ເດິບຣອຍ ຄວ້າໃບອະນຸຍາດລາຍເຊັນ ເອ ຈາກຢູຟາ ເພື່ອປູທາງສູ່ງານຄູຝຶກໃນອະນາຄົດ

ເຄວິນ ເດິ ບຣອຍ ກອງກາງຕີນຄົມຈາກແມນເຊສເຕີ ຊິຕີ ປູທາງກຽມຕົວສູ່ການເຮັດວຽກອາຊີບຄູຝຶກ ຫລັງນັກເຕະໄດ້ຮັບໃບອະນຸຍາດ A ລາຍເຊັນໂຄດ ຈາກຢູຟາ ຫລັງຫາກໍຊ່ວຍ ແມນຊິຕີ ຄວ້າແຊ໊ມລີກອັງກິດເມື່ອບໍ່ດົນນີ້.

ກອງກາງທີມຊາດເບລຢຽມ ອາຍຸ 30 ປີ ເຊິ່ງນຳ ແມນເຊສເຕີ ຊິຕີ ຄວ້າແຊ໊ມລີກສູງສຸດອັງກິດ 4 ສະໄຫມໃນ 5 ປີທີ່ຜ່ານມາ ສ້າງຜົນງານໄດ້ຢ່າງສຸດຍອດ ເມື່ອຍິງໄປ 15 ປະຕູ ກັບ ຈ່າຍໃຫ້ຫມູ່ຍິງ 8 ຄັ້ງ ໃນເກມີກລະດູການ 2021/2022.

ໃນຂະນະທີ່ ເດິ ບຣອຍ ຫລິ້ນໃນແດນກາງໃຫ້ກັບຕົ້ນສັງກັດ ລາວຍັງໃຊ້ເວລາກັບການສຶກສາດ້ານງານຜູ້ຈັດການທີມ ຈົນໄດ້ຮັບໃບປະກາດສະນີຍະບັດ ລຳດັບທີສອງຂອງ ຢູຟາ ເຊິ່ງເປັນຮອງ ໂປຣລາຍເຊັນ ເທົ່ານັ້ນ.

ເດິ ບຣອຍ ຝຶກສີມືດ້ານຜູ້ຈັດການທີມໃນບ້ານເກີດ ແລະສະໂມສອນລະດັບເຍົາວະຊົນຂອງ ແມນ ຊິຕີ ລາວໃຊ້ເວລາໃນໄລຍະຝຶກຊ້ອມກັບຫມູ່ນັກເຕະທີ່ມີອາຍຸແຕກຕ່າງກັນໃນສະໂມສອນ ແມນ ຊິຕີ.

ຈາກປະສົບການຈິງໃນການເຮັດວຽກຜູ້ຈັດການທີມກັບເຍົາວະຊົນຫລາຍລະດັບ ລວມທັງທີມຮຸ່ນອາຍຸບໍ່ເກີນ 16 ປີ ສົ່ງຜົນໃຫ້ລາວປະສົບຄວາມສຳເລັດສອບຜ່ອນໃນປະກາດສະນີຍະບັດງານຄູຝຶກລະດັບລາຍເຊັນ A.