GDP ຍີ່ປຸ່ນຂະຫຍາຍຕົວຕໍ່ເນື່ອງ ດົນທີ່ສຸດໃນຮອບ 11 ປີ

- advert banner 728 90 728x90 - GDP ຍີ່ປຸ່ນຂະຫຍາຍຕົວຕໍ່ເນື່ອງ ດົນທີ່ສຸດໃນຮອບ 11 ປີ

- s4 - GDP ຍີ່ປຸ່ນຂະຫຍາຍຕົວຕໍ່ເນື່ອງ ດົນທີ່ສຸດໃນຮອບ 11 ປີ

- new3 - GDP ຍີ່ປຸ່ນຂະຫຍາຍຕົວຕໍ່ເນື່ອງ ດົນທີ່ສຸດໃນຮອບ 11 ປີ

​ເສດຖະກິດ​ຂອງ​ຍີ່ປຸ່ນ​​ເຊິ່ງ​ໃຫຍ່​ເປັນອັນ​ດັບ 3 ຂອ​ງ​ໂລກ ​ແລະ ອັນ​ດັບ 2 ຂອງ​ອາຊີ ຍັງ​ເຕີບ​ໃຫຍ່​ໃນ​ໄຕ​ມາດ​ທີ 2 ຂອງ​ປີ​ນີ້ ​ແລະ ຕໍ່​ເນື່ອງ​ເປັນ​ໄຕ​ມາດ​ທີ 6 ຕິດ​ຕໍ່​ກັນ ຖື​ເປັນ​ສະຖິຕິ​ດີ​ທີ່​ສຸດ​ນັບ​ແຕ່​ປີ 2006.

 

+ IMF ຊີ້ຍີ່ປຸ່ນຕ້ອງເລັ່ງປະຕິຮູບ ເພື່ອຫລຸດຈາກສະພາບເງິນຝືດ

+ ນາຍົກຍີ່ປຸ່ນຈະປັບຄະນະລັດຖະບານ ຫລັງຄະແນນນິຍົມຕົກຕໍ່າທີ່ສຸດ

 

- lattana 1 - GDP ຍີ່ປຸ່ນຂະຫຍາຍຕົວຕໍ່ເນື່ອງ ດົນທີ່ສຸດໃນຮອບ 11 ປີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ໂຕ​ກຽວ ປະ​ເທດ​ຍີ່ປຸ່ນ ​ໃນ​ວັນ​ທີ 14 ສິງຫາ​ວ່າ: ລັດຖະບານ​ຍີ່ປຸ່ນ​ເປີດ​ເຜີຍ​ລາຍ​ງານ​ສະຖານະ​ການ​ທາງ​ເສດຖະກິດ​ຂອງ​ປະ​ເທດ​ໃນ​ໄຕ​ມາດ​ທີ 2 ຂອງ​ປີ​ນີ້ ຫລື​ ລະຫວ່າງ​ເດືອນ​ເມສາ​ຫາ​​ເດືອນ​ມິຖຸນາ​ຜ່ານ​ມາ​ວ່າ: ລວມຍອດ​ຜະລິດ​ຕະພັນ​ພາຍ​ໃນ (GDP) ຂະຫຍາຍຕົວ 1,0% ຈາກ​ໄຕ​ມາດ​ທຳ​ອິດ ສູງ​ກວ່າ​ຄາດ​ຄະ​ເນ​ໄວ້​ກ່ອນ​ໜ້າ​ນີ້​ວ່າ​ຈະ​ເຕີບ​ໃຫຍ່​ໃນ​ລະດັບ 0,6% ​ແລະ ຖ້າ​ທຽບ​ໃສ່ GDP ​ແຕ່ລະ​ປີ​ພົບ​ວ່າ​ຂະຫຍາຍຕົວ​ໃນ​ລະດັບ 4,0% ດີກ​ວ່າການ​ຕີ​ລາຄາ​ກ່ອນ​ໜ້າ​ນີ້ ​ເຊິ່ງຄາດ​ໄວ້​ພຽງ 2,5% ​ເທົ່າ​ນັ້ນ ຖື​ເປັນ​ການ​ຂະຫຍາຍຕົວ​ຂອງ GDP ​ໃນ​ລະດັບ​ດີ​ທີ່​ສຸດ​ນັບ​ແຕ່​ໄຕ​ມາດ​ທຳ​ອິດ​ຂອງ​ປີ 2015.

