ສະມາຄົມ​ນັກ​ຂ່າວ​ພາກ​ເໜືອ​ຈະ​ເລັ່ງພັດທະນາຕົນ​ເອງ​ໃຫ້​ມີ​ຄຸນ​ນະພາ​ບສູງ​ຂຶ້ນ

- advert banner 728 90 728x90 - ສະມາຄົມ​ນັກ​ຂ່າວ​ພາກ​ເໜືອ​ຈະ​ເລັ່ງພັດທະນາຕົນ​ເອງ​ໃຫ້​ມີ​ຄຸນ​ນະພາ​ບສູງ​ຂຶ້ນ

ກອງ​ປະຊຸມ​ສະມາຄົມ​ນັກ​ຂ່າວ​ແຫ່ງ ສປປ ລາວ ປະຈຳ​ພາກ​ເໜືອ, ​ໄດ້​ໄຂ ຂຶ້ນໃນ​ເຊົ້າວັນ​ທີ 14 ສິງຫາ​ນີ້ທີ່​ແຂວງ​ຫລວງ​ພະ​ບາງ, ​ໂດຍ​ການ​ໃຫ້​ກຽດ​ເຂົ້າຮ່ວມ ​ແລະ ​ໂອ້​ລົມ​​ແນະນຳ​ຂອງ​ທ່ານ ສະຫວັນ​ຄອນ ຣາຊະ​ມຸນຕີ ຮອງ​ລັດຖະມົນຕີ​ກະຊວງຖະແຫລງຂ່າວ, ວັດທະນາທໍາ ແລະ ທ່ອງທ່ຽວ, ປະທານ​ສະມາຄົມ​ນັກ​ຂ່າວ​ແຫ່ງ ສປປ ລາວ, ມີ​ຫົວໜ້າ​ພະ​ແນ​ກ ​ແລະ ຄະນະ​ບໍລິຫານ​ງານ ພ້ອມ​ສະມາຊິກ​ສະມາຄົມ​ນັກ​ຂ່າວ​ຈາກ 8 ​ແຂວງ​ພາກ​ເໜືອ​ເຂົ້າຮ່ວມ​ຢ່າງພ້ອມພຽງ.

- new3 - ສະມາຄົມ​ນັກ​ຂ່າວ​ພາກ​ເໜືອ​ຈະ​ເລັ່ງພັດທະນາຕົນ​ເອງ​ໃຫ້​ມີ​ຄຸນ​ນະພາ​ບສູງ​ຂຶ້ນ

