ຣຽວ ມາດຣິດ ປະກາດຄວ້າ ຣູດີເກີ ເສີມກອງຫລັງແບບບໍ່ມີຄ່າຕົວຢ່າງເປັນທາງການ

ຣຽວ ມາດຮິດ ປະກາດຄວ້າ ອັນໂຕນີໂອ ຣູດີເກີ ກອງຫລັງຄົນເກ່ັງຂອງ ເຊລຊີ ມາຮ່ວມທີມຢ່າງເປັນທາງການແບບບໍ່ມີຄ່າຕົວ ພ້ອມເຊັນສັນຍາ 4 ປີ ຫລື ເຖິງປີ 2026.

ກ່ອນຫນ້ານີ້ ໂທມັສ ທູເຄິລ ຜູ້ຈັດການທີມຂອງ ເຊລຊີ ໄດ້ໃຫ້ສຳພາດເອງວ່າ ຣູດີເກີ ຈະບໍ່ຕໍ່ສັນຍາທີ່ພວມຈະຫມົດລົງໃນ ລະດູການນີ້ ແລະ ຈະຍ້າຍອອກຈາກສະໂມສອນ.

ໂດຍທີມທີ່ຄາດຈະໄດ້ຕົວນັກເຕະອາຍຸ 29 ປີໄປເສີມທີມນັ້ນກໍຄື ຣຽວ ມາດຣິດ ຈົນຫລ້າສຸດເມື່ອວັນທີ 2 ມິຖຸນາ ຣຽວ ມາດຣິດ ໄດ້ຖະແຫລງຂ່າວຜ່ານເວັບໄຊໃນການບັນລຸຂ້ໍຕົກລົງເຊັນສັນຍາກັບ ຣູດີເກີ ມາຮ່ວມທີມ ພ້ອມເຊັນສັນຍາ 4 ປີ ຫລື ເຖິງປີ 2026.

ສຳລັບ ຣູດີເກີ ຍ້າຍມາຫລິ້ນໃຫ້ ເຊລຊີ ເມື່ອປີ 2017 ໂດຍລົງສະຫນາມໃຫ້ທີມທັງຫມົດ 133 ນັດ ຍິງໄດ້ 9 ປະຕູ ພ້ອມຊ່ວຍໃຫ້ ເຊລຊີ ຄວ້າແຊ໊ມມາຄອງຫລາຍລາຍການ ເຊ່ັນ ຢູຟາ ແຊ໊ມປຽນລີກ 2020-21, ຢູຟາ ຢູໂຣປາ ລີກ 2018-19, ຢູຟາ ຊຸບເປີ ຄັບ 2021 ແລະ ຟີຟາ ຄລັບ ເວີນ ຄັບ 2021 ເປັນຕົ້ນ.