15 ປີ 25 ແຊ໊ມ, ຣຽວ ມາດຣິດ ຖະແຫລງຢືນຢັນປ່ອຍ ມາເຊໂລ ອອກຈາກທີມລະດູການນີ້

ຣຽວ ມາດຣິດ ໄດ້ຖະແຫລງຜ່ານເວັບໄຊຂອງສະໂມສອນຢືນຢັນວ່າ : ສະໂມສອນຈະປ່ອຍ ມາເຊໂລ ກອງຫລັງຕົວເກ່ັງຂອງສະໂມ ສອນອອກໄປ ຫລັງຫມົດສັນຍາເດືອນມິຖຸນານີ້ຢ່າງແນ່ນອນ.

ເຊິ່ງຖະແຫລງການລາຍງານວ່າ ຟລໍເຣນຕີໂນ ເປເຣສ ປະທານສະໂມສອນ ຈະມີການຖະແຫລງຂ່າວຂອບໃຈ ມາເຊໂລ ໃນມື້ອື່ນວັນ ທີ 13 ມິຖຸນາ ທີ່ສະຫນາມ ຊານຕີອາໂກ ເບນາເບລ ໃນເວລາບ່າຍໂມງຕາມເວລາທ້ອງຖິ່ນ ເຊິ່ງຫລັງຈາກວັນທີ 1 ກໍລະກົດເປັນຕົ້ນ ໄປ ມາເຊໂລ ຈະເປັນນັກເຕະບໍ່ມີສັງກັດ.

ສຳລັບ ມາເຊໂລ ຍ້າຍມາຢູ່ກັບ ຣຽວ ມາດຣິດ ຕັ້ງແຕ່ຕົ້ນປີ 2007 ເຊິ່ງຕະຫລອດ 15 ປີ ທີ່ຮັບໃຊ້ສະໂມສອນມາ ລາວພາທີມຄວ້າ ແຊ໊ມຫລາຍເຖິງ 25 ແຊ໊ມ ປະກອບໄປດ້ວຍ ລາລີກາ ສະເປນ 6 ສະໄຫມ, ຢູຟາ ແຊ໊ມປຽນລີກ 5 ສະໄຫມ, ສະເປນນິສ ຄັພ 2 ສະໄຫມ, ສະເປນນິສ ຊຸບເປີຄັບ 5 ສະໄຫມ, ຟີຟາ ຄລັບ ເວີລ ຄັບ 4 ສະໄຫມ ແລະ ຢູຟາ ຊຸບເປີຄັບ 3 ສະໄຫມ.