ແມນຢູ ໃກ້ບັນລຸຄວ້າ ເດິ ຢອງ ຈາກບາເຊໂລນາ ຄ່າຕົວ 69 ລ້ານປອນ

ຫລັງຈາກພະຍາຍາມຢູ່ຫລາຍອາທິດ ມີລາຍງານວ່າ ຄະນະບໍລິຫານຂອງ ແມນເຊສເຕີ ຢູໄນເຕັດ ໃກ້ຈະເຮັດການຊື້ຂາຍ ສຳເລັດຂອງ ແຟຣງກີ ເດິ ຢອງ ແລະ ບໍ່ເກີນອາທິດຫນ້າມີຂ່າວດີແນ່ນອນ.

ເປັນເວລາຫລາຍອາທິດທີ່ມີກະແສຂ່າວລາຍງານວ່າ ຄະນະບໍລິຫານຂອງ ແມນເຊສເຕີ ຢູໄນເຕັດ ກຽມຕົວທີ່ຈະຄວ້າ ແຟຣັງກີ ເດິ ຢອງ ນັກເຕະກອງກາງຈາກ ບາເຊໂລນາ ມາເປັນສະມາຊິກໃຫມ່ຂອງທີມໃນລະດູການນີ້.

ໂດຍຫລ້າສຸດ ເດລີ ເມລ ສື່ກິລາຊື່ດັງຂອງອັງກິດລາຍງານວ່າ ຄະນະບໍລິຫານແມນເຊສເຕີ ຢູໄນເຕັດ ໄດ້ຍື່ນຂໍ້ສະເຫນີໃຫ້ ບາເຊໂລນາ ພິຈາລະນາແລ້ວ ເຊິ່ງມີຂໍ້ມູນເຜີຍເພີ່ມຕື່ມວ່າ ບາເຊໂລນາ ຕົກລົງທີ່ຈະຂາຍໃນລາ 69 ລ້ານປອນ ແລະ ຄາດວ່າບໍ່ເກີນອາທິດຫນ້າການຊື້ຂາຍກໍຈະສຳເລັດສົມບູນ ແລະ ສາມາດເປີດຕົວເປັນນັກເຕະໃຫມ່ໄດ້ໃນໄວໆນີ້ແລ້ວ.

ສຳລັບຜົນງານຂອງ ເດິ ຢອງ ໃນລະດູການຜ່ານມາ ຍິງໄປ 4 ປະຕູ ກັບອີກ 5 ແອສຊິສ ຈາກການລົງສະຫນາມ 46 ນັດ ໃນ ທຸກລາຍການ ໂດຍຫາກນັບຜົນງານສະໄຫມທີ່ລາວຢູ່ກັບ ເອຣິກ ເທນ ຮາກ ທີ່ອາແຈັກ ເຮັດໄປທັງຫມົດ 5 ປະຕູ ກັບອີກ 13 ແອສຊິສ ຈາກການລົງສະຫນາມ 91 ນັດໃນທຸກລາຍການ.