ຄ້ານອອກກຳລັງກາຍ – ມັກເກັບໂຕ ສ່ຽງເປັນແຊນສະໝອງເສື່ອມ

- advert banner 728 90 728x90 - ຄ້ານອອກກຳລັງກາຍ – ມັກເກັບໂຕ ສ່ຽງເປັນແຊນສະໝອງເສື່ອມ

ລະວັງ ບໍ່ອອກກຳລັງກາຍ, ເກັບໂຕງຽບ, ບໍ່ພົບປະຜູ້ຄົນ, ບໍ່ຄ່ອຍໃຊ້ສະໝອງ, ເປັນພະຍາດຊຳ້ເຮື້ອ ແລະ ສູບຢາສ່ຽງແຊນ ສະໝອງເສື່ອມ ເຊິ່ງສົ່ງຜົນໂດຍຄວາມຈື່ຈຳໄລຍະສັ້ນມີບັນຫາຄື ອາການທຳອິດທີ່ປະກົດ ຈຶ່ງຄວນກວດຫາສາເຫດ ເພາະສະໝອງເສື່ອມມີທັງປິ່ນປົວໄດ້ ແລະ ປິ່ນປົວບໍ່ໄດ້ ເຊິ່ງອັລໄຊເມີເປັນກຸ່ມປິ່ນປົວບໍ່ໄດ້, ແຕ່ຫລຸດຜ່ອນລົງໄດ້.

- new3 - ຄ້ານອອກກຳລັງກາຍ – ມັກເກັບໂຕ ສ່ຽງເປັນແຊນສະໝອງເສື່ອມ

ສະໝອງເສື່ອມແບ່ງອອກເປັນ 2 ປະເພດ ຄື :

– ກຸ່ມອາການທີ່ແຊນສະໝອງເສື່ອມບໍ່ສາມາດປິ່ນປົວ ແລະ ຢຸດການດຳເນີນຂອງພະຍາດໄດ້ ເຊັ່ນ : ອັລໄຊເມີ ຈະພົບຫລາຍທີ່ສຸດໃນກຸ່ມນີ້.

– ແຊນສະໝອງເສື່ອມທີ່ສາມາດປິ່ນປົວ ແລະ ຢຸດການດຳເນີນຂອງພະຍາດໄດ້ ເຊັ່ນ : ແຊນສະໝອງເສື່ອມທີ່ເກີດຈາກບັນຫາ ຫລອດເລືອດສະໝອງ, ອາການທາງຈິດ, ຊຶມເສົ້າ ຫລື ຂາດວິຕາມິນບາງຊະນິດ ຄື : ວິຕາມິນເບ  12 ແລະ ໂຟເລດ ເຊິ່ງການຂາດວິຕາມິນພົບໄດ້ໜ້ອຍ ມັກພົບໃນກຸ່ມຄົນປ່ວຍຕິດເຫລົ້າຊຳ້ເຮື້ອ.

- lattana 1 - ຄ້ານອອກກຳລັງກາຍ – ມັກເກັບໂຕ ສ່ຽງເປັນແຊນສະໝອງເສື່ອມ

ດັ່ງນັ້ນ, ການປິ່ນປົວອາການແຊນສະໝອງເສື່ອມຈຶ່ງຕ້ອງກວດຫາສາເຫດເພື່ອປິ່ນປົວໃຫ້ກົງກັບການເຈັບປ່ວຍ ໂດຍສະເພາະກຸ່ມທີ່ສາມາດປິ່ນປົວໄດ້ ຈະມີໂອກາດກັບມາເປັນປົກກະຕິໄດ້ຄືເກົ່າ.

ອາການເລີ່ມຕົ້ນຂອງຄົນປ່ວຍແຊນສະໝອງເສື່ອມຈະປະກົດໃຫ້ເຫັນໃນດ້ານຂອງຄວາມຈື່ຈຳໄລຍະສັ້ນເປັນອັນດັບທຳອິດ ເຊັ່ນ : ເວົ້າເລື່ອງເກົ່າຊຳ້ໆ, ຫລົງລືມໃນລະດັບເພີ່ມຂຶ້ນເລື້ອຍໆ, ອາລົມປ່ຽນແປງ, ຄວາມສາມາດໃນການໃຊ້ພາສາຫລຸດລົງ ເປັນຕົ້ນ. ການກວດຈະເຮັດການສອບຖາມປະຫວັດ, ເຮັດບົດທົດລອງຮ່ວມກັບນັກຈິດຕະວິທະຍາ, ບາງເທື່ອອາດຕ້ອງກວດຄື້ນສະໝອງ, ເບິ່ງພາບສະໝອງຮ່ວມນຳເພື່ອຫາສາເຫດຂອງພະຍາດວ່າເກີດຈາກປັດໄຈໃດເພື່ອວາງແຜນການປິ່ນປົວ ຫາກເປັນຊະນິດປິ່ນປົວໄດ້ກໍຈະປິ່ນປົວຈຸດທີ່ເຮັດໃຫ້ເກີດຄວາມເສື່ອມໄປ ເຊັ່ນ : ປິ່ນປົວອາການຊຶມເສົ້າ, ເພີ່ມວິຕາມິນທີ່ຂາດ ຫລື ປິ່ນປົວຫລອດເລືອດຕີບ ຫລື ຕັນ ແລະ ບາງເທື່ອພົບວ່າການເກີດຊີ້ນປົ່ງໃນສະໝອງກໍເຮັດໃຫ້ເກີດແຊນສະໝອງເສື່ອມໄດ້. ສ່ວນຖ້າ ເປັນຊະນິດປິ່ນປົວບໍ່ໄດ້ ຈະໃຊ້ວິທີເບິ່ງແຍງແບບປະຄັບປະຄອງ ຖ້າພົບໃນໄລຍະທຳອິດກໍສາມາດໃຊ້ວິທີບຳບັດໃຫ້ອາການຊ້າລົງໄດ້.

error: Content is protected !!