2 ລັດຖະມົນຕີອັງກິດລາອອກ ເຜີຍສູນເສຍຄວາມເຊື່ອໝັ້ນຕໍ່ຜູ້ນຳ ຫລັງມີຂ່າວທາງລົບອອກມາຢ່າງຕໍ່ເນື່ອງ

- 3 NATO Leaders Summit Takes Place In The UK Day Two - 2 ລັດຖະມົນຕີອັງກິດລາອອກ ເຜີຍສູນເສຍຄວາມເຊື່ອໝັ້ນຕໍ່ຜູ້ນຳ ຫລັງມີຂ່າວທາງລົບອອກມາຢ່າງຕໍ່ເນື່ອງ
- 16583075379783 - 2 ລັດຖະມົນຕີອັງກິດລາອອກ ເຜີຍສູນເສຍຄວາມເຊື່ອໝັ້ນຕໍ່ຜູ້ນຳ ຫລັງມີຂ່າວທາງລົບອອກມາຢ່າງຕໍ່ເນື່ອງ

ລັດຖະບານອັງກິດອາດວຸ້ນວາຍ ຫລັງລັດຖະມົນຕີສອງກະຊວງໃຫຍ່ຍື່ນຈົດໝາຍລາອອກ ເຫດຜະເຊີນຂ່າວທາງລົບຢ່າງຕໍ່ເນື່ອງ.

ທ່ານ ຣິຊີ ສຸນັກ ລັດຖະມົນຕີກະຊວງການເງິນ ແລະ ທ່ານ ຊາຈິດ ຈາວິດ ລັດຖະມົນຕີກະຊວງສາທາລະນະສຸກ ໄດ້ຍື່ນຈົດໝາຍລາອອກຕໍ່ນາຍົກລັດຖະມົນຕີ ບໍຣິສ ຈອນສັນ ຂອງອັງກິດແລ້ວໃນຄືນວັນທີ 5 ກໍລະກົດ 2022 ຫລັງຈາກນາຍົກລັດຖະມົນຕີ ອອກມາກ່າວຂໍໂທດຕໍ່ສາທາລະນະເຖິງການແຕ່ງຕັ້ງຮອງຫົວໜ້າວິບລັດຖະບານທີ່ມີພຶດຕິກຳບໍ່ເໝາະສົມ.

ຜ່ານມາ, ລັດຖະບານຂອງນາຍົກລັດຖະມົນຕີ ຈອນສັນ ຕ້ອງຜະເຊີນຂ່າວທາງລົບຢ່າງຕໍ່ເນື່ອງ ນັບແຕ່ກໍລະນີທີ່ມີການຈັດງານສະຫລອງໃນຊ່ວງລັອກດາວໂຄວິດ-19, ການຮັບມືວິກິດອາຫານ ແລະ ພະລັງງານທີ່ບໍ່ດີພໍຈົນເຮັດໃຫ້ຄ່າຄອງຊີບເພີ່ມສູງຂຶ້ນ ແລະ ຫລ້າສຸດຍັງມີບັນຫາເລື່ອງການແຕ່ງຕັ້ງບຸກຄະລາກອນທີ່ເຄີຍມີປະຫວັດເສຍເຂົ້າມາເພີ່ມ.

ໃນຈົດໝາຍລາອອກຂອງທ່ານ ສຸນັກ ລະບຸວ່າ: ການອອກຈາກຕຳແໜ່ງລັດຖະມົນຕີຖືເປັນເລື່ອງເສົ້າ ບໍ່ວ່າໃນເວລາໃດກໍຕາມ ຍິ່ງໃນຊ່ວງທີ່ໂລກກຳລັງຜະເຊີນຜົນກະທົບທາງເສດຖະກິດຈາກພະຍາດລະບາດ, ສົງຄາມໃນອູແກຣນ ແລະ ຄວາມທ້າທາຍອື່ນໆ ເປັນສິ່ງທີ່ທ່ານຕັດສິນໃຈບໍ່ງ່າຍເລີຍ.

ອະດີດລັດຖະມົນຕີການເງິນຍັງເປີດເຜີຍວ່າ: ມີຫລາຍເທື່ອທີ່ທ່ານ ແລະ ນາຍົກລັດຖະມົນຕີ ເຫັນບໍ່ກົງກັນ, ແຕ່ກໍພະຍາຍາມອອກມາສະໜັບສະໜູນໃນທີ່ສາທາລະນະ ເພາະມັນເປັນເລື່ອງສຳຄັນທີ່ນາຍົກລັດຖະມົນຕີ ແລະ ລັດຖະມົນຕີຈະສະແດງອອກເຖິງຄວາມສາມັກຄີໃນໄລຍະເວລາທີ່ຍາກລຳບາກ.

