ຣຽວ ມາດຣິດ ປະກາດຄວ້າ ອໍເຣລຽງ ຊູອາເມນີ ທາງການ ຄ່າຕົວ 100 ລ້ານຢູໂຣ
ຣຽວ ມາດຣິດ ປະກາດຄວ້າ ອໍເຣລຽງ ຊູອາເມນີ ກອງກາງອະນາຄົດໄກ ຂອງສະໂມສອນ ໂມນາໂກ ມາຮ່ວມທີມດ້ວຍສັນຍາເຖິງປີ 2008 ຂະນະທີ່ຄ່າຕົວລວມຢູ່ທີ່ 100 ລ້ານຢູໂຣ.
ກ່ອນຫນ້ານີ້ The Athletic ລວມເຖິງ ຟາບຣີຊີໂອ ໂຣມາໂນ ຢືນຢັນວ່າ ຣຽວ ມາດຣິດ ເອົາຊະນະບັນດາທີມດັງຢ່າງ ປາຣີສ ແຊັງ ແຊັກແມັງ, ລີເວີພູລ ແລະ ແມນເຊສເຕີ ຢູໄນເຕັດ ໃນການບັນລຸຂໍ້ຕົກລົງທາງວາຈາກັບ ໂມນາໂກ ເພື່ອຄວ້າກອງກາງທີມຊາດ ຝຣັ່ງລາຍນີ້ມາເສີມທີມແລ້ວ ດ້ວຍມູນຄ່າລວມ 100 ລ້ານຢູໂຣ.
ຈົນຫລ້າສຸດ ຣຽວ ມາດຣິດ ອອກຖະແຫລງຂ່າວວ່າໄດ້ບັນລຸຂໍ້ຕົກລົງກັບ ໂມນາໂກ ໃນການຄວ້າ ຊູອາເມນີ ອາຍຸ 22 ປີມາເສີມທີມ ດ້ວຍສັນຍາ 6 ປີ ຫລື ເຖິງ 2028 ໂດຍຈະມີການກວດຮ່າງກາຍໃນວັນທີ 14 ມິຖຸນານີ້ ກ່ອນເປີດຕົວຢ່າງເປັນທາງການຕໍ່ໄປ.
ໂຣມາໂນ ນັກຂ່າວຄົນດັງລາຍງານວ່າຄ່າຕົວຂອງ ຊູອາເມນີ ຢູ່ທີ່ 80 ລ້ານຢູໂຣ ບວກກັບເງິນສ່ວນເສີມອີກ 20 ລ້ານຢູໂຣ.
ສຳລັບຊູອາເມນີ ສ້າງຜົນງານກັບ ໂມນາໂກ ໄດ້ຢ່າງດີເດ່ັນໃນລະດູການທີ່ຜ່ານມາດ້ວຍສະຖິຕິລົງສະຫນາມ 50 ນັດທຸກລາຍການເຮັດໄດ້ 5 ປະຕູກັບ 3 ແອສຊິສ.
