ສາມີ ປະທານສະພາຕໍ່າ ສະຫະລັດຖືກກັກຕົວ

ວັນທີ 30 ພຶດສະພາ 2022 ໜັງສືພິມຫລາຍສະບັບໃນສະຫະລັດອາເມລິກາ (CNN, NYTimes, CNBC) ລາຍງານວ່າ: ທ່ານ ພາວ ເປໂລຊີ(Paul Pelosi) ອາຍຸ 82 ປີ ສາມີຂອງປະທານສະພາຕໍ່າສະຫະລັດ ທ່ານນາງ ນັນຊີ ເປໂລຊີ(Nancy Pelosi) ຖືກກັກຕົວ ເນື່ອງຈາກຜູ້ກ່ຽວກິນເຫຼົ້າ ແລ້ວຂັບລົດ, ຊຶ່ງກວດພົບວ່າມີປະລິມານທາດເຫຼົ້າຢູ່ໃນເລືອດ 0,08%.

ເຂົາຖືກ 2 ຂໍ້ກ່າວຫາວ່າ: ຂັບລົດໃນກໍລະນີມີຄວາມສ່ຽງ ແລະ ມີປະລິມານທາດເຫຼົ້າໃນເລືອດ 0,08%. ທັງສອງກະໂທງນີ້ຖືວ່າເປັນໂທດເບົາບາງ ຈຶ່ງຕົກເປັນເງິນຄໍ້າປະກັນ 5.000 ໂດລາ ໃນການປ່ອຍຕົວ.