- tokyo 1523834c - GDP ຍີ່ປຸ່ນຂະຫຍາຍຕົວຕໍ່ເນື່ອງ ດົນທີ່ສຸດໃນຮອບ 11 ປີ

ນອກຈາກ​ນີ້, ສະຖິຕິ​ການ​ຂະຫຍາຍຕົວຂອງ GDP ​ໄຕ​ມາດ​ທີ 2 ປີນີ້ ຍັງ​ຖື​ເປັນ​ການ​ເຕີບ​ໃຫຍ່​ຢ່າງ​ຕໍ່​ເນື່ອງ​ເປັນ​ໄຕ​ມາດ​ທີ 6 ຕິດ​ຕໍ່​ກັນ ຈາກ​ການ​ໃຊ້​ຈ່າຍ​ພາກ​ຄົວ​ເຮືອນ​ທີ່​ເພີ່ມ​ຂຶ້ນ ຖື​ເປັນ​ໄລຍະ​ເວລາ​ຍາວ​ນານ​ທີ່​ສຸດ ນັບ​​ແຕ່​ສະ​ໄໝ​ຂອງ​ນາຍົກລັດຖະມົນຕີ ຈຸນ​ອິຊິ​ໂຣ ​ໂກ​ອິຊຸ​ມິ ​ທີ່​ສ້າງ​ສະຖິຕິ​ໄວ້​ລະຫວ່າງ​ໄຕ​ມາດ​ທຳ​ອິດ​ຂອງ​ປີ 2005 ຫາ​ໄຕ​ມາດ​ທີ 2 ຂອງ​ປີ 2006. ​ເຖິງ​ຢ່າງ​ໃດ​ກໍ​ຕາມ, ທ່ານ ​ໂທ​ຊິ​ມິດ​ສຸ ​ໂມ​ເຕງິ ລັດຖະມົນຕີ​ກະຊວງ​ເສດຖະກິດ ກ່າວ​ວ່າ: ລັດຖະບານ​ຍັງ​ຕ້ອງ​ກະ​ຕຸ້ນ​ການ​ບໍລິ​ໂພ​ກພາກ​ເອກະ​ຊົນ ​ເຊິ່ງມີ​ອັດຕາ​ສ່ວນ 2 ​ໃນ 3 ຂອງ GDP ​ໃຫ້​ຫລາຍ​ກວ່າ​ນີ້. ​ຂະນະ​ທີ່​ຍີ່ປຸ່ນ​ຍັງ​ຜະ​ເຊີນ​ບັນຫາ​ຊ້ຳ​ເຮື້ອທາງ​ສັງຄົມ​ທີ່​ສົ່ງ​ຜົນ​ກະທົບ​ຕໍ່​ກິດຈະກຳ​ທາງ​​ເສດຖະກິດ ຄື​ການ​ຢູ່​ໃນ​ສັງຄົມ​ຜູ້​ອາຍຸ​ສູງ ທີ່​ສົ່ງ​ຜົນ​ເຮັດ​ໃຫ້​ຈຳນວນ​ປະຊາກອນ​ໄວ​ແຮງ​ງານ​ຫລຸດ​ລົງ ​ແລະ ອັດຕາ​ເງິນ​ເຟີ້​ທີ່​ຍັງ​ຫ່າງ​ໄກ​ຈາກ​ເປົ້າໝາຍ 2,0%.

error: Content is protected !!