ທ່ານ ຮຸນເຊນ ປະກາດເອົາຜິດຄົນວິຈານ ບັນຫາຊາຍແດນ ກຳປູເຈຍ-ລາວ

- advert banner 728 90 728x90 - ທ່ານ ຮຸນເຊນ ປະກາດເອົາຜິດຄົນວິຈານ ບັນຫາຊາຍແດນ ກຳປູເຈຍ-ລາວ

- image - ທ່ານ ຮຸນເຊນ ປະກາດເອົາຜິດຄົນວິຈານ ບັນຫາຊາຍແດນ ກຳປູເຈຍ-ລາວ

- new3 - ທ່ານ ຮຸນເຊນ ປະກາດເອົາຜິດຄົນວິຈານ ບັນຫາຊາຍແດນ ກຳປູເຈຍ-ລາວ

ນາຍົກລັດຖະມົນຕີກຳປູ​ເຈຍ ປະກາດ​ເອົາ​ຜິດ​ທຸກ​ຄົນ​ທີ່​ກ່າວ​ຫາ​ວ່າ​ທ່ານ​ໃຊ້​ກໍລະນີ​ຂັດ​ແຍ່ງ​ເລື່ອງ​ຊາຍ​ແດນ​ກັບ​ລາວ​ເປັນ​ເຄື່ອງມື​ຫາ​ສຽງ​ກ່ອນ​ການ​ເລືອກ​ຕັ້ງ, ຂະນະ​ທີ່​ໄອ​ຍະ​ການ​ດຳ​ເນີນ​ຄະດີ​ກັບ​ໜຶ່ງ​ໃນ​ນັກ​ການ​ເມືອງ​ຝ່າຍ​ຕໍ່ຕ້ານ​ລັດຖະບານ ​ເຊິ່ງວິ​ຈານ​ຄວາມ​ຂັດ​ແຍ່ງ​ໃນ​ເລື່ອງ​ນີ້.

 

+ ສອງນາຍົກລັດຖະມົນຕີລາວ ແລະ ກຳປູເຈຍ ເຫັນດີແກ້ໄຂບັນຫາຊາຍແດນຮ່ວມກັນດ້ວຍສັນຕິ

 

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ພະນົມ​ເປັນ ປະ​ເທດ​ກຳປູ​ເຈຍ ​ໃນ​ວັນ​ທີ 15 ສິງຫາ​ນີ້​ວ່າ: ສານ​ນະຄອນຫລວງ​ພະນົມ​ເປັນ​ມີ​ຄຳ​ວິນິດ​ໄສ ​ໃນ​ວັນ​ທີ 14 ສິງຫາ​ວ່າ: ທ່ານ ​ເສືອ​ນ ​ເສລີ ຣັດຖາ ຫົວໜ້າ​ພັກ​ປະຊາຊົນ​ຂະ​ເໝນ ​ເຊິ່ງ​ເປັນ​ພັກ​ການ​ເມືອງ​ຂະໜາດ​ນ້ອຍ​ທີ່​ຮ່ວມ​ເປັນ​ພັນທະ​ມິດ​ຝ່າຍ​ຄ້ານ ​ໄດ້​ສະ​ແດງ​ຄວາມ​ຄິດ​ເຫັນ​ທີ່​ສົ່ງ​ຜົນ​ກະທົບ​ຕໍ່​ຄວາມ​ໝັ້ນຄົງ​ຂອງ​ປະ​ເທດ ​ແລະ ອາດ​ເປັນ​ອັນຕະລາຍ​ຕໍ່​ການ​ປ້ອງ​ກັນ​ປະ​ເທດ, ພາຍຫລັງ​ທ່ານ ​ເສືອ​ນ ​ເສລີ ຣັດຖາ ​ໄດ້​ສະ​ແດງ​ຂໍ້ຄວາມ​​ຢູ່​​ເຟສບຸກ​ໃນ​ວັນ​ທີ 12 ສິງຫາ​ ຮຽກ​ນາຍ​ທະຫານ​ລະດັບ​ຜູ້​ບັນຊາ​ການ​ຂອງ​ກອງທັບ​ກຳປູ​ເຈຍ​ວ່າ​ເປັນ​ໂຈນ​ທີ່​ນັ່ງ​ອອກ​ຄຳ​ສັ່ງ​ຢູ່​ຫ້ອງ​ແອ, ຂະນະ​ທີ່​ທະຫານ​ຊັ້ນຜູ້​ນ້ອຍ​ຕ້ອງ​ເສຍ​ຊີວິດ ຖ້າ​ເກີດ​ການ​ປະ​ທະ​ກັບ​ກອງທັບ​ລາວ​ຈາກ​ຄວາມ​ຂັດ​ແຍ່ງ​ເລື່ອງ​ຊາຍ​ແດນ.

