດວຽກຂອງຮ່າງກາຍ
ໄຂ່ຂາວມີກົດອາມີໂນທີ່ຮ່າງກາຍຈຳເປັນຕ້ອງໄດ້ຮັບຢູ່ຫຼາຍ ດ້ວຍເຫດນີ້ໄຂ່ຂ່າວຈຶ່ງຊ່ວຍສົ່ງເສີມການເຮັດວຽກຂອງເອນໄຊມ໌ໃນຮ່າງກາຍໃຫ້ເປັນໄປຢ່າງຕໍ່ເນື່ອງ ທັງຍັງຊ່ວຍໃນການຫລັ່ງຮໍໂມນຕ່າງໆ ໃນຮ່າງກາຍເປັນໄປດ້ວຍດີອີກດ້ວຍ
- ສ້ອມແຊມສ່ວນທີ່ຖືກທໍາລາຍ
ໂປຣຕີນໃນໄຂ່ຂາວມີປະລິມານຫຼາຍພໍທີ່ຈະຊ່ວຍສ້ອມແຊມເຊວເນື້ອເຍື່ອໃນຮ່າງກາຍປ້ອງກັນການເສຍຫາຍ ແລະ ການຈີກຂາດຂອງກ້າມເນື້ອ ນັກກິລາ ຫຼື ຜູ້ທີ່ອອກກຳລັງກາຍໜັກໆ ຮັບປະທານໄຂ່ຂາວເສີມໂປຣຕີນໃຫ້ຮ່າງກາຍກໍຈະດີ
- ບໍາລຸງປະບົບປະສາດ
ໄຂ່ຂາວມີວິຕາມິນ ແລະ ແຮ່ທາດຄ່ອນຂ້າງຫຼາຍ ໂດຍສະເພາະວິຕາມິນບີ ທີ່ເປັນວິຕາມິນສຳຄັນທີ່ຊ່ວຍບໍາລູງລະບົບປະສາດ ແລະ ການເຮັດວຽກຂອງສະໝອງ ຊ່ວຍກະຕຸ້ນຄວາມຈຳ ແລະ ຊ່ວຍໃຫ້ອາລົມຄົງທີ່
- ເພີ່ມໂປຣຕີນໃຫ້ຜູ້ປ່ວຍພະຍາດໄຕ
ຜູ້ປ່ວຍພະຍາດໄຕອາດມີພາວະໄຂ່ຂາວຮົ່ວ ຄື ມີປະລິມານອັບບູມິນໃນປັດສະວະ ຫຼາຍກວ່າປົກກະຕິ ສັງເກດໄດ້ຈາກລັກສະນະປັດສະວະທີ່ເປັນຟອງຄ້າຍຟອງເບຍ ເຊິ່ງເມື່ອເກີດພາວະໄຂ່ຂາວຮົ່ວ ຮ່າງກາຍຜູ້ປ່ວຍພະຍາດໄຕກໍອາດຈະຂາດໂປຣຕີນ ແລະ ສູນເສຍມວນກ້າມຊີ້ນໄດ້ ດັ່ງນັ້ນໄຂ່ຂາວຈຶ່ງເປັນອາຫານເສີມທີ່ຊ່ວຍເຕີມໂປຣຕີນໃຫ້ຮ່າງກາຍຜູ້ປ່ວຍພະຍາດໄຕໄດ້
- ເສີມສ້າງພູມຄຸ້ມກັນ
ໂປຣຕີນເປັນອີກ 1 ອາຫານສໍາຄັນຂອງລະບົບພູມຄຸ້ມກັນ ແລະ ເມື່ອເຮົາຮັບປະທານໄຂ່ຂາວເຂົ້າໄປ ນອກຈາກຈະໄດ້ຮັບໂປຣຕີນແລ້ວ ຮ່າງກາຍຍັງຈະໄດ້ຮັບວິຕາມິນ ແຮ່ທາດຊະນິດອື່ນໆ ອີກຫຼາຍຢ່າງ ເຊິ່ງລ້ວນແຕ່ມີປະໂຫຍດຕໍ່ຮ່າງກາຍທັງນັ້ນ.
