ສະເປີ ຄວ້າ ເປຣິຊິສ ຮ່ວມທີມຢ່າງເປັນທາງການ

ສະເປີ ຢືນຢັນຄວ້າ ອີວານ ເປຣິຊິສ ປີກປະສົບການຫລາຍ ຂອງ ອິນເຕີມິລານ ມາຮ່ວມທີມແບບບໍ່ມີຄ່າຕົວຮຽບຮ້ອຍ.

ທັອດແນມ ຮັອດສະເປີ ທີມດັງແຫ່ງພຣີເມຍລີກ ອັງກິດ ຢືນຢັນຄວ້າ ອີວານ ເປຣິຊິສ ປີກປະສົບການຫລາຍຊາວໂຄເອເຊຍ ມາຈາກ ອິນເຕີ ມິລານ ແບບບໍ່ມີຄ່າຕົວຮຽບຮ້ອຍແລ້ວ ໂດຍເຊັນສັນຍາເປັນເວລາ 2 ປີ ຫລື ຈົນເຖິງປີ 2024.

ເປຣິຊິສ ອາຍຸ 33 ປີ ຜ່ານການກວດຮ່າງກາຍກັບ ສະເປີ ເມື່ອວັນຈັນທີ່ຜ່ານມາ ແລະ ຈະຍ້າຍມາເປັນສະມາຊິກໃຫມ່ຂອງ ສະເປີ ຢ່າງເປັນທາງການໃນວັນທີ 1 ກໍລະກົດນີ້ ຫລື ຫລັງຈາກທີ່ຫມົດສັນຍາກັບ ອິນເຕີ ມິລານ.

ເປຣິຊິສ ກ່າວວ່າ : ‘‘ ຂ້ອຍຕື່ນເຕັ້ນຫລາຍ ທີ່ຈະໄດ້ເລີ່ມຕົ້ນກັບຄອບຄົວສະເປີ ຂ້ອຍໄດ້ເບິ່ງເກມ 2 ຈາກ 3 ນັດຫລັງສຸດ ໃນເກມຊະນະ ອາເຊນອລ ມັນກໍຈະແຈ້ງວ່າ ສະເປີ ຈະໄດ້ລົງຫລິ້ນໃນ ແຊ໊ມປຽນ ລີກ ແລະມັນກໍດີກັບຂ້ອຍ ເພາະຂ້ອຍຢາກລົງຫລິ້ນໃນເກມທີ່ດີທີ່ສຸດ ’’.

‘‘  ຂ້ອຍຢາກເຮັດວຽກຫນັກ ຢາກເຮັດວຽກເພື່ອທີມ ຂ້ອຍລົງຫລິ້ນໄດ້ຫລາຍຕຳແຫນ່ງໃນລະບົບທີ່ສະເປີຫລິ້ນຢູ່ຕອນນີ້ ແລະ ຂ້ອຍຈະນຳປະສົບການມາສູ່ທີມ ເພາະຂ້ອຍຜ່ານການຫລິ້ນກັບສະໂມສອນຊັ້ນນຳມາແລ້ວຫລາຍແຫ່ງ ຂ້ອຍເກືອບຈະອົດໃຈບໍ່ດ້ທີ່ຈະໄດ້ເລີ່ມຫລິ້ນ ແລະ ລົງຊ້ອມ ຂ້ອຍຈະເຮັດໃຫ້ດີທີ່ສຸດແນ່ນອນ ປີກປະສົບການຫລາຍ ກ່າວປິດທ້າຍ ’’.