ຣຽວ ມາດຣິດ ວາງແຜນດຶງ ຊອນ ເຮືອງ ມິນ ເສີມເກມບຸກ

ຣຽວ ມາດຣິດ ຕົກເປັນຂ່າວວ່າໄດ້ວາງ ຊອນ ເຮືອງ ມິນ ກອງຫນ້າທີມຊາດ ສ.ເກົາຫລີ ຂອງສະໂມສອນທັອດແນມ ຮັອດສະເປີ ເປັນເປົ້າຫມາຍໃນການເສີມທີມຕະຫລາດລະດູການນີ້.

ສຳລັບ ຊອນ ເຮືອງ ມິນ ໂຊຟອມໄດ້ຢ່າງຫນ້າປະທັບໃຈເມື່ອລະດູການຜ່ານ ຫລັງລາວຍິງໄປ 23 ປະຕູໃນພຣີເມຍລີກ ຄວ້າລາງວັນດາວຍິງສູງສຸດ ຫລືອ ເກີບຄຳ ຮ່ວມກັບ ໂມຮາເຫມັດ ຊາລາ ກອງຫນ້າລີເວີພູລ.

ຈາກຜົນງານທີ່ເກີດຂຶ້ນເຮັດໃຫ້ຫລ້າສຸດ ຣູດີ ກາເລັດຕິ ນັກຂ່າວ ສະປອດອິຕາລີ ເປີດເຜີຍວ່າ ຣຽວ ມາດຣິດ ພວມຈັບຕາສະຖານະການຂອງດາວຍິງອາຍຸ 29 ປີ ຄົນນີ້ ຢ່າງໃກ້ຊິດ ແລະ ມີໂອກາດທີ່ຈະດຶງຕົວມາເສີມທີມ.

ໂດຍ ຣຽວ ມາດຣິດ ພາຍໃຕ້ການຄຸມທີມຂອງ ຄາໂລ ອັນເຊລັອດຕິ ຕ້ອງການເສີມທີມໃນຕຳແຫນ່ເກມບຸກ ຫລັງພວກເຂົາພາດເຊັນສັນຍາກັບ ຄີລຽນ ເອັມບັບເປ ດາວເຕະທີມຊາດຝຣັ່ງ ທີ່ເລືອກຢູ່ກັບ ເປແອສເຊ ຕໍ່ໄປ.

ນອກຈາກນີ້ ແກເຣັດ ເບລ ປີກທີມຊາດເວລ ກໍໄດ້ອຳລາທີມ ຫລັງຫມົດສັນຍາລວມເຖິງ ມາໂກ ອາເຊນຊີໂອ ກອງກາງທີມຊາດສະເປນເຊິ່ງມີຂ່າວເລື່ອງການຍ້າຍທີມຢ່າງຕໍ່ເນື່ອງ.