ເຖິງຢ່າງໃດກໍຕາມ, ສາທາລະນະຕ່າງຄາດຫວັງໃຫ້ລັດຖະບານປະພຶດຢ່າງເໝາະສົມ, ມີຄວາມສາມາດ ແລະ ຈິງຈັງ, ທ່ານຮູ້ດີວ່ານີ້ອາດເປັນການດຳລົງຕຳແໜ່ງລັດຖະມົນຕີຄັ້ງສຸດທ້າຍ, ແຕ່ຍັງເຊື່ອວ່າມາດຕະຖານເຫລົ່ານີ້ເປັນສິ່ງທີ່ຄວນຄ່າແກ່ການຕໍ່ສູ້ ແລະ ນັ້ນຄືສາເຫດຂອງການທີ່ທ່ານຂໍລາອອກ.

ໃນເດືອນມິຖຸນາຜ່ານມາ, ພັກ Conservative ເຊິ່ງເປັນພັກລັດຖະບານຫາກໍຈະຈັດໃຫ້ມີການລົງມະຕິບໍ່ໄວ້ວາງໃຈເປັນການພາຍໃນ ໂດຍໃຫ້ສະມາຊິກຜູ້ແທນລາຊະດອນຂອງພັກຈຳນວນ 359 ຄົນອອກສຽງວ່າ: ຍັງໄວ້ວາງໃຈໃຫ້ນາຍົກລັດຖະມົນຕີ ຈອນສັນ ບໍລິຫານປະເທດຕໍ່ໄປ ຫລື ບໍ່.

ຜົນປາກົດວ່າ: ນາຍົກລັດຖະມົນຕີ ຈອນສັນ ຍັງໄດ້ຮັບຄວາມໄວ້ວາງໃຈຈາກສະມາຊິກໃນພັກຕໍ່ໄປ ດ້ວຍຄະແນນ 211 ຕໍ່ 148 ສຽງ, ແຕ່ເປັນຜົນທີ່ສະແດງໃຫ້ເຫັນວ່າ: ມີ ສສ ໃນພັກຫລາຍກວ່າ 4 ໃນ 10 ທີ່ຮູ້ສຶກບໍ່ໄວ້ວາງໃຈຕໍ່ຜູ້ນຳ.

ຂະນະທີ່ທ່ານ ຈາວິດ ອະດີດລັດຖະມົນຕີສາທາລະນະສຸກ ເປີດເຜີຍໃນຈົດໝາຍລາອອກວ່າ: ຜົນການລົງມະຕິບໍ່ໄວ້ວາງໃຈໃນເດືອນກ່ອນສະແດງໃຫ້ເຫັນວ່າມີເພື່ອນຮ່ວມງານຈຳນວນໜຶ່ງເຫັນພ້ອມກັບປະຊາຊົນທີ່ອອກມາວິຈານການເຮັດວຽກຂອງລັດຖະບານ ມີຄວາມຊັດເຈນວ່າ: ສະຖານະການຈະບໍ່ປ່ຽນໄປພາຍໃຕ້ການນຳຂອງນາຍົກລັດຖະມົນຕີ ຈອນສັນ ແລະ ທ່ານກໍສູນເສຍຄວາມເຊື່ອໝັ້ນຕໍ່ນາຍົກລັດຖະມົນຕີເຊັ່ນກັນ.

ອ້າງອີງ:

https://www.bbc.com/news/uk-politics-62058236

https://www.reuters.com/…/uk-pms-office-not-telling…/

- lattana banner 1 - 2 ລັດຖະມົນຕີອັງກິດລາອອກ ເຜີຍສູນເສຍຄວາມເຊື່ອໝັ້ນຕໍ່ຜູ້ນຳ ຫລັງມີຂ່າວທາງລົບອອກມາຢ່າງຕໍ່ເນື່ອງ
-    AD conten website - 2 ລັດຖະມົນຕີອັງກິດລາອອກ ເຜີຍສູນເສຍຄວາມເຊື່ອໝັ້ນຕໍ່ຜູ້ນຳ ຫລັງມີຂ່າວທາງລົບອອກມາຢ່າງຕໍ່ເນື່ອງ
- lattana banner - 2 ລັດຖະມົນຕີອັງກິດລາອອກ ເຜີຍສູນເສຍຄວາມເຊື່ອໝັ້ນຕໍ່ຜູ້ນຳ ຫລັງມີຂ່າວທາງລົບອອກມາຢ່າງຕໍ່ເນື່ອງ
error: Alert: ເນື້ອຫາຂ່າວມີລິຂະສິດ !!