ຢ່າງໃດກໍ່ດີ ການຮັບປະທານໄຂ່ຂາວຢ່າງປອດໄພຄວນຮັບປະທານໄຂ່ຂາວທີ່ປຸງສຸກແລ້ວເພື່ອໃຫ້ຄວາມຮ້ອນເຂົ້າໄປທຳລາຍເຊື້ອພະຍາດທີ່ອາດຈະມາກັບໄຂ່ຂາວ ແລະ ເພື່ອສະຫລາຍໂປຣຕີນອະວິດິນທີ່ອາດໄປຂັດຂວາງການດູດຊືມໄບໂອຕິນຂອງຮ່າງກາຍໄດ້
- ບໍາລຸງຜິວໜ້າ
ຢ່າງທີ່ເຮົາຮູ້ກັນວ່າ ໄຂ່ຂາວອຸດົມໄປດ້ວຍວິຕາມິນຫລາກຫລາຍຊະນິດທີ່ສຳຄັນສຳຫລັບຜິວ ສາວໆຫລາຍຄົນຈຶ່ງນຳໄຂ່ຂາວມາພອກໜ້າເພື່ອບຳລຸງຜິວໃຫ້ຂາວໃສ ບໍ່ມີສິວ ນຽນນຸ້ມ ຫລຸດຈຸດດ່າງດຳ ແຖມຍັງຊ່ວຍໃຫ້ຜິວແຂງແຮງ ຫລຸດອາການແພ້ໄປໃນຕົວ
- ບໍາລຸງຜົມໃຫ້ເງົາງາມ
ນອກຈາກປະໂຫຍດຄວາມງາມເລື່ອງຜິວໜ້າແລ້ວ ໄຂ່ຂາວຍັງຊ່ວຍໃຫ້ຜົມງາມໄດ້ອີກດ້ວຍ ໂດຍໃຫ້ນຳໄຂ່ຂາວມາຕີໃຫ້ເປັນຟອງ ປະສົມກັບກັບນໍ້າມັນໝາກກອກເລັກໜ້ອຍຄົນໃຫ້ເປັນເນື້ອດຽວກັນແລ້ວນຳມາໝັກຜົມປະໄວ້ປະມານ 30 ນາທີ ແລ້ວສະຜົມໃຫ້ສະອາດ ເຮັດແບບນີ້ຢ່າງນ້ອຍອາທິດລະ 1 ເທື່ອ ເສັ້ນຜົມຂອງເຈົ້າຈະຄ່ອຍໆມີສຸຂະພາບດີຂຶ້ນບໍ່ຟູ ແຖມຍັງມີນໍ້າໜັກ ແລະ ເງົາງາມຢ່າງເປັນທຳມະຊາດອີກດ້ວຍ
- ຊ່ວຍຮັກສາບາດແຜ
ເນື່ອງຈາກໄຂ່ຂາວສາມາດເກາະເທິງຜິວເຮົາຄ້າຍກັບຟີລມ໌ໄດ້ຈຶ່ງຖືກນຳມາໃຊ້ປະຖົມພະຍາບານຮັກສາບາດແຜ ຫຼື ບາດນໍ້າຮ້ອນລວກໃນເບື້ອງຕົ້ນເພື່ອລົດຄວາມແສບຮ້ອນລົງ ໂດຍໃຫ້ນຳໄຂ່ໄກ່ມາ 1 ໜ່ວຍ ແລ້ວແຍກເອົາສະເພາະໄຂ່ຂາວມາທາບໍລິເວນທີ່ຖືກນໍ້າຮ້ອນລວກໃຫ້ທົ່ວ ປະໄວ້ໄລຍະໜຶ່ງຈົນແຫ້ງຈຶ່ງລ້າງອອກດ້ວຍນໍ້າສະອາດ ຮອຍບາດທີ່ແດງ ຫຼື ພຸພອງກໍຈະຫາຍໄປ ຢ່າງໃດກໍຕາມ ກ່ອນທາໄຂ່ຂາວຢ່າໃຫ້ບາດຖືກນໍ້າເຢັນ ຫຼື ແກະ ເກົາ ບາດເດັດຂາດ ເພາະຈະເຮັດໃຫ້ມັນລອກ
