ຣຽວ ມາດຣິດ ໃສ່ຊື່ “ແກເຣັດ ເບລ” ຕິດທີມພົບ ລິເວີພູລ ນັດຊີງ UCL ລຸ້ນໂອກາດລົງສະໜາມສັ່ງລາກ່ອນຍ້າຍທີມ
ນັບຖອຍຫຼັງອີກບໍ່ດົນ, ການແຂ່ງຂັນບານເຕະ ຢູຟ່າ ແຊ້ມປ້ຽນ ລີກ ຮອບຊີງຊະນະເລີດລະຫວ່າງ ຣຽວ ມາດຣິດ ກັບ ລິເວີພູລ ຈະເກີດຂຶ້ນໃນວັນເສົາ 28 ພຶດສະພາ 2022 ທີ່ປາຣີສ, ປະເທດຝຣັ່ງ. ເຊິ່ງທັງສອງທີມກຳລັງກຽມເດີນທາງໄປຫາຈຸດໝາຍປາຍທາງແລ້ວ
ຂະນະດຽວກັນທາງຝັ່ງ ຣຽວ ມາດຣິດ ແຊ້ມເອີຣົບ 13 ສະໄໝ ພາຍໃຕ້ການຄຸມທີມຂອງ ຄາໂລ ອັນເຊລັອດຕິ ໄດ້ປະກາດລາຍຊື່ນັກເຕະຊຸດໃຫຍ່ທັງໝົດ 26 ຄົນ ທີ່ຈະລົງແຂ່ງຂັນຊີງຖ້ວຍສະໄໝທີ່ 14 ໂດຍມີ ຄາຣິມ ເບນເຊມ່າ, ໂທນີ ໂຄຣສ, ລູກາ ໂມດຣິກ. , ຄາເຊເມໂຣ່, ເອເດນ ອາຊາ, ແລະອື່ນໆ.
ແລະ ໜື່ງໃນນັ້ນກໍ່ມີ ແກເຣັດ ເບລ ກອງກາງຊາວເວລ, ເຊິ່ງເຖິງວ່າຈະຫຼິ້ນໜ້ອຍຫຼາຍໃນລະດູການນີ້, ແຕ່ພຽງ 7 ເກມໃນທຸກການແຂ່ງຂັນ ເພາະໄດ່ຮັບບາດເຈັບເປັນສ່ວນໃຫຍ່ ແຕ່ “ຄາເລັດໂຕ້” ຍັງໃສ່ຊື່ດາວເຕະໄວ 32 ປີ ຢູ່ໃນພາລະກິດຖ້ວຍແຊ້ມບານເຕະເອີຣົບໃນອາທິດນີ້
ສໍາລັບເກມນີ້ ເບລ ມີໂອກາດລົງສະໜາມໃນເຄື່ອງແບບຂອງ “ລາຊັນຊຸດຂາວ” ເປັນເກມສຸດທ້າຍໃຫ້ກັບຕົ້ນສັງກັດ ຫຼັງຈາກສັນຍາປະຈຸບັນຈະຫມົດອາຍຸລົງໃນເດືອນມິຖຸນານີ້ ແລະ ຈະກາຍເປັນນັກເຕະໄຮ້ສັງກັດ ຈະຍ້າຍໄປຫຼິ້ນກັບທີມໃດກໍໄດ້ແບບບໍ່ມີຄ່າຕົວ
ທັງນີ້ຍ້ອນກັບໄປໃນຮອບຊິງຊະນະເລີດ ແຊ້ມປ້ຽນລີກ ເມື່ອວັນທີ 26 ພຶດສະພາ 2018 ເບວ ເປັນພະເອກທີ່ຍິງໄດ້ສອງປະຕູໃນນັດທີ່ ຣຽວ ມາດຣິດ ເອົາຊະນະ ລິເວີພູລ 3-1 ຄວ້າແຊ້ມ ເອີຣົບ ສະໄໝທີ 13 ສ່ວນຄັ້ງນີ້ ຈະໄດ້ລົງໄປຍ້ຳແຄ້ນອີກເທື່ອໜຶ່ງ ຫຼື ບໍ່ ຕ້ອງຖ້າຕິດຕາມ.
