ຣຽວ ມາດຣິດ ບັນລຸຂໍ້ຕົກລົງສັນຍາໃຫມ່ ວິນິຊີອຸສ ເຖິງປີ 2026
June 16, 2022 - 9:25 AM
ຣຽວ ມາດຣິດ ທີມແຊ໊ມ ລາ ລີກາ ສະເປນ ໄດ້ບັນລຸຂໍ້ຕົກລົງໃນການຕໍ່ສັນຍາສະບັບໃຫມ່ກັບ ວິນິຊີອຸສ ຈູເນຍ ປີກດາວຮຸ່ງຊາວບຣາຊິລ ອອກໄປອີກ 4 ປີ ຫລື ຈົນເຖິງເດືອນມິຖຸນາປີ 2026 ຮຽບຮ້ອຍແລ້ວ ພ້ອມແນບຄ່າຈີກ ສັນຍາເອົາໄວ້ສູງເຖິງ 1 ພັນລ້ານຢູໂຣ.
ຟາບຣີຊີໂອ ໂຣມາໂນ ນັກຂ່າວຄົນດັງຊາວອິຕາລີ ລາຍງານຜ່ານສື່ອອນລາຍສ່ວນຕົວວ່າຄວາມຈິງແລ້ວ ຣຽວ ມາດຣິດ ຕ້ອງການຈົບ ວິນິຊີອຸສ ຂະຫຍາຍສັນຍາອອກໄປຈົນເຖິງປີ 2028 ແຕ່ດາວເຕະທີມຊາດບຣາຊິລ ແລະ ຕົວແທນ ໃຫ້ຢຸດເອົາ ໄວ້ກ່ອນ ເນື່ອງຈາກເຫັນວ່າຄວນຈະຕໍ່ສັນຍາອອກໄປອີກພຽງ 4 ປີ ເພື່ອຫລີກເວັ້ນບັນຫາທີ່ຈະເກີດຂຶ້ນໃນອະນາຄົດ ໂດຍສະເພາະເລື່ອງເງິນຄ່າຈ້າງ.
ນອກຈາກນີ້ ໂຣມາໂນ ຍັງເປີດເຜີຍວ່າ ຣຽວ ມາດຣິດ ວາງແຜນຈະຈັດພິທີເຊັນສັນຍາ ແລະ ປະກາດເລື່ອງການຕໍ່ສັນຍາສະ ບັບໃຫມ່ຂອງ ວິນີຊີອຸສ ຢ່າງເປັນທາງການໃນເດືອນກໍລະກົດນີ້.
