ນ້ຳຖ້ວມ-ດິນເຈື່ອນຄັ້ງໃຫຍ່ໃນເບຣຊິນ ເສຍຊີວິດແລ້ວ 50 ກວ່າຄົນ

ມີຜູ້ເສຍຊີວິດຫລາຍກວ່າ 50 ຄົນ ຈາກເຫດນ້ຳຖ້ວມ ແລະ ດິນເຈື່ອນຄັ້ງໃຫຍ່ໃນພາກຕາເວັນອອກສຽງເໜືອຂອງເບຣຊິນ.

ວັນທີ 30 ພຶດສະພາ 2022, ສຳນັກຂ່າວຕ່າງປະເທດລາຍງານວ່າ: ສຳນັກງານປ້ອງກັນ ແລະ ບັນເທົາໄພຂອງເບຣຊິນລາຍງານວ່າ: ພາກພື້ນທາງຕາເວັນອອກສຽງເໜືອຂອງປະເທດກຳລັງປະສົບຄວາມເດືອດຮ້ອນຢ່າງໜັກ ຈາກເຫດນ້ຳຖ້ວມ ແລະ ດິນເຈື່ອນ ໂດຍຢູ່ລັດເປນັງບູກູ ເຊິ່ງຢູ່ແຄມຝັ່ງ ມີຜູ້ເສຍຊີວິດແລ້ວຢ່າງໜ້ອຍ 56 ຄົນ ແລະ ມີການພົບຜູ້ເສຍຊີວິດຢ່າງໜ້ອຍ 1 ຄົນ ຢູ່ລັດອະລາໂກອາສ ເຊິ່ງຢູ່ຕິດກັນ.

ຂະນະດຽວກັນ, ເຈົ້າໜ້າທີ່ກຳລັງເລັ່ງຄົ້ນຫາຜູ້ສູນຫາຍອີກຢ່າງໜ້ອຍ 56 ຄົນ ຢູ່ລັດເປນັງບູກູ. ຂະນະທີ່ປະຊາຊົນຫລາຍກວ່າ 13.000 ຄົນ ໃນລັດເປນັງບູກູ ແລະ ອະລາໂກອາສ ຕ້ອງອົບພະຍົບອອກຈາກເຮືອນຊົ່ວຄາວ.