ແບັກທີເຣຍດີຊ່ວຍປ້ອງກັນພະຍາດຫອບຫືດໄດ້

- advert banner 728 90 728x90 - ແບັກທີເຣຍດີຊ່ວຍປ້ອງກັນພະຍາດຫອບຫືດໄດ້

ວາລະສານ  Science Translational Medicine ຕີພິມຜົນງານການວິໄຈຂອງນັກວິທະຍາສາດຈາກມະຫາວິທະຍາໄລ ບຣິຕິສໂກລອມບີຂອງການາດາ ທີ່ລະບຸວ່າ : ເດັກທີ່ຂາດແບັກທີເຣຍ ເຊິ່ງຈຳເປັນຕໍ່ຮ່າງກາຍມະນຸດ 4 ຊະນິດ ມີໂອກາດສ່ຽງຈະ ເປັນພະຍາດຫອບຫືດສູງກ່ວາເດັກຄົນອື່ນເມື່ອໃຫຍ່ຂຶ້ນ.

- new3 - ແບັກທີເຣຍດີຊ່ວຍປ້ອງກັນພະຍາດຫອບຫືດໄດ້

ຈາກການສຶກສາເພື່ອບັນທຶກຊະນິດຂອງຈຸລິນຊີຕ່າງໆທີ່ພົບໃນຮ່າງກາຍຂອງເດັກນ້ອຍອາຍຸ 3 ເດືອນ ຈຳນວນ 319 ຄົນ ປຽບທຽບກັບທີ່ພົບໃນເດັກນ້ອຍກຸ່ມດຽວກັນເມື່ອມີອາຍຸໄດ້ 1 ປີແລ້ວ ພົບວ່າ : ຂໍ້ມູນທີ່ໄດ້ມີຄວາມກ່ຽວຂ້ອງຫລາຍກັບໂອກາດທີ່ເດັກຈະເກີດພະຍາດຫອບຫືດໃນເວລາຕໍ່ມາ.

ນັກວິໄຈພົບວ່າ : ຫາກລູກອາຍຸ 3 ເດືອນ ຂາດແບັກທີເຣຍທີ່ເປັນປະໂຫຍດຕໍ່ຮ່າງກາຍ 4 ຊະນິດ ຄື : Faecalibacterium, Lachnospira, Veillonella ແລະ Rothia (Flvr)  ຈະມີຄວາມສ່ຽງເປັນພະຍາດຫອບຫືດສູງຂຶ້ນເມື່ອມີອາຍຸໄດ້ 3 ປີ. ໃນຂະ ນະທີ່ເດັກອາຍຸ 1 ປີ ເຊິ່ງຂາດແບັກທີເຣຍ 4 ຊະນິດດັ່ງກ່າວຈະບໍ່ສົ່ງຜົນຕໍ່ການເປັນພະຍາດຫອບຫືດເມື່ອໃຫຍ່ຂຶ້ນມາແຕ່ຢ່າງໃດ.

- lattana 1 - ແບັກທີເຣຍດີຊ່ວຍປ້ອງກັນພະຍາດຫອບຫືດໄດ້

ດຣ. ສະຈວດ ເທີວີ ໜຶ່ງໃນຄະນະນັກວິໄຈລະບຸວ່າ : ຜົນການສຶກສາດັ່ງກ່າວສະແດງໃຫ້ເຫັນວ່າການໄດ້ຮັບເຊື້ອທີ່ຖືກຕ້ອງໃນເວລາທີ່ເໝາະສົມ ເຮັດໃຫ້ເດັກນ້ອຍມີສຸຂະພາບແຂງແຮງ, ບໍ່ເປັນພະຍາດຫອບຫືດ ເຊິ່ງເກີດຈາກການທີ່ທໍ່ຫາຍໃຈມີປະຕິກິລິຍາຕອບສະໜອງຕໍ່ສິ່ງລະຄາຍເຄືອງ ແລະ ການອັກເສບງ່າຍ.

ທັງນີ້, ປະຈຸບັນພົບຄົນປ່ວຍພະຍາດຫອບຫືດໄດ້ຫລາຍຂຶ້ນ ອາດເກີດຈາກເດັກຢູ່ໃນສະພາບທີ່ມີສຸຂະອະນາໄມຫລາຍເກີນໄປ ແລະ ບໍ່ໄດ້ຮັບເຊື້ອຈຸລິນຊີຕ່າງໆຫລາຍພໍທີ່ພູມຕ້ານທານຈະສາມາດພັດທະນາເພື່ອໄຈ້ແຍກເຊື້ອດີອອກຈາກເຊື້ອຮ້າຍໄດ້. ນອກຈາກນີ້, ການຜ່າຕັດເກີດລູກ, ການບໍ່ໄດ້ດື່ມນຳ້ນົມແມ່ ແລະ ການໃຊ້ຢາປົວພະຍາດຂອງແມ່ ກໍອາດເປັນສາເຫດທີ່ເຮັດໃຫ້ເຊື້ອຈຸລິນຊີທີ່ດີບໍ່ຖືກສົ່ງຜ່ານຈາກແມ່ໄປສູ່ລູກຕາມປົກກະຕິໄດ້ຢ່າງພຽງພໍ.

error: Content is protected !!