ນາຍົກລັດຖະມົນຕີ ຮ່ວມປູກຕົ້ນຈຳປາຢູ່ຫໍປະຊຸມແຫ່ງຊາດ

ວັນທີ 31 ພຶດສະພາ 2022 ຢູ່ຫໍປະຊຸມແຫ່ງຊາດນະຄອນຫລວງວຽງຈັນ, ທ່ານ ພັນຄຳ ວິພາວັນ ນາຍົກ ລັດຖະມົນຕີພ້ອມດ້ວຍບັນດາຮອງນາຍົກລັດຖະມົນຕີ, ລັດຖະມົນຕີ,ຫົວໜ້າຫ້ອງວ່າການສຳນັກງານນາຍົກ ລັດຖະມົນຕີ, ອົງການຈັດຕັ້ງມະຫາຊົນ ໄດ້ຮ່ວມປູກຕົ້ນຈຳປາ 9 ຕົ້ນເນື່ອງໃນໂອກາດວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ 1 ມິຖຸນາ.

ພາຍຫລັງສຳເລັດການປູກຕົ້ນໄມ້, ນາຍົກລັດຖະມົນຕີ ແລະ ພາກສ່ວນກ່ຽວຂ້ອງໄດ້ເຂົ້າຮ່ວມສະເຫລີມ ສະຫລອງວັນເດັກນ້ອຍສາກົນ ເຊິ່ງໃນພິທີດັ່ງກ່າວ ໄດ້ມີການສະແດງສິລະປະຂອງເດັກນັກຮຽນໂຮງຮຽນປາຖະໜາ, ການສະແດງກາຍະສິນ, ການຖາມຕອບຄວາມຮູ້ທົ່ວໄປກ່ຽວກັບເດັກ. ນອກນີ້ຍັງໄດ້ທ່ຽວຊົມຕະຫລາດນັດຂາຍຜະລິດຕະພັນພາຍໃນ ແລະ ເທສະການອາຫານຕື່ມອີກ.

ສຳລັບຢູ່ສຳນັກງານຫ້ອງການຂັ້ນສູນກາງ, ແຂວງຕ່າງໆ, ໂຮງຮຽນ ໃນທົ່ວປະເທດ ກໍໄດ້ຈັດກິດຈະກຳປູກຕົ້ນໄມ້ ແລະ ສະຫລອງວັນເດັກນ້ອຍສາກົນຢ່າງເປັນຂະບວນການເຊັ່ນດຽວກັນ.