ບາເຢິນ ມິວນິກ ສົມຫວັງ ບັນລຸຄວ້າ ເດິ ລິກ ຈາກຢູເວນຕຸສ

ຟາບຣີຊີໂອ ໂຣມາໂນ ນັກຂ່າວຄົນດັງແຫ່ງຕະຫລາດຊື້ຂາຍນັກເຕະ ຢືນຢັນວ່າ ບາເຢິນ ມິວນິກ ສະໂມສອນເກັ່ງແຫ່ງ ບຸນເດສລີກາ ເຢຍລະມັນ ບັນລຸຂໍ້ຕົກລົງກັບ ຢູເວນຕຸສ ໃນການຄວ້າ ມັດໄທ ເດິ ລິກ ກອງຫລັງທີມຊາດເນເທີແລນ ມາສູ່ຖິ່ນອັລລີອັນ ອາຣີນາ ເປັນທີ່ຮຽບຮ້ອຍ.

ສຳລັບ ເດິ ລິກ ທີ່ເຫລືອສັນຍາກັບ ຢູເວນຕຸສ ເຖິງປີ 2024 ຕົກເປັນເປົ້າຫມາຍເສີມທີມຂອງ ບາເຢິນ ມິວນິກ ມາຢ່າງຕໍ່ເນື່ອງໃນ ໄລຍະລະດູການນີ້ ແລະ ສຸດທ້າຍ ບາເຢິນ ມິວນິກ ກໍສົມຫວັງ ສາມາດບັນລຸຂໍ້ຕົກລົງກັບຢູເວນຕຸສໃນການຄວ້າ ເດິ ລິກ ດ້ວຍຄ່າຕົວລວມ 80 ລ້ານຢູໂຣ ແບ່ງເປັນຈ່າຍເບື້ອຕົ້ນ 70 ລ້ານຢູໂຣ ແລະ ຈ່າຍເພີ່ມອີກ 10 ລ້ານຢູໂຣ.

ທັງນີ້ ເດິ ລິກ ຈະເຊັນສັນຍາຮ່ວມກັບ ບາເຢິນ ມິວນິກ ເຖິງເດືອນມິຖຸນາປີ 2027 ໂດຍນັກເຕະຈະເດີນທາງມາທີ່ປະເທດເຢຍລະມັນໃນວັນຈັນນີ້ ກ່ອນຈະເຂົ້າຮັບການກວດຮ່າງກາຍ ແລະ ເຊັນສັນຍາເປີດຕົວຢ່າງເປັນທາງການຕໍ່ໄປ.