ຈີນຫລຸດເວລາກັກຕົວນັກທ່ອງທ່ຽວຕ່າງປະເທດເຫລືອ 7 ວັນ ເນັ້ນຍັງຢຶດແນວທາງ Zero-COVID ພຽງປັບປຸງນະໂຍບາຍໃໝ່

- 1200x 1 1 - ຈີນຫລຸດເວລາກັກຕົວນັກທ່ອງທ່ຽວຕ່າງປະເທດເຫລືອ 7 ວັນ ເນັ້ນຍັງຢຶດແນວທາງ Zero-COVID ພຽງປັບປຸງນະໂຍບາຍໃໝ່
- 16583075379783 - ຈີນຫລຸດເວລາກັກຕົວນັກທ່ອງທ່ຽວຕ່າງປະເທດເຫລືອ 7 ວັນ ເນັ້ນຍັງຢຶດແນວທາງ Zero-COVID ພຽງປັບປຸງນະໂຍບາຍໃໝ່

ວັນທີ 28 ມິຖຸນາ 2022, ທາງການຈີນປະກາດຫລຸດໄລຍະເວລາກັກຕົວສຳລັບນັກເດີນທາງຈາກຕ່າງປະເທດເຫລືອ 7 ວັນ ເຊິ່ງຖືເປັນການປ່ຽນແປງມາດຕະການຄວບຄຸມພະຍາດລະບາດຄັ້ງໃຫຍ່ຂອງຈີນ ຈາກລັດຖະບານເຄີຍຢຶດໝັ້ນໃຊ້ນະໂຍບາຍສະກັດໂຄວິດຢ່າງເຂັ້ມງວດມາໂດຍຕະຫລອດ.

ຄະນະກຳມະການສຸຂະພາບແຫ່ງຊາດຈີນເປີດເຜີຍວ່າ: ນັກເດີນທາງຈະຕ້ອງກັກຕົວໃນສະຖານທີ່ທີ່ລັດຖະບານກາງຈັດຫາໄວ້ໃຫ້ເປັນເວລາ 7 ວັນ ຈາກ 14 ວັນ ແລະ ຫລັງຈາກນັ້ນຈະຕ້ອງກັກຕົວເອງຕໍ່ຢູ່ເຮືອນອີກ 3 ວັນ ເພື່ອເບິ່ງອາການ ກ່ອນຈະສາມາດເດີນທາງໄປແຫລ່ງຊຸມຊົນໄດ້ ໂດຍເຈົ້າໜ້າທີ່ສາທາລະນະສຸກໃຫ້ເຫດຜົນວ່າ: ການທີ່ເຊື້ອໄວຣັສສາຍພັນໂອມິຄຣອນມີໄລຍະເວລາຟັກຕົວສັ້ນກວ່າສາຍພັນອື່ນ ຈຶ່ງເຮັດໃຫ້ສາມາດຫລຸດໄລຍະເວລາກັກຕົວໄດ້.

ເຖິງຢ່າງໃດກໍຕາມ, ທາງການຈີນລະບຸວ່າ: ການເຄື່ອນໄຫວທີ່ເກີດຂຶ້ນເປັນການປ່ຽນແປງມາດຕະການປ້ອງກັນ ແລະ ຄວບຄຸມພະຍາດໃຫ້ສອດຄ່ອງກັບຂໍ້ມູນທາງວິທະຍາສາດຂອງເຊື້ອໂອມິຄຣອນເທົ່ານັ້ນ ບໍ່ແມ່ນການຫລຸດຜ່ອນມາດຕະການສະກັດໂຄວິດ ໂດຍຈີນຍັງຢຶດໝັ້ນແນວທາງ Zero-COVID ຂອງປະທານປະເທດ ສີຈິ້ນຜິງ ທີ່ເນັ້ນກົດຍອດຜູ້ຕິດເຊື້ອໃຫ້ເປັນສູນ ສວນທາງປະເທດອື່ນໆທົ່ວໂລກທີ່ຫັນມາໃຊ້ນະໂຍບາຍຢູ່ຮ່ວມກັບເຊື້ອໄວຣັສ ເນື່ອງຈາກບໍ່ຕ້ອງການໃຫ້ຂະແໜງເສດຖະກິດໄດ້ຮັບຜົນກະທົບໜັກໄປຫລາຍກວ່ານີ້.

ນອກຈາກນີ້, ສຳນັກຂ່າວ Reuters ຍັງລາຍງານອີກວ່າ: ໜ່ວຍງານເບິ່ງແຍງຂະແໜງການບິນຂອງຈີນໄດ້ປະສານງານກັບປະເທດອື່ນໆ ເພື່ອເພີ່ມຖ້ຽວບິນໃນຕ່າງປະເທດໄລຍະເຄິ່ງປີຫລັງແລ້ວ ຫລັງຍອດຖ້ຽວບິນຕ່າງປະເທດໃນປັດຈຸບັນມີອັດຕາພຽງ 2% ຂອງໄລຍະກ່ອນເກີດພະຍາດລະບາດ.

ໃນອາທິດຜ່ານມາ, ຍອດຜູ້ຕິດເຊື້ອໂຄວິດໃນຈີນຫລຸດລົງຢູ່ຫລັກໜ່ວຍ ສົ່ງຜົນໃຫ້ນະຄອນຊຽງໄຮ້ເລີ່ມກັບມາອະນຸຍາດໃຫ້ປະຊາຊົນຮັບປະທານອາຫານຢູ່ຮ້ານໄດ້ອີກ, ສ່ວນນະຄອນຫລວງປັກກິ່ງໄດ້ທະຍອຍເປີດສະຖານທີ່ທ່ອງທ່ຽວບາງແຫ່ງແລ້ວ ລວມທັງສວນເດັກຫລິ້ນຍອດນິຍົມຄື Universal Beijing Resort. ຂະນະທີ່ Shanghai Disney Resort ກຽມເປີດໃຫ້ບໍລິການໃນວັນທີ 30 ມິຖຸນານີ້ ຫລັງຈາກປິດມາກວ່າ 3 ເດືອນ.

ອ້າງອີງ:

- lattana banner - ຈີນຫລຸດເວລາກັກຕົວນັກທ່ອງທ່ຽວຕ່າງປະເທດເຫລືອ 7 ວັນ ເນັ້ນຍັງຢຶດແນວທາງ Zero-COVID ພຽງປັບປຸງນະໂຍບາຍໃໝ່
-    AD conten website - ຈີນຫລຸດເວລາກັກຕົວນັກທ່ອງທ່ຽວຕ່າງປະເທດເຫລືອ 7 ວັນ ເນັ້ນຍັງຢຶດແນວທາງ Zero-COVID ພຽງປັບປຸງນະໂຍບາຍໃໝ່
- lattana banner 1 - ຈີນຫລຸດເວລາກັກຕົວນັກທ່ອງທ່ຽວຕ່າງປະເທດເຫລືອ 7 ວັນ ເນັ້ນຍັງຢຶດແນວທາງ Zero-COVID ພຽງປັບປຸງນະໂຍບາຍໃໝ່
error: Alert: ເນື້ອຫາຂ່າວມີລິຂະສິດ !!