ເຊລຊີ ຂໍຮ່ວມວົງ ແມນຢູ ລ່າລາຍເຊັນ ເດິ ຢອງ

ແມນເຊສເຕີ ຢູໄນເຕັດ ທີມດັງແຫ່ງພຣີເມຍລີກ ອັງກິດ ພາຍໃຕ້ການນຳທີມຂອງ ເອຣິກ ເທນ ຮາກ ຜູ້ຈັດການ ທີມຄົນໃຫມ່ຊາວເນເທີແລນ ມີກະແສວ່າ ເຊລຊີ ທີມຄູ່ແຂ່ງຮ່ວມລີກ ຕ້ອງການຕົວ ແຟຣັງກີ ເດິ ຢອງ ກອງກາງຈາກທີມ ບາເຊໂລນາ ທີມໃຫຍ່ແຫ່ງ ລາ  ລີກາ ສະເປນ ໄປຮ່ວມທີມ.

ເປັນທີ່ເຂົ້າໃຈກັນວ່າ ແຟຣັງກີ ເດິ ຢອງ ຄືເປົ້າຫມາຍເສີມທີມເບີຫນຶ່ງຂອງ ແມນເຊສເຕີ ຢູໄນເຕັດ ພາຍໃຕ້ການນຳທີມຂອງ ເອຣິກ ເທນ ຮາກ ຜູ້ຈັດການທີມຄົນໃຫມ່ຊາວເນເທີແລນ ທີ່ຢາກໄດ້ນັກເຕະຄົນບ້ານດຽວກັນຄົນນີ້ເຂົ້າມາເປັນມັນສະ ຫນອງໃນການຂັບເຄື່ອນແຜງເກມບຸກຂອງທີມໃຫ້ມື່ນໄຫລ ແລະ ຕອນນີ້ການຊີ້ຂາຍກໍຈະໃກ້ບັນລຸຂໍ້ຕົກລົງທຸກຂະນະ ຫລັງຕົກລົງເລື່ອງຄ່າເມື່ອຍໄດ້ແລ້ວ.

ແນວໃດກໍຕາມມີລາຍງານວ່າ ຍອດທີມແຫ່ງ ສະແຕມຟອດ ບຣິດ ພວມຈັບຕາສະຖານະການຂອງ ແຟຣັງກີ ເດີ ຢອງ ກັບ ແມນເຊສເຕີ ຢູໄນເຕັດ ຢ່າງໃກ້ຊິດ ແລະ ພ້ອມທີ່ຈະເຂົ້າມາເຈລະຈາທັນທີຫາກວ່າການເຈລະຈາຖືກລົ້ມເລີກ.