ໂຮງຮຽນລ້ຽງເດັກ-ອະນຸບານຫລາຍແຫ່ງຫັນມາສິດສອນ ຫລັກສູດ 2 ພາສາສ້າງພື້ນຖານຮອງຮັບ AEC

- advert banner 728 90 728x90 - ໂຮງຮຽນລ້ຽງເດັກ-ອະນຸບານຫລາຍແຫ່ງຫັນມາສິດສອນ ຫລັກສູດ 2 ພາສາສ້າງພື້ນຖານຮອງຮັບ AEC

ພະແນກສຶກສາທິການ ແລະ ກິລານະຄອນຫລວງວຽງຈັນ ໃຫ້ ຮູ້ວ່າ: ປັດຈຸບັນໂຮງຮຽນລ້ຽງ ເດັກ-ອະນຸບານຫລາຍແຫ່ງຢູ່ ນະຄອນຫລວງວຽງຈັນ ໄດ້ ເລີ່ມ ຫັນມາສິດສອນນັກຮຽນໃນ ຫລັກສູດ 2 ພາສາຄື: ພາສາລາວ ແລະ ພາສາອັງກິດຫລາຍຂຶ້ນ ເພື່ອເປັນການສ້າງພື້ນຖານໃນຍຸກ AEC ທີ່ມີການເຊື່ອມໂຍງກັບສາ ກົນຫລາຍຂຶ້ນ. ດັ່ງໂຮງຮຽນລ້ຽງ ເດັກອະນຸບານ ສອນນາລິນສ້າງ ຕັ້ງຂຶ້ນໃນປີ 2013 ແລະ ໄດ້ປະຕິ ບັດຫລັກສູດການຮຽນ-ການ ສອນທີ່ກະຊວງສຶກສາທິການ ແລະ ກິລາວາງອອກ, ໂດຍສະ ເພາະແມ່ນການພັດທະນາຕາມ 3 ລັກສະນະ ແລະ 5 ຫລັກມູນຂອງ ການສຶກສາ, ທັງນີ້ກໍເພື່ອເປັນ ສ່ວນໜຶ່ງໃນການພັດທະນາ ຊັບພະຍາກອນມະນຸດໃຫແທດ ເໝາະກັບການພັດທະນາປະເທດຊາດ, ພ້ອມທັງໄດ້ເອົາການພັດ ທະນາການສຶກສາ ແລະ ກິລາ ເປັນບູລິມະສິດໃຈກາງຂອງການ ພັດທະນາຊັບພະຍາກອນມະນຸດ.

 

 

 

+ ໂຮງຮຽນຊັບປັນຍາສະຫລຸບສົກຮຽນ 2016-2017

+ ມອບ-ຮັບອາຄານຮຽນຫລັງໃໝ່ໃຫ້ໂຮງຮຽນ ມສ ບຶກທົ່ງ

+ ໂຮງຮຽນສິລະປະແຫ່ງຊາດຈັດການແຂ່ງຂັນພອນສະຫວັນຂອງນັກຮຽນ

- Tiger Head 728x90 - ໂຮງຮຽນລ້ຽງເດັກ-ອະນຸບານຫລາຍແຫ່ງຫັນມາສິດສອນ ຫລັກສູດ 2 ພາສາສ້າງພື້ນຖານຮອງຮັບ AEC
- 1 1 - ໂຮງຮຽນລ້ຽງເດັກ-ອະນຸບານຫລາຍແຫ່ງຫັນມາສິດສອນ ຫລັກສູດ 2 ພາສາສ້າງພື້ນຖານຮອງຮັບ AEC

 

 

