ອົງການສາກົນບໍລິການປະຊາຊົນ ສະໜັບສະໜູນໂຄງການເຂົ້າເຖິງຂໍ້ມູນຂ່າວສານສຸຂະພາບໃນກຸ່ມແມ່ຍິງ ແລະ ເດັກຍິ່ງຊົນເຜົ່າ 922.723ໂດລາ
ວັນທີ່ 14 ກໍລະກົດ 2022 ຜ່ານມານີ້ ພິທີເຊັນບົດບັນທຶກຄວາມເຂົ້າໃຈໃນໂຄງການ ເພີ່ມການເຂົ້າເຖິງຂໍ້ມູນຂ່າວສານສຸຂະພາບໃນກຸ່ມແມ່ຍິງ ແລະ ເດັກຍິ່ງຊົນເຜົ່າ, ຮ່ວມລົງນາມໃນຄັ້ງນີ້ມີທ່ານ ດຣ ພອນປະເສີດ ອຸນາພົມ ຫົວໜ້າກົມອະນາໄມ ແລະ ສົ່ງເສີມສຸຂະພາບແລະ ທ່ານ ນາງ ໄຊຊະນະ ພະນະລາສີ ຜູ້ອຳນວຍການອົງການສາກົນບໍລິການປະຊາຊົນປະຈຳລາວ.
ໂຄງການຮ່ວມມືດັ່ງກ່າວແມ່ນໄດ້ຮັບການສະໜັບສະໜູນຈາກ Maverick Collective (ອົງການສາກົນບໍລິການປະຊາຊົນ ສຳນັກງານໃຫຍ່ PSI) ດ້ວຍງົບປະມານຈຳນວນ 922.723ໂດລາ.
ໂຄງການດັ່ງກ່າວນີ້ຈະເລີ່ມຈັດຕັ້ງປະຕິບັດຕັ້ງແຕ່ວັນທີ່ 14 ກໍລະກົດ 2022 ຈົນເຖິງ 30 ມິຖຸນາ 2024, ເປົ້າໝາຍລວມຂອງໂຄງການແມ່ນເພື່ອສະໜັບສະໜຸນແຜນຍຸດທະສາດແຫ່ງຊາດ ສຳລັບການບໍລິການເຊື່ອມສານສຸຂະພາບຈະເລີນພັນ, ແມ່, ເດັກເກີດໃໝ່, ເດັກນ້ອຍ ແລະ ໄວໜຸ່ມປີ 2021-2025 ໂດຍແນໃສ່ແມ່ຍິງຊົນເຜົ່າຢູ່ເຂດພື້ນທີ່ເປົ້າໝາຍທັງ 15 ເມືອງໃນ 3ແຂວງພາກເໜືອໄດ້ແກ່ ແຂວງ ຫຼວງພະບາງ, ອຸດົມໄຊ ແລະ ຫຼວງນໍ້າທາ.