- lattana 1 - ທ່ານ ຮຸນເຊນ ປະກາດເອົາຜິດຄົນວິຈານ ບັນຫາຊາຍແດນ ກຳປູເຈຍ-ລາວ

ທັງ​ນີ້, ​ໄອ​ຍະ​ການ​ໄດ້​ດຳ​ເນີນ​ຄະດີ​ກັບ​ທ່ານ ​ເສືອ​ນ ​ເສລີ ຣັດຖາ ​ໃນ​ຂໍ້​ຫາ​ປຸກລະດົມ ​ແລະ ຍົ່ວຍຸ​ປຸກ​ປັ້ນ​ໃຫ້​ທະຫານ​ຂັດ​ຂືນຕໍ່​ຄຳ​ສັ່ງ​ຂອງ​ຜູ້​ບັງຄັບ​ບັນຊາ ​ແລະ ທຳລາຍ​ຂວັນ​ກຳລັງ​ໃຈ​ຂອງ​ເຈົ້າໜ້າ​ທີ່ ​ໂດຍ​ການສະ​ແດງ​ຂໍ້ຄວາມ​ດັ່ງກ່າວ​ຢູ່​ເຟສບຸກ ​ເຊິ່ງ​ເກີດ​ຂຶ້ນ​ໃນ​ເວລາ​ດຽວ​ກັບ​ທ່ານ ສົມ​ເດັດ​ຮຸນ ​ເຊ​ນ ນາຍົກລັດຖະມົນຕີກຳປູ​ເຈຍ ບັນລຸ​ຂໍ້​ຕົກລົງ​ຮ່ວມ​ກັບ​ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ​ແຫ່ງ ສປປ ລາວ ​ໃນ​ກໍລະນີ​ທີ່​ທະຫານ​ລາວ​ປະມານ 30 ຄົນ​ຖອນ​ກຳລັງ​ອອກ​ຈາກ​ຊາຍ​ແດນ​ຢູ່​ແຂວງ​ສະ​ຕຶງ​ແຕຣງ ທາງ​ຕອນ​ເໜືອ​ຂອງ​ກຳປູ​ເຈຍ ​ເຊິ່ງ​ເປັນ​ພື້ນທີ່​ຂັດ​ແຍ່ງ.

- u1m6ub8s - ທ່ານ ຮຸນເຊນ ປະກາດເອົາຜິດຄົນວິຈານ ບັນຫາຊາຍແດນ ກຳປູເຈຍ-ລາວ

ສ່ວນ​ສົມ​ເດັດ ຮຸນ​ເຊ​ນ ກ່າວ​ເຖິງ​ກໍລະນີ​ຂອງ​ທ່ານ ​ເສືອ​ນ ​ເສລີ ຣັດຖາ ວ່າ​ເປັນ​ເລື່ອງ​ທີ່​ຮັບ​ບໍ່​ໄດ້ ​ແລະ ຕ້ອງ​ຮັບ​ໂທດ​ຕາມ​ກົດໝາຍ ​ເພື່ອປ້ອງ​ກັນ​ບໍ່​ໃຫ້​ກອງທັບ​ສ້າງ​ບັນຫາ​ໃຫ້​ກັບ​ທ່ານ, ພ້ອມ​ທັງ​ເຕືອນ​ອີກ​ວ່າ: ບຸກຄົນ​ໃດ​ກໍ​ຕາມ​ທີ່​ກ່າວ​ຫາ​ວ່າ​ທ່ານ​ໃຊ້​ກໍລະນີ​ຂັດ​ແຍ່ງ​ເລື່ອງ​ຊາຍ​ແດນ​ກັບ​ລາວ​ເພີ່ມ​ຄວາມ​ນິຍົມ​ໃຫ້​ຕົນ​ເອງ ກ່ອນ​ການ​ເລືອກ​ຕັ້ງທົ່ວ​ໄປ​ໃນ​ເດືອນ​ກໍລະກົດ​ປີໜ້າ ຈະ​ຖືກ​ຈັບ​ກຸມ ​ແລະ ດຳ​ເນີນ​ຄະດີ.

error: Content is protected !!