5 ສິ່ງທີ່ຄວນເຮັດ ແລະ ບໍ່ຄວນເຮັດ ເພື່ອຫ່າງໄກຈາກພະຍາດມະເຮັງ

+ ສິ່ງທີ່ຄວນເຮັດເປັນປະຈຳສະໝໍ່າສະເໝີໃນຊີວິດປະຈຳວັນຕໍ່ໄປນີ້ຈະຊ່ວຍໃຫ້ທ່ານມີສຸຂະພາບທີ່ແຂງແຮງ ແລະ ຫ່າງໄກຈາກພະຍາດມະເຮັງຮ້າຍໄດ້ :

1. ອອກກຳລັງກາຍເປັນປະຈຳ ຢ່າງໜ້ອຍມື້ລະ 30 ນາທີ.
2. ເຮັດຈິດໃຈໃຫ້ແຈ່ມໃສ, ຢ່າຄິດຫລາຍ, ຢ່າເຄັ່ງຄຽດຈົນເກີນໄປ.
3. ກິນຜັກສົດ ແລະ ໝາກໄມ້ສົດ ໃຫ້ໄດ້ມື້ລະເຄິ່ງກິໂລກຣາມ.
4. ກິນອາຫານໃຫ້ຫລາກຫລາຍ, ບໍ່ກິນແບບເກົ່າຊຳ້ໆ.
5. ກວດສຸຂະພາບຮ່າງກາຍເປັນປະຈຳ.

+ ສິ່ງທີ່ທ່ານຄວນຫລີກເວັ້ນ ຫລື ຢຸດເຊົາ ເພື່ອໃຫ້ສຸຂະພາບຫ່າງໄກຈາກມະເຮັງ ມີຄື :

1. ບໍ່ສູບຢາ ແລະ ບໍ່ໄປຢູ່ໃກ້ຄົນທີ່ສູບຢາ ເພື່ອຫລີກເວັ້ນການສືບດົມເອົາຄວັນຢາສູບເຂົ້າສູ່ປອດ.
2. ບໍ່ດື່ມເຫລົ້າ ຫລື ເຄື່ອງດື່ມມຶນເມົາທຸກຊະນິດ.
3. ບໍ່ກິນປານຳ້ຈືດແບບດິບໆທຸກຊະນິດ.
4. ບໍ່ປ່ຽນຄູ່ນອນຢູ່ຕະຫລອດ ເພາະຈະສ່ຽງຕໍ່ການຕິດເຊື້ອພະຍາດຕິດຕໍ່ທາງເພດສຳພັນ.
5. ບໍ່ຕາກແດດກ້າໆ ເພາະຈະເຮັດໃຫ້ສ່ຽງເປັນພະຍາດມະເຮັງຜິວໜັງໄດ້.