ວິທີແກ້ອາການສະເອິ
June 25, 2022 - 10:09 AM
- ອາການສະເອິ : ເກີດຈາກການຫົດເກັງຂອງກະບັງລົມ ໂດຍບໍ່ໄດ້ຕັ້ງໃຈ ເນື່ອງຈາກກະບັງລົມ ແລະ ກ້າມເນື້ອຊ່ອງຫວ່າງລະຫ່ວາງກະດູກຂ້າງ ເຮັດວຽກບໍ່ພ້ອມພຽງກັນ ໂດຍປົກກະຕິບໍ່ມີສັນຍານບົ່ງບອກເຖິງອັນຕະລາຍ.
- ສາເຫດ : ຜົນຂ້າງຄຽງຈາກຄວາມຜິດປົກກະຕິຂອງ ຄໍ, ໜ້າເອິກ, ປອດ, ຜົ້ງທ້ອງ ເຊັ່ນ : ຊີ້ນປົ່ງຢູ່ຄໍ, ປອດອັກເສບ, ເນື້ອເຍື່ອຜົ້ງທ້ອງຜັກເສບ, ໄຕວາຍ ຫລື ເກີດຈາກອາລົມທີ່ປ່ຽນແປງກະທັນຫັນ ເຊັ່ນ : ຕື່ນຕົກໃຈແບບກະທັນຫັນ ຫລື ມີບັນຫາຄວາມເຄັ່ງຄຽດຊຳ້ເຮື້ອ, ການດື່ມເຄື່ອງດື່ມທີ່ມີແກ໊ສຫລາຍ ຈຳພວກອັດລົມ, ກິນອາຫານເຄັມ-ເຜັດ-ສົ້ມຫລາຍ ແລະ ການສູບຢາຫລາຍ ເປັນຕົ້ນ.
- ວິທີການຮັບມື : ຂໍໃຫ້ໃຈເຢັນ ນັ່ງລໍຖ້າສັກໄລຍະ ອາການກໍຈະດີຂຶ້ນໃນບໍ່ດົນ ແນະນຳວ່າເວລາມີອາການໃຫ້ແກ້ໄຂໂດຍເຮັດໃຫ້ຕື່ນຕົກໃຈ ເຊັ່ນ :
- ຕົບຫລັງຄ່ອຍໆຢ່າງກະທັນຫັນ.
- ດື່ມນຳ້ຈອກໃຫຍ່ໆຫລາຍໆອຶກ.
- ຫາຍໃຈໃນຖົງເຈ້ຍ.
- ໃຊ້ນິ້ວມືອັດຮູຫູໄວ້ ປະມານ 20 – 30 ວິນາທີ.
- ສິ່ງທີ່ຄວນຫລີກເວັ້ນເພື່ອປ້ອງກັນອາການສະເອິ :
- ຫລຸດການດື່ມເຄື່ອງດື່ມປະເພດອັດລົມ, ອານກໍຮໍ ແລະ ການສູບຢາ.
- ກິນອາຫານແຕ່ພໍດີອີ່ມ ຢ່າຈົນຫລາຍຈົນແໜ້ນ-ຈຸກທ້ອງ.
- ຫຍຳ້ອາຫານໃຫ້ແຫລກດີກ່ອນກືນ ແລະ ບໍ່ຄວນກິນອາຫານລົດຊາດເຂັ້ມຂຸ້ນຫລາຍເກີນໄປ.
- ໝັ່ນຄວບຄຸມອາລົມຂອງຕົນເອງໃຫ້ໝັ້ນຄົງ.
- ແຕ່ຫາກອາການຮຸນແຮງຈົນມີອາການເຈັບແໜ້ນໜ້າເອິກ, ເຈັບທ້ອງ ແລະ ສະເອິຕິດຕໍ່ກັນເປັນເວລາດົນ ຄວນຮີບໄປໂຮງໝໍເພື່ອຮັບການກວດ ແລະ ປິ່ນປົວ (ກວດເຊັກຮ່າງກາຍຢ່າງລະອຽດ) ໃນຂັ້ນຕໍ່ໄປ.
