ລັດຖະບານມີລາຍຮັບຈາກ ການທົດລອງດຳເນີນທຸລະກິດຊັບສິນດີຈິຕອນ ເງິນຄຣິບໂຕ 4,5 ລ້ານໂດລາ ແລະ 5,7 ຕື້ກີບ

ວັນທີ 13 ມິຖຸນາ 2022ນີ້ ທ່ານ ບຸນໂຈມ ອຸບົນປະເສີດ ລັດຖະມົນຕີກະຊວງການເງິນ ໄດ້ລາຍບົດລາຍງານຂອງລັດຖະບານ ກ່ຽວກັບການຈັດຕັ້ງແຜນງົບປະມານ 6ເດືອນຕົ້ນປີ ແລະ 6ເດືອນທ້າຍປີ 2022 ຕໍ່ກອງປະຊຸມສະໄໝສາມັນ ເທື່ອທີ3 ຂອງສະພາແຫ່ງຊາດ ຊຸດທີ IX ເຊິ່ງໃນຕອນໜຶ່ງທ່ານໄດ້ລາຍງານວ່າ:

ການທົດລອງດຳເນີນທຸລະກິດ ຊັບສິນດີຈິຕອນ ເງິນຄຣິບໂຕ ປັດຈຸບັນໄດ້ຮັບອະນຸຍາດ 13 ບໍລິສັດ ມອບເງິນມັດຈຳ ຫລື ຊຳລະຄ່າລິຂະສິດຈຳນວນ 1 ບໍລິສັດ ເປັນເງິນ 4,5 ລ້ານໂດລາສະຫະລັດ ເປັນເງິນກີບ 5,7 ຕື້ກີບ ແລະ ພ້ອມນັ້ນກໍໄດ້ສືບຕໍ່ດຳເນີນການເກັບຄ່າລິຂະສິດ ໃນການອະນຸຍາດຂຸດຄົ້ນຊື້-ຂາຍເງິນຄຣິບໂຕຕໍ່ເປັນຕາມທີ່ໄດ້ສັນຍາກັບລັດຖະບານ.