ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ

ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ - 1200x 1 - ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ
ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ - AGL - ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ

ວັນທີ 22 ມິຖຸນາ 2022, ທ່ານ ຣານິລ ວິກຳສິງເຫ ນາຍົກລັດຖະມົນຕີສີລັງກາ ທີ່ຫາກໍເຂົ້າຮັບຕຳແໜ່ງໄດ້ພຽງເດືອນດຽວ ຍອມຮັບວ່າປັດຈຸບັນສີລັງກາກຳລັງຜະເຊີນວິກິດຢ່າງໜັກ ແລະ ລະບົບເສດຖະກິດຂອງປະເທດລົ້ມສະຫລາຍໂດຍສົມບູນແລ້ວ. ຖືເປັນວິກິດຮຸນແຮງທີ່ສຸດໃນຮອບ 70 ປີ ຫລັງປະກາດເອກະລາດຈາກອັງກິດໃນປີ 1948.

ສີລັງກາກຳລັງແບກຮັບພາລະໜີ້ຈຳນວນຫລາຍ, ສູນເສຍລາຍໄດ້ຈາກການທ່ອງທ່ຽວ ແລະ ບໍລິການ ຍັງບໍ່ນັບລວມຜົນກະທົບອື່ນໆ ທີ່ເກີດຂຶ້ນເນື່ອງຈາກສະຖານະການການແພ່ລະບາດຂອງໂຄວິດໃນໄລຍະເກືອບ 3 ປີຜ່ານມາ ລວມທັງຄ່າຄອງຊີບທີ່ປັບສູງຂຶ້ນ ບໍ່ສາມາດນຳເຂົ້າສິນຄ້າອຸປະໂພກບໍລິໂພກທີ່ຈຳເປັນ ຄືນ້ຳມັນເຊື້ອໄຟ, ນົມ, ແກັສ, ຢາ ແລະ ເຈ້ຍອະນາໄມໄດ້.

ບັນດາສະມາຊິກສະພາຜູ້ແທນລາຊະດອນຈາກສອງພັກການເມືອງໃຫຍ່ບໍ່ເຂົ້າຮ່ວມກອງປະຊຸມສະພາ ເພື່ອປະທ້ວງການເຮັດວຽກຂອງນາຍົກລັດຖະມົນຕີທີ່ຄວບຄຳແໜ່ງລັດຖະມົນຕີການເງິນ ທີ່ຍັງບໍ່ສາມາດຄວບຄຸມສະຖານະການ ແລະ ບັນເທົາວິກິດທີ່ເກີດຂຶ້ນໃນຕອນນີ້ໄດ້ ໂດຍທ່ານ ຣານິລ ວິກຳສິງເຫ ຊີ້ແຈງວ່າ: ສ່ວນໜຶ່ງທີ່ປະເທດຜະເຊີນວິກິດໃນຕອນນີ້ ເປັນຍ້ອນຄວາມລົ້ມເຫລວໃນການບໍລິຫານຂອງລັດຖະບານຊຸດກ່ອນທີ່ບໍ່ສາມາດຮັກສາເງິນສຳຮອງຕ່າງປະເທດຂອງສີລັງກາໄວ້ໄດ້. ອີກທັງວິກິດທີ່ກຳລັງຜະເຊີນມີຄວາມທ້າທາຍຫລາຍ ແລະ ເກືອບເປັນໄປບໍ່ໄດ້ທີ່ຈະແກ້ໄຂບັນຫາທັງໝົດພາຍໃນໄລຍະເວລາສັ້ນ.

ນອກຈາກນີ້, ທ່ານ ຣານິລ ວິກຳສິງເຫ ຍັງເປີດເຜີຍອີກວ່າ: ສາເຫດໜຶ່ງທີ່ສີລັງກາບໍ່ສາມາດນຳເຂົ້າເຊື້ອໄຟໄດ້ ເນື່ອງຈາກ Ceylon Petroleum Corporation ທີ່ເບິ່ງແຍງເລື່ອງນ້ຳມັນເຊື້ອໄຟຂອງສີລັງກາຄ້າງຊຳລະໜີ້ 700 ກວ່າລ້ານໂດລາສະຫະລັດ ສົ່ງຜົນໃຫ້ບໍ່ມີປະເທດ ຫລື ອົງກອນສາກົນໃດຈະຍອມຈຳໜ່າຍ ຫລື ຈັດຫານ້ຳມັນເຊື້ອໄຟໃຫ້ສີລັງກາໃນໄລຍະເວລານີ້.

ໂດຍທາງການສີລັງກາໄດ້ຮັບເງິນຊ່ວຍເຫລືອຈາກທະນາຄານໂລກປະມານ 300-600 ລ້ານໂດລາ ພ້ອມຂໍພັກຊຳລະໜີ້ຕ່າງປະເທດ 7 ພັນກວ່າລ້ານໂດລາ ທີ່ຄົບກຳນົດຊຳລະພາຍໃນປີນີ້ ເຊິ່ງປັດຈຸບັນກຳລັງຢູ່ລະຫວ່າງລໍຖ້າຜົນເຈລະຈາກັບ IMF ສຳລັບການສົ່ງມອບເງິນຊ່ວຍເຫລືອ ແລະ ຄາດວ່າຈະໄດ້ຂໍ້ສະຫລຸບໃນທ້າຍເດືອນກໍລະກົດນີ້.

ອ້າງອີງ:

https://www.washingtonpost.com/politics/sri-lanka-pm-says-economy-has-collapsed-unable-to-buy-oil/2022/06/22/f3da406e-f206-11ec-ac16-8fbf7194cd78_story.html

ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ - lattana banner - ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ
ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ -    AD conten website - ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ
ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ - lattana banner 1 - ນາຍົກລັດຖະມົນຕີສີລັງກາຍອມຮັບ ລະບົບເສດຖະກິດຂອງປະເທດ ລົ້ມສະຫລາຍໂດຍສົມບູນແລ້ວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!