ຫົວໜ້າ​ສາຂາ​ສະມາຄົມ​ນັກ​ຂ່າວ​ປະຈຳ​ພາກ​ເໜືອ​ໄດ້​ລາຍ​ງານ​ໃຫ້​ຮູ້​ວ່າ: ສະມາຄົມ​ນັກ​ຂ່າວ​ສາຂາ​ພາກ​ເໜືອ​ໄດ້​ຮັບ​ການ​ສ້າງຕັ້ງຂຶ້ນ​ເມື່ອປີ 2015 ຕາມ​ຂໍ້​ຕົກລົງ​ຂອງ​ປະທານ​ສະມາຄົມ​ນັກ​ຂ່າວ​ແຫ່ງ ສປປ ລາວ, ປະກອບ​ມີ 8 ​ແຂວງຄື:​ອຸດົມ​ໄຊ, ຫລວງ​ພະ​ບາງ, ຜົ້ງສາລີ, ຫລວງ​ນ້ຳທາ, ບໍ່​ແກ້ວ, ຊຽງ​ຂວາງ, ຫົວພັນ ​ແລະ ​ໄຊ​ຍະ​ບູລີ, ​ເຊິ່ງຜ່ານ​ໄລຍະ​ເວລາ​ດັ່ງກ່າວສະມາຄົມ​ນັກ​ຂ່າວ​ພາກ​ເໜືອ​ໄດ້​ຕັ້ງໜ້າ​ຈັດຕັ້ງປະຕິບັດ​ພາລະ​ບົດບາດ ​ແລະ ໜ້າ​ທີ່​ຂອງ​ຕົນ, ​ໂດຍ​ສະ​ເພາະ​ແມ່ນ​ໄດ້​ເອົາ​ໃຈ​ໃສ່​ຄຸ້ມ​ຄອງ ​ແລະ ຊີ້​ນຳ​ການ​ເຄື່ອນ​ໄຫວ​ຂອງ​ນັກ​ຂ່າວ ​ເພື່ອ​ເຮັດ​ວຽກ​ງານ​ໂຄສະນາ​ເຜີຍ​ແຜ່​ຂໍ້ມູນ​ຂ່າວສານ​ຮັບ​ໃຊ້​ໜ້າ​ທີ່​ການ​ເມືອງ​ຂອງ​ຕົນ​ໄດ້​ເປັນ​ຢ່າງ​ດີ ​ແລະ ​ໄດ້​ຊ່ວຍ​​ໃຫ້​ວຽກ​ງານ​ສື່​ມວນ​ຊົນ​ຂອງ​ບັນດາ​ແຂວງ​ພາກ​ເໜືອ​ເຕີບ​ໃຫຍ່​ເຂັ້ມ​ແຂງ, ​ເຊິ່ງມາ​ຮອດ​ປັດຈຸບັນຈຳນວນ​ສື່​ສິ່ງ​ພິມ ​ແລະ ວາລະສານ​ຕ່າງໆ​ໄດ້​ເພີ່ມ​ຂຶ້ນ​ເປັນ 25 ສະບັບ, ມີ​ວິທະຍຸ​ກະຈາຍສຽງ 29 ​ແຫ່ງ ​ແລະ ​ໂທລະພາບ 17 ​ແຫ່ງ, ສາມາດ​ກະຈາຍ​ຄື້ນສຽງ ​ແລະ ພາບ​ກວມ​ເອົາ​ຫລາຍ​ກວ່າ 80% ຂອງ​ພາກພື້ນດິນ, ດ້ານ​ເນື້ອ​ໃນ​ຂ່າວ​ກໍ​ໄດ້​ປັບປຸງ​ດີ​ຂຶ້ນດ້ວຍ​ຫລາຍ​ຮູບ​ຫລາຍ​ສີ, ທັງ​ນີ້​ກໍ​ຍ້ອນ​ການ​ເອົາ​ໃຈ​ໃສ່​ຊີ້​ນຳ-ນຳພາ​ຂອງ​ສະມາຄົມ ​ແລະ ​ໄດ້​ເອົາ​ໃຈ​ໃສ່​ຊອກ​ແຫ​ລ່ງທຶນ​ເພື່ອ​ຈັດ​ອົບຮົມ​ຍົກ​ລະດັບ​ວິຊາ​ສະ​ເພາະ​ຂອງ​ພະນັກງານ​ນັກ​ຂ່າວ​ດີ​ຂຶ້ນ​ເປັນ​ລຳດັບ. ​ແຕ່​ຄຽງ​ຄູ່​ກັນນັ້ນ ກໍ​ມີ​ບາງ​ບັນຫາ​ທີ່​ສະມາຄົມ​ນັກ​ຂ່າວ​ສາຂາ​ພາກ​ເໜືອ​ຈະ​ຕ້ອງ​ໄດ້​ເອົາ​ໃຈ​ໃສ່​ປັບປຸງ​ຕົນ​ເອງ​ໃຫ້​ມີ​ຄຸນ​ນະພາ​ບສູງ​ຂຶ້ນ​ເຊັ່ນ: ການ​ເປັນ​ຂົວ​ຕໍ່ ​ແລະ ການ​ປະສານ​ງານ​ລະຫວ່າງ​ສະມາຄົມ ​ແລະ ​ແຂວງ​ຕ່າງໆ​ຍັງ​ບໍ່​ຕໍ່​ເນື່ອງ, ການ​ປະສານ​ສົມທົບ​ຮ່ວມ​ແກ້​ໄຂ​ບັນຫາ​ຕ່າງໆ​ຂອງ​ສະມາຄົມ​ຍັງ​ບໍ່​ທັນ​ການ​ກັບ​ສະພາບ ​ແລະ ຄວາມ​ຮຽກຮ້ອງ​ຕ້ອງການ​ຂອງ​ວຽກ​ງານ​ໃນ​ແຕ່ລະ​ໄລຍະ, ສະມາຄົມ​ບາງ​ແຂວງ​ບໍ່​ທັນ​ໄດ້​ເຄື່ອນ​ໄຫວ​ແຂງ​ແຮງ ​ແລະ ປົກກະຕິ​ຕາມ​ພາລະ​ບົດບາດ​ຂອງ​ຕົນ, ສ່ວນ​ຫລາຍ​ໄດ້​ພຽງ​ຮູບ​ການ, ການ​ລົງທຶນ​ພັດທະນາ​ພື້ນຖານ​ວັດຖຸ​ເຕັກນິກ​ຍັງ​ມີ​ໜ້ອຍ, ການ​ເຜີຍ​ແຜ່​ຂໍ້​ມູນ​ຂ່າວສານ​ຍັງ​ບໍ່​ສາມາດ​ຕອບ​ສະໜອງ​ໄດ້​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ສັງຄົມ ​ແລະ ອື່ນໆ.

