ບໍ່ແກ້ວແຈ້ງການ ບໍ່ອະນຸຍາດໃຫ້ເຮັດໃບຜ່ານແດນຢູ່ໜ້າດ່ານ
July 15, 2022 - 12:54 PM
ວັນທີ 13 ກໍລະກົດ 2022 ຜ່ານມານີ້ ກອງບັນຊາການ ປກສ ແຂວງບໍ່ແກ້ວອອກແຈ້ງການ ໃຫ້ຮູ້ວ່າ:
ພະນັກງານທະຫານ, ຕໍາຫຼວດ ຕະຫຼອດຮອດພໍ່ແມ່ປະຊາຊົນທົ່ວແຂວງບໍ່ແກ້ວຊາບໃນການເຮັດໃບຜ່ານແດນຂ້າມໄປ-ມາລະຫວ່າງລາວ-ໄທ ແມ່ນໃຫ້ໄປເຮັດຢູ່ທີ່ກອງບັນຊາການ ປກສ ແຂວງ, ໜ່ວຍງານອອກປຶ້ມ ແລະ ໃບຜ່ານແດນ ບໍ່ອານຸຍາດໃຫ້ ບັນດາພະນັກງານທະຫານ, ຕໍາຫຼວດ ຕະຫຼອດຮອດພໍ່ແມ່ປະຊາຊົນ ໄປເຮັດໃບຜ່ານແດນຢູ່ຂົວມິດຕະພາບໂດຍກົງ ສ່ວນວ່າໃນກໍລະນີ ທີ່ເຮັດໃບຜ່ານແດນຢູ່ຂົວມິດຕະພາບໄດ້ແມ່ນກໍລະນີຮີບດ່ວນ ແລະ ຈໍາເປັນທີ່ສຸດ ງອານຸຍາດຕາມຄວາມຈໍາເປັນ.
ດັ່ງນັ້ນ, ຈຶ່ງແຈ້ງມາຍັງພະນັກງານທະຫານ, ຕໍາຫຼວດ ຕະຫຼອດຮອດພໍ່ແມ່ປະຊາຊົນທົ່ວແຂວງບໍ່ແກ້ວຊາບ ແລະ ພ້ອມກັນປະຕິບັດຕາມແຈ້ງການສະບັບນີ້.
