ທະນາຄານໂລກ (WB) ຮັບຮອງເອົາໂຄງການຕ້ານສະພາບການຂາດສະບຽງອາຫານ 2,3 ຕື້ໂດລາຊ່ວຍອາຟຣິກາ

ວິທະຍຸກະຈາຍສຽງຫວຽດນາມລາຍງານວ່າ: ວັນທີ 22 ມິຖຸນາ ຜ່ານມາ, ທະນາຄານໂລກ (WB) ປະກາດວ່າໄດ້ຮັບຮອງເອົາໂຄງການທີ່ມີມູນຄ່າ 2,3 ຕື້ໂດລາ ເພື່ອຊ່ວຍບັນດາປະເທດ ອາຟຣິກາຕາ ເວັນອອກ ແລະ ອາຟຣິກາໃຕ້ ຕ້ານສະພາບການຂາດສະບຽງອາຫານ. ບ້ວງງົບປະມານນີ້ຈະຊ່ວຍເພີ່ມທະວີຄວາມສາມາດຟື້ນຟູຂອງລະບົບສະບຽງອາຫານໃນພາກພື້ນກໍ່ຄືຄວາມສາມາດແກ້ໄຂສະພາບຂາດສະ ບຽງອາຫານ ຊຶ່ງນັບມື້ນັບເພີ່ມຂຶ້ນ.

ຂ່າວລະບຸວ່າ: ທ່ານ ຮາເຟຊ ແກເນັມ ຮອງປະທານທະນາຄານໂລກ ຮັບຜິດຊອບເຂດ ອາຟຣິກາ ຕາເວັນອອກ ແລະ ອາຟຣິກາໃຕ້ ໃຫ້ຮູ້ວ່າ: ນີ້ແມ່ນການເຄື່ອນໄຫວຫຼາຍຂົງເຂດທໍາອິດຂອງ WB ໃນພາກພື້ນເພື່ອແນໃສ່ຫຼຸດຜ່ອນຈຳນວນປະຊາກອນທີ່ພວມກຳລັງປະເຊີນກັບໄພອຶດຫິວຢູ່ອາຟຣິກຕາເວັນອອກ ແລະ ອາຟຣິກາໃຕ້. ປັດຈຸບັນ, ມີປະຊາກອນເກືອບ 30 ລ້ານຄົນຢູ່ ມາດາກາສກ້າ ແລະ ເອທິໂອປີ ຕ້ອງປະເຊີນໜ້າກັບສະພາບຂາດຄວາມໝັ້ນຄົງດ້ານສະບຽງອາຫານຍ້ອນໄພແຫ້ງແລ້ງ ຊຶ່ງຈະແມ່ນຄາດໝາຍບຸລິມະສິດແຖວໜ້າຂອງໄລຍະທຳອິດຂອງໂຄງການ.