ທ່ານນາງ ສອນນາລິນ ສີສະວົງຜູ້ອຳນວຍການໂຮງ ຮຽນລ້ຽງເດັກ-ອະນຸບານສອນ ນາລິນ ໃຫ້ຮູ້ວ່າ: ດ້ວຍຄວາມຮັກ ໃນການສິດສອນເດັກນ້ອຍໃຫ້ ມີຄວາມຮູ້ເປັນຄົນດີຂອງພໍ່-ແມ່ ແລະ ສັງຄົມ ມາຮອດປີ 2013 ຈຶ່ງໄດ້ເປີດໂຮງຮຽນຂອງຕົນຂຶ້ນ ປະກອບມີ: ຫ້ອງຮຽນ, ຫ້ອງ ການເດີ່ນຫລີ້ນເດັກນ້ອຍ ແລະ ອື່ນໆ, ເຊິ່ງແຕ່ລະຫ້ອງຮຽນແມ່ນ ຕິດເຄື່ອງປັບອາກາດ ແລະ ສອນ ຫລັກສູດສອງພາສາຄື: ພາສາ ລາວ ແລະ ພາສາອັງກິດ, ໃນ ເບື້ອງຕົ້ນມີນັກຮຽນພຽງແຕ່ 15 ຄົນ ແລະ ໃນສົກຮຽນ 2014-2015 ມີນັກຮຽນເພີ່ມຂຶ້ນມາ ເປັນ 35 ຄົນ, ສົກຮຽນ 2016-2017 ມີນັກຮຽນທັງໝົດ 103 ຄົນ ແລະ ຜ່ານການຈັດຕັ້ງການ ຮຽນ-ການສອນແຕ່ລະສົກຮຽນ ໄດ້ມີໜໍ່ແໜງນັກຮຽນດີ-ຮຽນ ເກັ່ງຂຶ້ນຄື: ສົກຮຽນ 2016-2017 ມີນັກຮຽນເກັ່ງປະເພດ 1 ຈຳນວນ 31 ຄົນ, ປະເພດ 2 ມີ 42 ຄົນ ເຮັດໃຫ້ການພັດທະນາ ການຮຽນ-ການສອນໃຫ້ນັບ ມື້ເຂັ້ມແຂງທັງປະລິມານ ແລະ ຄຸນນະພາບ, ແນວໃດກໍດີໃນຍຸກ ເຊື່ອມໂຍງສາກົນ, ໂດຍສະເພາະ ແມ່ນຍຸກ AEC ເຫັນວ່າການ ພັດທະນາບຸກຄະລາກອນແມ່ນ ມີຄວາມຈຳເປັນເພື່ອພັດທະນາ ປະເທດຊາດ, ສະນັ້ນໂຮງຮຽນ ຈະໄດ້ມີການເນັ້ນໃສ່ການສິດ ສອນໂດຍຖືເອົານັກຮຽນເປັນ ໃຈກາງ ແລະ ສອນລະບົບສອງ ພາສາຄື: ພາສາລາວ ແລະ ພາ ສາອັງກິດໂດຍໄດ້ຈ້າງຄູອາ ຈານທີ່ເປັນຄົນຕ່າງປະເທດມາ ສິດສອນ ເພື່ອເຮັດໃຫ້ນັກຮຽນ ສາມາດພັດທະນາຄວາມຮູ້ ຄວາມສາມາດດີກວ່າເກົ່າ.

 

