ຊິເອົາໃຫ້ໄດ້, ແມນຢູ ຍື່ນຂໍຊື້ ເດິ ຢອງ 80 ລ້ານຢູໂຣ ໃຫ້ບາເຊໂລນາພິຈາລະນາ

‘‘ ມາກາ ’’ ສື່ຂອງສະເປນລະບຸວ່າ ແມນເຊສເຕີ ຢູໄນເຕັດ ຍື່ນຂໍ້ສະເຫນີຂໍຊື້ ແຟຣັງ ເດິ ຢອງ ດ້ວຍມູນຄ່າລວມ 80 ລ້ານຢູໂຣ ໃຫ້ບາເຊໂລນາ ພິຈາລະນາແລ້ວ ໂດຍແບ່ງເປັນການຈ່າຍທັນທີ 60 ລ້ານຢູໂຣ ກັບ ຄ່າໂບນັສ ອີກ 20 ລ້ານຢູໂຣ.

ແມນເຊສເຕີ ຢູໄນເຕັດ ສະໂມສອນຊັ້ນນຳຂອງ ພຣີເມຍລີກ ອັງກິດ ຍື່ນຂໍ້ສະເຫນີເປັນເງິນລວມ 80 ລ້ານຢູໂຣ ໃຫ້ກັບ ບາເຊໂລນາ ພິຈາລະນາ ເພື່ອທີ່ຈະຂໍຊື້ ແຟຣັງກີ ເດິ ຢອງ ກອງກາງຊາວຮອນແລນ ຕາມລາຍງານຂອງ ມາກາ ສື່ຊື່ດັງຂອງສະເປນ.

ເດິ ຢອງ ຖືເປັນຫນຶ່ງໃນນັກເຕະທີ່ມີຂ່າວກັບ ແມນຢູ ມາໂດຍຕະຫລອດ ຫລັງ ເອຣິກ ເທນ ຮາກ ຜູ້ຈັດການທີມໃຫມ່ແມນຢູ ຕ້ອງການດຶງອະດີດລູກສິດກັບມາຮ່ວມງານອີກເທື່ອຫນຶ່ງ ຂະນະທີ່ ບາເຊໂລນາ ກໍພ້ອມປ່ອຍອອກ ຫາກໄດ້ເງິນທີ່ເຫມາະສົມ ເພາະພວກເຂົາຍັງມີບັນຫາດ້ານການເງິນ ແຕ່ມີບັນດຽວຄື ເດິ ຢອງ ບໍ່ຢາກຍ້າຍໄປ ແມນຢູ ໂດຍປັດໄຈຫລັກເພາະທີມບໍ່ໄດ້ຫລິ້ນ ຢູຟາ ແຊ໊ມປຽນລີກ ໃນລະດູການຫນ້າ.

ສຳລັບ ຂໍ້ສະເຫນີ 80 ລ້ານປອນນັ້ນ ແບ່ງເປັນການຈ່າຍທັນທີ 60 ລ້ານຢູໂຣ ແລະ ຈະໃຫ້ເພີ່ມອີກ 20 ລ້ານຢູໂຣ ຖ້າ ເດິ ຢອງ ສ້າງຜົນງານໄດ້ກົງຕາມເງື່ອນໄຂທີ່ກຳນົດເອົາໄວ້ ເຊິ່ງ ເທນ ຮາກ ໄດ້ລົມກັບ ເດິ ຢອງ ເປັນການສ່ວນຕົວແລ້ວ ເພື່ອທີ່ຈະ ໂນ້ມນ້າວໃຈລາວໃຫ້ມາມີບົດບາດກັບ ແມນຢູ ໃນຍຸກໃຫມ່ຢ່າງແນ່ນອນ ເຊິ່ງເຊື່ອກັນວາ ບາເຊໂລນາ ກໍພວມພິຈາລະນາ ຂໍ້ສະເຫນີດັ່ງກ່າວຢ່າງຈິງຈັງ.