ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ

ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ - 62be927971d49 - ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ
ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ - 16583075379783 - ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ

ອິນເດຍປະກາດຫ້າມນຳໃຊ້ປລາສຕິກຊະນິດໃຊ້ແລ້ວຖິ້ມ 19 ປະເພດ ໂດຍຫວັງຫລຸດບັນຫາມົນລະພິດພາຍໃນປະເທດ ເຊິ່ງມີປະຊາກອນເກືອບ 1,4 ພັນລ້ານຄົນ.

ຖະແຫລງການຈາກລັດຖະບານທີ່ອອກມາໃນວັນທີ 1 ກໍລະກົດ ລະບຸວ່າ: ຄຳສັ່ງຫ້າມນຳໃຊ້ຈະຄວບຄຸມເຖິງຜະລິດຕະພັນຫລາຍຊະນິດເຊັ່ນ: ທໍ່ດູດ, ບ່ວງສ້ອມ, ຟີມຫຸ້ມບັນຈຸພັນ, ແທ່ງປລາສຕິກສຳລັບເປັນກ້ານຈັບປຸ່ມເປົ້າ, ຫໍ່ເຂົ້າໜົມ ແລະ ກະແລ້ມ ແລະ ຊອງຢາສູບ ສົ່ງຜົນໃຫ້ການຜະລິດ, ນຳເຂົ້າ, ສະຕ໊ອກ ແລະ ຈັດຈຳໜ່າຍຜະລິດຕະພັນເບື້ອງຕົ້ນຈະຖືວ່າຜິດກົດໝາຍຂອງອິນເດຍ.

ຂີ້ເຫຍື້ອປລາສຕິກໄດ້ກາຍເປັນແຫລ່ງມົນລະພິດທີ່ຮຸນແຮງໃນອິນເດຍ ເຊິ່ງເປັນປະເທດທີ່ມີປະຊາກອນຫລາຍເປັນອັນດັບສອງຂອງໂລກ ໂດຍການເຕີບໃຫຍ່ທາງເສດຖະກິດໄດ້ກະຕຸ້ນຄວາມຕ້ອງການສິນຄ້າຕ່າງໆ ເຊິ່ງມາພ້ອມກັບປລາສຕິກແບບໃຊ້ເທື່ອດຽວຖິ້ມ ຈົນອິນເດຍມີຍອດການນຳໃຊ້ປລາສຕິກສູງເຖິງ 14 ລ້ານໂຕນຕໍ່ປີ, ແຕ່ເຖິງແນວນັ້ນ ອິນເດຍພັດຂາດລະບົບແກ້ໄຂຂີ້ເຫຍື້ອປລາສຕິກທີ່ດີ ຈົນປລາສຕິກເຫລົ່ານັ້ນຖືກຖິ້ມຊະຊາຍອຸດຕັນຢູ່ຕາມທໍ່ລະບາຍນ້ຳໃນເມືອງ ທ້າຍທີ່ສຸດກໍຈະໄຫລລົງສູ່ແມ່ນ້ຳ ແລະ ທະເລ ນຳໄປສູ່ບັນຫາມົນລະພິດຕໍ່ມະນຸດ ແລະ ສັດຕາມມາ.

ເຖິງຢ່າງໃດກໍຕາມ, ລັດຖະບານຍັງບໍ່ໄດ້ຫ້າມການໃຊ້ຖົງປລາສຕິກເພື່ອອຳນວຍຄວາມສະດວກໃຫ້ຜູ້ບໍລິໂພກ, ແຕ່ຂໍໃຫ້ຜູ້ຜະລິດ ແລະ ຜູ້ນຳເຂົ້າໃຊ້ຖົງປລາສຕິກແບບໜາ ເພື່ອສົ່ງເສີມໃຫ້ປະຊາຊົນເອົາກັບມາໃຊ້ອີກ.

ນອກຈາກນີ້, ລັດຖະບານຍັງປະຕິເສດຂໍ້ຮຽກຮ້ອງຂອງບັນດາບໍລິສັດດ້ານອາຫານ, ເຄື່ອງດື່ມ ແລະ ສິນຄ້າອຸປະໂພກ-ບໍລິໂພກ ທີ່ຂໍໃຫ້ໂຈະຄຳສັ່ງດັ່ງກ່າວ ເນື່ອງຈາກຢ້ານວ່າຈະມີຜົນກະທົບຕໍ່ທຸລະກິດ ເຮັດໃຫ້ຜູ້ປະກອບການຫລາຍແຫ່ງອອກມາວິພາກວິຈານວ່າ: ລັດຖະບານບໍ່ໄດ້ໃຫ້ເວລາພວກເຂົາກຽມພ້ອມທີ່ຈະຮັບມືການປ່ຽນແປງທີ່ເກີດຂຶ້ນ.

ເຖິງວ່າຜູ້ຊ່ຽວຊານຫລາຍຄົນຄາດການວ່າ: ການບັງຄັບໃຊ້ກົດໝາຍຫ້າມນຳໃຊ້ປລາສຕິກໃນອິນເດຍອາດເຮັດໄດ້ຍາກ, ແຕ່ລັດຖະບານຈະພະຍາຍາມຢ່າງເຕັມທີ່ເພື່ອແກ້ໄຂບັນຫາມົນລະພິດ ໂດຍມີການຈັດຕັ້ງໜ່ວຍງານພິເສດຂຶ້ນມາເພື່ອກວດສອບການນຳໃຊ້ ແລະ ການຈັດຈຳໜ່າຍປລາສຕິກແບບໃຊ້ແລ້ວຖິ້ມທີ່ຜິດກົດໝາຍ.

ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ - lattana banner 1 - ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ
ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ -    AD conten website - ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ
ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ - lattana banner - ອິນເດຍຫ້າມນຳໃຊ້ປລາສຕິກແບບໃຊ້ແລ້ວຖິ້ມ 19 ຊະນິດ ເລັ່ງແກ້ໄຂບັນຫາມົນລະພິດ
error: Alert: ເນື້ອຫາຂ່າວມີລິຂະສິດ !!