ຕໍາຫລວດເລັ່ງຕິດຕາມຕົວຊາວຕ່າງຊາດ 2 ຄົນເຄື່ອນໄຫວໃຊ້ບັດເອທີເອັມປອມຖອນເອົາເງິນຂອງທະນາຄານຢູ່ລາວ

- Untitled design - ຕໍາຫລວດເລັ່ງຕິດຕາມຕົວຊາວຕ່າງຊາດ 2 ຄົນເຄື່ອນໄຫວໃຊ້ບັດເອທີເອັມປອມຖອນເອົາເງິນຂອງທະນາຄານຢູ່ລາວ

ຕໍາຫລວດເສດຖະກິດລາວພວມເລັ່ງຕິດຕາມຕົວຊາວຕ່າງຊາດ 2 ຄົນທີ່ໄດ້ເຄື່ອນໄຫວກໍ່ອາດຊະຍາກຳດ້ວຍການນໍາໃຊ້ບັດເອທີເອັມ (ATM) ປອມຖອນເອົາເງິນຢູ່ຕູ້ ATM ຂອງທະນາຄານຕ່າງໆໃນສປປ ລາວ ເປັນຈໍານວນຫລາຍ.

ກົມຕໍາຫລວດເສດຖະກິດ ໃຫ້ຮູ້ວ່າ: ທ່າມກາງສະພາບສັງຄົມທີ່ພວມຜັນແປໄປຢ່າງສັບສົນໃນປັດຈຸບັນ, ບັນຫາການເຄື່ອນໄຫວຂອງບັນດາກຸ່ມກໍ່ອາດຊະຍາກຳປະເທດຕ່າງໆແມ່ນໄດ້ໃຊ້ຫລາຍເລ່ຫລ່ຽມທີ່ເລິກແລບແນບນຽນ ແລະ ວັດຖຸເຕັກນິກທີ່ທັນສະໄໝເຂົ້າໃນການກໍ່ອາດຊະຍາກຳເຊັ່ນ: ການນຳໃຊ້ບັດ ATM ປອມ ເພື່ອລັກລອບຖອນເອົາເງິນຢູ່ຕາມຕູ້ ATM ຂອງທະນາຄານຕ່າງໆຢູ່ນະຄອນຫລວງວຽງຈັນ ແລະ ບັນດາແຂວງໃນທົ່ວປະເທດ, ກຸ່ມຄົນບໍ່ດີດັ່ງກ່າວແມ່ນມີການນຳໃຊ້ເຄື່ອງເອເລັກໂຕຣນິກເພື່ອລັກລອບຖອນເອົາເງິນດ້ວຍຫລາຍຮູບແບບ, ຫລາຍວິທີການ, ໂດຍພວກເຂົາໄດ້ມີການວາງແຜນ, ເຄື່ອນໄຫວເປັນກຸ່ມແກ້ງ, ມີການຈັດຕັ້ງເປັນເຄືອຂ່າຍທັງພາຍໃນ ແລະ ຕ່າງປະເທດ, ເຊິ່ງເຮັດໃຫ້ມີຜົນເສຍຫາຍຢ່າງໃຫຍ່ຫລວງຕໍ່ລະບົບເສດຖະກິດຂອງປະເທດເຮົາ, ເຮັດໃຫ້ຊັບສິນຂອງປະຊາຊົນຖືກເສຍຫາຍເປັນຈຳນວນຫລາຍ, ເຊິ່ງເປົ້າໝາຍກໍ່ອາດຊະຍາກຳສ່ວນຫລາຍເປັນຄົນຕ່າງປະເທດ, ດັ່ງນັ້ນເຈົ້າໜ້າທີ່ຂໍເຕືອນໃຫ້ພໍ່ແມ່ປະຊາຊົນ, ພະນັກງານ, ທະຫານ-ຕຳຫລວດ, ພໍ່ຄ້າຊາວຂາຍ ແລະ ບັນດາທະນາຄານທຸລະກິດເອົາໃຈໃສ່ຄຸ້ມຄອງຕິດຕາມກວດກາການນຳໃຊ້ບັດ ATM ຂອງຕົນໃຫ້ດີ, ເພື່ອເປັນຫູເປັນຕາຊ່ວຍເຈົ້າໜ້າທີ່, ໂດຍສະເພາະຖ້າມີຂໍ້ມູນຫລັກຖານກ່ຽວກັບກຸ່ມຄົນທີ່ເຄື່ອນໄຫວກໍ່ອາດຊະຍາກຳທາງດ້ານການນຳໃຊ້ບັດ ATM ປອມ ແມ່ນໃຫ້ແຈ້ງເຈົ້າໜ້າທີ່ຕຳຫລວດບ່ອນທີ່ໃກ້ສຸດຊາບໂດຍດ່ວນເພື່ອຈັບຕົວມາດຳເນີນຄະດີຕາມລະບຽບກົດໝາຍ. ທັງນີ້ກໍເພື່ອເຮັດໃຫ້ທຸກທະນາຄານ ກໍຄືທົ່ວສັງຄົມຮັບຊາບ, ພ້ອມກັນຕິດຕາມສະພາບການເຄື່ອນໄຫວຂອງພວກບໍ່ດີຊ່ວຍເຈົ້າໜ້າທີ່, ຮັກສາສິດຜົນປະໂຫຍດ ແລະ ມີສະຕິປົກປັກຮັກສາວັດຖຸຊັບສິນຂອງຕົນບໍ່ໃຫ້ເສຍຫາຍໄດ້ງ່າຍ.

- Wave100S AD to Website 2020 0 - ຕໍາຫລວດເລັ່ງຕິດຕາມຕົວຊາວຕ່າງຊາດ 2 ຄົນເຄື່ອນໄຫວໃຊ້ບັດເອທີເອັມປອມຖອນເອົາເງິນຂອງທະນາຄານຢູ່ລາວ
- WhatsApp Image 2020 05 27 at 5 - ຕໍາຫລວດເລັ່ງຕິດຕາມຕົວຊາວຕ່າງຊາດ 2 ຄົນເຄື່ອນໄຫວໃຊ້ບັດເອທີເອັມປອມຖອນເອົາເງິນຂອງທະນາຄານຢູ່ລາວ
- WhatsApp Image 2020 05 27 at 5 - ຕໍາຫລວດເລັ່ງຕິດຕາມຕົວຊາວຕ່າງຊາດ 2 ຄົນເຄື່ອນໄຫວໃຊ້ບັດເອທີເອັມປອມຖອນເອົາເງິນຂອງທະນາຄານຢູ່ລາວ
error: Alert: ເນື້ອຫາຂ່າວມີລິຂະສິດ !!