ແມນຢູ-ອາເຊນອລ ເປີດເສິກຍາດກອງຫລັງ ອາແຈັກ

- 1372521052 2 scaled - ແມນຢູ-ອາເຊນອລ ເປີດເສິກຍາດກອງຫລັງ ອາແຈັກ
- 16583075379783 - ແມນຢູ-ອາເຊນອລ ເປີດເສິກຍາດກອງຫລັງ ອາແຈັກ

- 1372521052 2 scaled - ແມນຢູ-ອາເຊນອລ ເປີດເສິກຍາດກອງຫລັງ ອາແຈັກ

ແມນເຊສເຕີ ຢູໄນເຕັດ ຕັດໃຈພັກການຄວ້າ ແຟຣັງກີ ເດີ ຢອງ ກອງກາງສະໂມສອນ ບາເຊໂລນາ ເອົາໄວ້ຊົ່ວຄາວ ໂດຍຫັນໄປເປີດເສິກກັບ ອາເຊນອລ ທີມຮ່ວມພຣີເມຍລີກ ສະເໜີຄ່າຕົວດຶງກອງຫລັງ ອາແຈັກ ມາເສີມທີມ.

ແມນເຊສເຕີ ຢູໄນເຕັດ ພົບທາງຕັນໃນການພະຍາຍາມເຊັນສັນຍາກັບ ແຟຣັງກີ ເດິ ຢອງ ເປົ້າຫມາຍອັນດັບຫນຶ່ງຂອງ ເອຣິກ ເທນ ຮາກ ູຜູ້ຈັດການທີມຊາດເນເທີແລນ ເມື່ອລາຍງານຂ່າວຫລ້າສຸດຈາກສະເປນແຈ້ງວ່າກອງກາງທີມຊາດເນເທີແລນ ບໍ່ຄິດຍ້າຍອອກຈາກບາເຊໂລນາ ຈຶ່ງເຮັດໃຫ້ສະຖານະການມີທ່າອ່ຽງຍຶດເຍື້ອຕໍ່ໄປ.

ຈາກບັນຫາດັ່ງກ່າວຂອງແມນຢູ ສົ່ງຜົນໃຫ້ ເທນ ຮາກ ຫນີບໍ່ພົ້ນຕ້ອງພັກການດຶງຕົວອະດີດລູກທີມເອົາໄວ້ກ່ອນ ພ້ອມທັງຫັນໄປຫານັກເຕະເກ່ົາອີກຄົນໃນທີມ ອາແຈັກ ເຊັ່ນດຽວກັນ ຈາກການລາຍງານຂອງ Talksport.

ສື່ດັ່ງກ່າວເປີດເຜີຍວ່າ ແມນເຊສເຕີ ຢູໄນເຕັດ ພ້ອມເປີດເສິກກັບ ອາເຊນອລ ແບບໃຜດີໃຜໄດ້ດ້ວຍການຍາດລ່າຕົວ ລີຊານໂດຣ ມາຕີເນສ ກອງຫລັງສາລະພັດປະໂຫຍດຊາວອາເຈນຕີນາມາຮ່ວມທີມ ຫລັງຖືກອາເຊນອລ ເກທັບດ້ວຍການສະເຫນີຄ່າຕົວ 35 ລ້ານປອນ ໃຫ້ທີມແຊ໊ມລີກຂອງເນເທີແລນພິຈາລະນາ.

ຕໍ່ກໍລະນີດັ່ງກ່າວ ມີການກ່າວອ້າງວ່າ ແມນຢູ ຍິນດີພ້ອມຈ່າຍຫລາຍກວ່າອາເຊນອລ ຈຳນວນ 40 ລ້ານປອນ ເພື່ອເຊັນສັນຍາ ດາວເຕະອາເຈນຕີນາ ເຊິ່ງສາມາດຫລິ້ນເປັນກອງຫລັງໄດ້ ນອກເຫນືອຈາກກອງຫລັງຕົວກາງຕຳແຫນ່ງຖະຫນັດ ແຕ່ເຊື່ອ ວ່າຫນ້າຈະຖືກອາແຈັກ ບອກປະຕິເສດເນື່ອງຈາກພວກເຂົາມີສະຖານະພາບທາງການເງິນທີ່ດີ ແລະ ບໍ່ຈຳເປັນຕ້ອງຂາຍນັກເຕະ.

ແນວໃດກໍດີ ຄາດວ່າ ອາແຈັກ ຕັ້ງຄ່າຕົວນັກເຕະເອົາໄວ້ທີ່ 43 ລ້ານປອນ ຫາກຕັດສິນໃຈປ່ອຍລາວອອກຈາກທີມແທ້.

- lattana banner - ແມນຢູ-ອາເຊນອລ ເປີດເສິກຍາດກອງຫລັງ ອາແຈັກ
- lattana banner 1 - ແມນຢູ-ອາເຊນອລ ເປີດເສິກຍາດກອງຫລັງ ອາແຈັກ
-    AD conten website - ແມນຢູ-ອາເຊນອລ ເປີດເສິກຍາດກອງຫລັງ ອາແຈັກ
error: Alert: ເນື້ອຫາຂ່າວມີລິຂະສິດ !!