ເຕືອນໄພ ! ບຸກຄົນອັນຕະລາຍສັນຊາດໄທ ທີ່ກໍ່ເຫດໂກງການຊື້ຄຳຢູ່ແຂວງສະຫວັນນະເຂດ

ວັນທີ 17 ມິຖຸນາ 2022 ຜ່ານມານີ້ ຜູ້ໃຊ້ເຟສບຸກ Jolly Sompasong Souligna ໂພສຂໍຄວາມຊ່ວຍເຫຼືອ ເນື່ອງຈາກໄດ້ຮັບຄວາມເສຍຫາຍວ່າ: ຜູ້ໃດພົບເຫັນບຸກຄົນດັງກ່າວຢູ່ສະຫວັນນະເຂດ ຫຼື ມຸກດາຫານ ຊ່ວຍຕິດຕໍ່ດ່ວນເນື່ອງຈາກລູກຄ້າຊື້ຄຳນ້ຳໜັກ 20 ບາດ ມູນຄ່າ 6 ແສນກວ່າບາດ ແລະຂໍໂອນຈ່າຍຜ່ານທາງບັນຊີທະນະຄານໄທ ແຕ່ຕໍ່ມາປາກົດເງິນຖືກໂອນຖືກຍົກເລີກ.
ເຫດການ: ຜູ້ກ່ຽວເປັນຜູ້ຊາຍໄວກາງຄົນ ເວົ້າພາສາໄທ ໄດ້ເຂົ້າມາຊື້ຄຳຢູ່ຮ້ານ ບ້ານໂພນສະຫວ່າງໃຕ້ ໜ້າຄິວລົດຫຼັກ3 ວັນທີ 15/6/2022 ແລະໄດ້ຂໍຊຳລະເງິນໂອນຄ່າຄຳເປັນບັນຊີໄທ ໂດຍການໂອນເງິນ ມີຍອດເງິນເຂົ້າປົກກະຕິຕອນຊື້ແຕ່ຫຼັງຈາກນັ້ນຍອດເງິນຖືກຍົກເລີກ ທາງທະນາຄານວ່າເປັນຍອດເງິນຂອງເຊັກ CHECK (ເຊັກທີ່ລໍຖ້າເຄຍເຂົ້າບັນຊີ ) ແຕ່ຂຶ້ນໂຊໃນບັນຊີມີຍອດເຂົ້າປົກກະຕິຂຶ້ນວ່າ CLEARING CHECK ເຊິ່ງທະນາຄານໃຫ້ຂໍ້ມມູນວ່າເປັນເງິນເຊັກທີ່ສັ່ງຈ່າຍບໍ່ມີເງິນໃນບັນຊີຈຶ່ງຖືກຍົກເລີກພາຍຫຼັງ ເຊິ່ງທາງຮ້ານເຂົ້າໃຈວ່າຖ້າມີຍອດເງິນເຂົ້າແລ້ວແມ່ນການໂອນຈ່າຍສຳເຫຼັດແຕ່ບໍ່ແມ່ນແນວນັ້ນ ທາງທະນາຄານວ່າແບບນີ້ເອີ້ນວ່າເຊັກເດັ້ງ.

ທາງສຳນັກຂ່າວ ຊ່ອງ 3 ໄທ ໄດ້ເປີດຄົນຮ້າຍດັ່ງກ່າວໃຫ້ຮູ້ວ່າ: ຜູ້ກ່ຽວໄດ້ມີມີການປ່ຽນຊື່ມາແລ້ວຫລາຍຄັ້ງເຊັ່ນ ກອນ ແຕງຈຸ້ຍ, ຄັນຊິດ ແຕງຈຸ້ຍ, ພັດສະພອນ ແຕງຈຸ້ຍ ແລະ ຣະຊະຕະ ຈະເລີນວິໄລພົງ ອາຍຸ 62 ປີ, ເປັນບຸກຄົນອັນຕະລາຍ ຜ່ານມາເຄີຍພາຜູ້ຍິງຊື່ ພິດຊະພາ ຄອນນະຣົງ ໄປຫລອກຊື້ຄຳຄືໃນລັກສະນະທີ່ເກີດຂຶ້ນ.

ເຄີຍຖືກຈັບກຸມຜ່ານມາແລ້ວ ໃນວັນທີ ກຸມພາ 2022 ນີ້ ທີ່ຈັງຫວັດຊຽງຣາຍ ຕາມໝາຍຈັບຂອງສານຈັງຫວັດໜອງຄາຍ ຂໍ້ຫາຕົ້ມຕຸ໋ນຊື້ຄຳດ້ວຍເຊັກ (CHECK).

ພາຍຫລັງຜູ້ກ່ຽວໄດ້ກໍ່ເຫດໂກງເອົາຄຳຢູ່ແຂວງສະຫວັນນະເຂດແລ້ວກໍໄດ້ຂ້າມຝັ່ງໄທເປັນທີ່ຮຽບຮ້ອຍແລ້ວ