ພະແນກສຶກສາທິການ ແລະ ກິລານະຄອນຫລວງ ວຽງ ຈັນໃຫ້ຮູ້ວ່າ: ປັດຈຸບັນໄດ້ສຸມໃສ່ ພັດທະນາການສຶກສາ, ໂດຍສະ ເພາະການຂະຫຍາຍການສຶກ ສາເດັກກ່ອນໄວຮຽນ, ເພີ່ມອັດ ຕາເຂົ້າຮຽນໃໝ່ສຸດທິສໍາລັບ ເດັກອາຍຸ 6 ປີໃຫ້ສູງຂຶ້ນ, ເຊິ່ງ ເມື່ອບໍ່ດົນນີ້, ທ່ານນາງ ແສງ ເດືອນຫລ້າຈັນທະບູນລັດຖະມົນ ຕີກະຊວງສຶກສາທິການ ແລະ ກິລາມີຄຳເຫັນຕໍ່ວຽກງານພັດ ທະນາການສຶກສາວ່າ: ເຖິງວ່າ ຕາໜ່າງການສຶກສາໄດ້ຮັບການ ປັບປຸງ ແລະ ຂະຫຍາຍຢ່າງຕໍ່ ເນື່ອງກໍຕາມ, ແຕ່ກໍຍັງບໍ່ທັນທົ່ວ ເຖິງໃນເຂດຊົນນະບົດຫ່າງໄກ ສອກຫລີກ, ໂດຍສະເພາະການ ສຶກສາກ່ອນໄວຮຽນ ແລະ ການ ສຶກ ສາວິຊາຊີບ, ອັດຕາການເຂົ້າ ຮຽນຂອງເດັກໄວ 3-5 ປີ ເຖິງ ວ່າຈະບັນລຸໄດ້ຄາດໝາຍ, ແຕ່ ເມື່ອທຽບໃສ່ປະເທດໃກ້ຄຽງ ແລ້ວແມ່ນຍັງຕ່ຳເພາະຍັງບໍ່ສາມາດບັນລຸໄດ້ເຖິງ 50%, ອັດຕາ ການປະລະການຮຽນ ແລະ ອັດ ຕາການຄ້າງຫ້ອງຍັງມີຫລາຍ, ອັດຕາການລອດເຫລືອຂອງ ນັກຮຽນຊັ້ນປະຖົມ ປ1-ປ5 ຍັງ ຫ່າງໄກຈາກຄາດໝາຍ (ປັດຈຸ ບັນບັນລຸໄດ້ພຽງ78,3% ຄາດ ໝາຍແມ່ນ 95%), ການກໍ່ ສ້າງ ຊັບພະຍາກອນມະນຸດທັງພາກ ລັດ ແລະ ເອກະຊົນບໍ່ທັນກົມກຽວ ກັນ, ນະໂຍບາຍການພັດທະນາ ຊັບພະຍາກອນມະນຸດແຫ່ງຊາດ ດ້ານປະລິມານມີລັກສະນະບໍ່ພໍ, ດ້ານຄຸນນະພາບເມື່ອທຽບໃສ່ ພາກພື້ນ ແລະ ສາກົນເຫັນວ່າຍັງ ບໍ່ທັນສູງເທົ່າທີ່ຄວນ, ຄູອາຈານ ຈຳນວນໜຶ່ງຍັງບໍ່ທັນປັບປ່ຽນ ຕົນເອງໃຫ້ເຂົ້າກັບສະພາບການເຊື່ອມໂຍງ, ຍັງເຮັດຕາມຄວາມ ເຄີຍຊີນເກົ່າ, ສະພາບການຄຸ້ມ ຄອງ ແລະ ນຳໃຊ້ເນື່ອທີ່ຂອງ ສະຖານທີ່ການສຶກສາ ແລະ ສະ ໜາມຫລີ້ນກິລາກາຍຍະກຳ ບາງແຫ່ງ, ບາງທ້ອງຖິ່ນບໍ່ທັນມີ ປະສິດທິຜົນເທົ່າທີ່ຄວນ, ສະ ພາບດ້ານການເງິນຮັບໃຊ້ການພັດທະນາການສຶກສາ ແລະ ກິ ລາຍັງມີຢູ່ໃນຂອບເຂດຈຳກັດ, ພ້ອມນັ້ນປະກົດການຫຍໍ້ທໍ້ໃນ ສັງຄົມຍັງມີລັກສະນະແຜ່ລາມ ສົ່ງຜົນສະທ້ອນບໍ່ດີຕໍ່ການສຶກ ສາເປັນຕົ້ນ: ບັນຫາຮ້ານບັນເທີງ, ຮ້ານກິນດື່ມທີ່ມີທາດເຫລົ້າຢູ່ ໃກ້ສະຖາບັນການສຶກສາ ແລະ ບັນຫາສິ່ງເສບຕິດ, ການປອມ ແປງໃບປະກາດ ແລະ ອື່ນໆ, ເຊິ່ງ ຜູ້ບໍລິຫານການສຶກສາ ແລະ ກິ ລາ ກໍຄືຄູ-ອາຈານຈະຕ້ອງໄດ້ ບຸກທະລຸແບບແຜນວິທີເຮັດວຽກ ແລະ ເພີ່ມຄວາມຮັບຜິດຊອບ ຕໍ່ການແກ້ໄຂປະກົດການຫຍໍ້ ທໍ້ດັ່ງກ່າວໃຫ້ໝົດໄປເພື່ອສ້າງ ລູກຫລານພວກເຮົາໃຫ້ກາຍ ເປັນຜູ້ສືບທອດທີ່ດີ ແລະ ມີຄຸນ ນະພາບ.

error: Content is protected !!