ໂມນາໂກ ປະກາດຄວ້າ ມິນາມິໂນະ ຈາກລີເວີພູລ ເຊັນສັນຍາ 4 ປີ ຄ່າຕົວ 15 ລ້ານຢູໂຣ
ໂມນາໂກ ສະໂມສະໂມສອນໃຫຍ່ແຫ່ງ ລີກ ເອິງ ປະກາດຄວ້າ ທາຄູມິ ມິນາມິໂນະ ກອງຫນ້າທີມຊາດຍີ່ປຸ່ນ ຂອງລີເວີພູລ ສະໂມສອນໃຫຍ່ແຫ່ງພຣີເມຍລີກ ອັງກິດມາຮ່ວມທີມຢ່າງເປັນທາງການເມື່ອວັນອັງຄານທີ່ຜ່ານມາ.
ສຳລັບການຍ້າຍທີມຂອງ ມິນາມິໂນະ ໄປສູ່ ໂມນາໂກ ມີຄ່າຕົວຢູ່ທີ່ 15 ລ້ານຢູໂຣ ບວກກັບໂບນັສຕາມເງື່ອນໄຂຕ່າງໆຕາມທີ່ຕົກ ລົງກັນອີກ 3 ລ້ານຢູໂຣ ໂດຍນັກເຕະອາຍຸ 27 ປີ ເຊັນສັນຍາຮ່ວມກັບ ໂມນາໂກ ເປັນເວລາ 4 ປີ ຫລື ຈົນເຖິງເດືອນມິຖຸນາປີ 2026.
ມິນາມິໂນະ ກ່າວວ່າ : ‘‘ ຂ້ອຍຮູ້ສຶກຍິນດີເປັນຢ່າງຍິ່ງທີ່ໄດ້ເຂົ້າຮ່ວມທີມ ໂມນາໂກ ເຊິ່ງເປັນຫນຶ່ງໃນສະໂມສອນທີ່ໄດ້ຮັບ ການຍອມຮັບຫລາຍທີ່ສຸດໃນລີກເອິງ ຂ້ອຍຕັ້ງຕາຄອຍຖ້າທີ່ຈະຄົ້ນພົບສະພາບແວດລ້ອມໃຫມ່ຂອງຂ້ອຍ ແລະ ເຮັດທຸກ ຢ່າງທີ່ເຮັດໄດ້ເພີ່ມຊ່ວຍທີມ ’’.
ສຳລັບ ມິນາມິໂນະ ຍ້າຍຈາກ ເຣດບູລ ຊັລບວກ ໃນລີກອອສເຕຣຍ ມາຢູ່ກັບ ລີເວີພູລ ເມື່ອປີ 2020 ຍິງໄປທັງຫມົດ 14 ປະຕູ ຈາກການລົງຫລິ້ນ 55 ນັດ ລວມທຸກລາຍການ ແຕ່ມີໂອກາດລົງສະຫນາມເປັນຕົວຈິງອ່າວຈຳກັດ ເຮັດໃຫ້ລາວຕັດສິນໃຈຍ້າຍ ທີມເພື່ອໂອກາດລົງຫລິ້ນທີ່ຫລາຍຂຶ້ນ.
