ເຫດຜົນໃນການລາອອກຂອງທ່ານແມ່ນຫຍັງ? ຈະຕອບຄົນສຳພາດວຽກໃໝ່ແນວໃດດີ ?

ຍ້ອນຫຍັງທ່ານຈຶ່ງລາອອກຈາກບ່ອນເຮັດວຽກເກົ່າ ? ໜຶ່ງໃນຄຳຖາມສຳພາດວຽກທີ່ເຮົາມີໂອກາດໄດ້ພໍ້ເມື່ອກຳລັງຈະຫາທາງຍ້າຍວຽກ ປ່ຽນອາຊີບ ໄປຫາບ່ອນໃໝ່ໆໃນຊີວິດ. ແລ້ວເຮົາຈະຕອບແນວໃດໃຫ້ໄດ້ໃຈຜູ້ສຳພາດ ແລະ ສາມາດສະແດງສັກກະຍະພາບຂອງໂຕເອງໃຫ້ເຂົາເຫັນໄດ້ ມື້ນີ້ພວກເຮົາມີບາງຄຳແນະນຳມາໃຫ້ບັນດາທ່ານລອງເອົາໄປປັບໃຊ້ກັນ.

ເປັນຫຍັງຈຶ່ງຢາກປ່ຽນວຽກ ? ຜູ້ສຳພາດເຂົາຖາມເຮົາເພື່ອຫຍັງ ? ແນ່ນອນວ່າໃນທຸກໆຄຳຖາມ ຜູ້ສຳພາດເຂົາຢາກຈະຄັດເລືອກຄົນທີ່ເໝາະສົມກັບຕຳແໜ່ງວຽກ ແລະ ອົງກອນຂອງພວກເຂົາໃຫ້ໄດ້ຫລາຍທີ່ສຸດ. ໃນກໍລະນີນີ້ເຂົາກຳລັງພະຍາຍາມຊອກວ່າເຮົາແມ່ນຄົນທີ່ເໝາະສົມ ແລະ ພ້ອມຈະເຕີບໃຫຍ່ໄປກັບບໍລິສັດຂອງເຂົາຫລືບໍ່ ລວມທັງຊອກຫາສັນຍານທີ່ບົ່ງບອກວ່າເຮົາແມ່ນຄົນທີ່ມີຄວາມຕັ້ງໃຈ ແລະ ພ້ອມຈະເຕີບໃຫຍ່ໃນໜ້າທີ່ວຽກງານ ສາມາດເຂົ້າກັບເພື່ອນຮ່ວມງານ, ວັດທະນະທຳອົງກອນ ແລະ ລູກຄ້າຂອງເຂົາໄດ້ຫລືບໍ່.