- lattana 1 - ສະມາຄົມ​ນັກ​ຂ່າວ​ພາກ​ເໜືອ​ຈະ​ເລັ່ງພັດທະນາຕົນ​ເອງ​ໃຫ້​ມີ​ຄຸນ​ນະພາ​ບສູງ​ຂຶ້ນ

​ໃນ​ໂອກາດ​ອັນ​ສຳຄັນ​ນີ້, ທ່ານ​ປະທານ​ສະ​ມາ​ຄົມ​ນັກ​ຂ່າວ​ແຫ່ງ ສປປ ລາວ ​ໄດ້​ໃຫ້​ກຽດ​ໂອ້​ລົມ​ແນະນໍາ​ຫລາຍ​ບັນຫາ​ສຳຄັນຄື: ​ຕໍ່​ສິ່ງ​ທ້າ​ທາຍ​ຂອງ​ວຽກ​ງານ​ສື່​ມວນ​ຊົນ​ເຮົາ​ໃນ​ປັດຈຸບັນ​ມັນ​ຮຽກຮ້ອງ​ໃຫ້​ສື່​ພວກ​ເຮົາ​ເພີ່ມ​ທະວີ​ຄວາມ​ບຸກບືນ​ສູູ້ຊົນ​ສ້າງ​ຕົນ​ເອງ, ​ເຮັດ​​ແທ້​ທຳ​ຈິງ​ບົນ​ຈິດ​ໃຈ​ບຸກທະລຸ​ຢ່າງ​ແທ້​ຈິງ ​ເພື່ອ​ຮັບປະກັນ​ໜ້າ​ທີ່​ການ​ເມືອງ​ຂອງ​ຕົນ​ດ້ວຍ​ຄວາມ​ໜັກ​ແໜ້ນ, ສຸມ​ໃສ່​ນຳ​ເອົາ​ຂໍ້​ມູນ​ຂ່າວສານ, ​ແນວທາງ​ນະ​ໂຍບາຍ​ຂອງ​ພັກ-ລັດຖະບານ, ປຸກລະດົມ​ຂະ​ບວນການ​ຜະລິດ​ຂອງ​ປະຊາຊົນ, ປະກອບສ່ວນ​ເຂົ້າ​ໃນ​ການ​ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ​ເຮົາ​ໃຫ້​ນັບ​ມື້​ເຕີບ​ໃຫຍ່​ເຂັ້ມ​ແຂງ, ຍຶດໝັ້ນທັດສະນະ​ຂອງ​ພັກ, ຂອງ​ຄວາມ​ເປັນ​ຈິງ ​ແລະ ​ເປັນ​ເຄື່ອງມື​ອັນ​ແຫລມ​ຄົມ​ຂອງ​ພັກ, ​ເປັນ​ເວທີ​ແຫ່ງ​ການ​ເສີມ​ຂະຫຍາຍ​ປະຊາທິປະ​ໄຕ ​ແລະ ສິດ​ເປັນ​ເຈົ້າຂອງ​ປະ​ເທດ​ຊາດ​ຢ່າງ​ແທ້​ຈິງ ​ແລະ ​ເພື່ອ​ບັນລຸ​ເປົ້າໝາຍ​ດັ່ງກ່າວວຽກ​ງານ​ສື່​ມວນ​ຊົນ​ເຮົາ​ຕ້ອງ​ໄດ້​ເອົາ​ໃຈ​ໃສ່​ບຳລຸງ​ຍົກ​ລະດັບ​ກໍ່ສ້າງ​ຖັນ​ແຖວ​ພະນັກງານ​ສື່​ມວນ​ຊົນ​ໃຫ້​ມີ​ຄວາມ​ຮູ້​ຄວາມ​ສາມາດ​ສູງ​ຂຶ້ນ ​ເພື່ອ​ສາມາດ​ເຊື່ອມ​ໂຍງ​ເຂົ້າກັບ​ຂົງ​ເຂດ ​ແລະ ສາກົນ​ເທື່ອ​ລະ​ກ້າວ.

error: Content is protected !!