ແມ່ຍິງເຄັ່ງຄຽດຫລາຍກວ່າຜູ້ຊາຍໃນເວລາເດີນທາງ

- 021408 - ແມ່ຍິງເຄັ່ງຄຽດຫລາຍກວ່າຜູ້ຊາຍໃນເວລາເດີນທາງ
- Untitled design - ແມ່ຍິງເຄັ່ງຄຽດຫລາຍກວ່າຜູ້ຊາຍໃນເວລາເດີນທາງ

ຄວາມເຄັ່ງຄຽດເກີດຂຶ້ນໄດ້ກັບທຸກຄົນໃນສັງຄົມປະຈຸບັນທີ່ມີການແຂ່ງຂັນ, ແຕ່ຄວາມເຄັ່ງຄຽດໃນການເດີນທາງເກີດຂຶ້ນໃນ ແມ່ຍິງຫລາຍກ່ວາຜູ້ຊາຍ ແລະ ຍັງສົ່ງຜົນກະທົບໄປຍັງສຸຂະພາບຈິດ.

ຜົນການສຳຫລວດຫລ້າສຸດຂອງອັງກິດລະບຸວ່າ : ການເດີນທາງໄປ – ກັບເຮືອນຈາກບ່ອນເຮັດວຽກໃນແຕ່ລະມື້ ສົ່ງຜົນກະ ທົບຕໍ່ສຸຂະພາບຈິດຂອງແມ່ຍິງ ໂດຍສະເພາະແມ່ນແມ່ລູກອ່ອນທັງຫລາຍບໍ່ແມ່ນໜ້ອຍ. ໃນຂະນະທີ່ຜູ້ຊາຍພັດບໍ່ຄ່ອຍໄດ້ຮັບຜົນກະ ທົບໃນແບບດຽວກັນປານໃດ ເຖິງວ່າຈະໃຊ້ເວລາໃນການເດີນທາງດົນເທົ່າໆກັນກໍຕາມ.

ຄວາມເຄັ່ງຄຽດທີ່ຫລາຍກ່ວາຂອງເພດຍິງທີ່ມີຫລາຍກ່ວາເພດຊາຍນັ້ນ ນັກວິໄຈເຊື່ອວ່າອາດເປັນຍ້ອນແມ່ຍິງມີໜ້າທີ່ຄວາມຮັບຜິດຊອບທັງໃນເຮືອນ ແລະ ນອກເຮືອນຫລາຍກ່ວາຜູ້ຊາຍ ທັງລ້ຽງລູກ, ເຮັດວຽກເຮືອນ ທັງຍັງຕ້ອງເຮັດວຽກໃນໜ້າທີ່ເພື່ອຫາລ້ຽງຊີບນຳອີກ.

ເຈນນິເຟີ ໂຣເບີດ ອາຈານ ແລະ ນັກເສດຖະສາດຈາກມະຫາວິທະຍາໄລເຊບຟິລ ກ່າວວ່າ : ແມ່ຍິງໂດຍສະເພາະຢ່າງຍິ່ງຜູ້ທ່ີເປັນແມ່ກໍມັກຈະແວ່ເຮັດນັ້ນເຮັດນີ້ໄປລະຫ່ວາງການເດີນທາງແຕ່ລະມື້ນຳ ເຊັ່ນ : ການແວ່ຊື້ອາຫານ ແລະ ຮັບ – ສົ່ງລູກຈາກສະຖານທີ່ຮັບດູແລ  ຫລື ໂຮງຮຽນລ້ຽງເດັກ ຍ້ອນພາລະອັນໜັກນີ້ ຫລາຍສິ່ງ ແລະ ເວລາອັນຈຳກັດເຮັດໃຫ້ແມ່ຍິງມີບັນຫາໃນການປັບໂຕ ແລະ  ກໍ່ໃຫ້ເກີດຄວາມເຄັ່ງຄຽດໄດ້.

- Wave100S AD to Website 2020 0 - ແມ່ຍິງເຄັ່ງຄຽດຫລາຍກວ່າຜູ້ຊາຍໃນເວລາເດີນທາງ

ບັນດານັກວິໄຈຍັງກ່າວຕື່ມວ່າ : ແມ່ຍິງທີ່ມີລູກຢູ່ໃນໄວກ່ອນເຂົ້າໂຮງຮຽນໄດ້ຮັບຜົນກະທົບຫລາຍທີ່ສຸດຈາກເວລາທີ່ໃຊ້ໃນ ການເດີນທາງໃນແຕ່ລະມື້ ໂດຍສະເພາະແມ່ນກຸ່ມທີ່ບໍ່ເພິງພໍໃຈກັບເວລາພັກຜ່ອນທີ່ນາງໄດ້ຮັບໃນແຕ່ລະມື້ເຊິ່ງໜ້ອຍຫລາຍສຳລັບ ແມ່ຍິງໃນກຸ່ມນີ້ຜົນກະທົບທາງດ້ານຈິດໃຈຈາກການເດີນທາງໃນແຕ່ລະມື້ຈະມີຫລາຍກ່ວາຜູ້ຊາຍທ່ີມີລູກໄວກ່ອນເຂົ້າໂຮງຮຽນເຖິງ 4 ເທົ່າ.

- WhatsApp Image 2020 05 27 at 5 - ແມ່ຍິງເຄັ່ງຄຽດຫລາຍກວ່າຜູ້ຊາຍໃນເວລາເດີນທາງ
- WhatsApp Image 2020 05 27 at 5 - ແມ່ຍິງເຄັ່ງຄຽດຫລາຍກວ່າຜູ້ຊາຍໃນເວລາເດີນທາງ
error: Alert: ເນື້ອຫາຂ່າວມີລິຂະສິດ !!