ຫລາຍວິທີນອນຫລັບເຕັມອີ່ມແລະມີປະສິດທິພາບ

- Untitled design - ຫລາຍວິທີນອນຫລັບເຕັມອີ່ມແລະມີປະສິດທິພາບ

- 2802 300x221 - ຫລາຍວິທີນອນຫລັບເຕັມອີ່ມແລະມີປະສິດທິພາບ

– ຢ່າລືມວ່າຈິດໃຈແຈ່ມໃສຢູ່ໃນຮ່າງກາຍທີ່ສົມບູນ : ໃນຂະນະທີ່ເຮົານອນຫລັບນັ້ນ ລະບົບຕ່າງໆຂອງຮ່າງກາຍກໍຈະພັກຜ່ອນໄປນຳ, ການຫາຍໃຈຈະຊ້າລົງຢ່າງສະໝໍ່າສະເໝີ, ມີການຫລັ່ງຮໍໂມນຊ່ວຍຟື້ນຟູພາກສ່ວນທີ່ເສື່ອມສະພາບ. ແຕ່ໃນທາງກົງກັນຂ້າມ ຫາກນອນບໍ່ພໍ ຮ່າງກາຍກໍຈະອິດເມື່ອຍອ່ອນເພຍບໍ່ມີແຮງ, ເກີດອາການວິນຫົວ, ຄິດບໍ່ອອກ, ສ່ຽງຕໍ່ພະຍາດເບົາຫວານ, ຫົວໃຈ, ຫລອດເລືອດສະໝອງ ແລະ ຕຸ້ຍ. ຈາກການສຶກສາພົບວ່າ : ການນອນທີ່ພຽງພໍເຮັດໃຫ້ກິນອາຫານຫລຸດລົງ, ແຕ່ໃນຂະນະດຽວກັນ ການນອນຫລັບທີ່ບໍ່ມີຄຸນນະພາບກໍອາດເຮັດໃຫ້ຮູ້ສຶກຄືບໍ່ໄດ້ພັກຜ່ອນ ແລະ ກໍເຮັດໃຫ້ຢາກອາຫານຫລາຍກ່ວາປົກກະຕິ ເຊິ່ງອາດເກີດຈາກຫລາຍສາເຫດ ຄື :

– ມີເລື່ອງບໍ່ສະບາຍໃຈ, ເຄັ່ງຄຽດກັງວົນ ຈົນເຮັດໃຫ້້ສະໝອງເຄັ່ງຄຽດຕະຫລອດເວລາບໍ່ຮູ້ໂຕ.

– ເກີດລົມໃນຜົ້ງທ້ອງຫລາຍເກີນໄປ ເຮັດໃຫ້ການໄຫລວຽນເລືອດຕໍ່າ ແລະ ຍຶ່ງທ້ອງ ເຮັດໃຫ້ຮູ້ສຶກໝຸດໝັດບໍ່ສະບາຍໂຕ.

– ອາການຢຸດຫາຍໃຈຂະນະຫລັບ ເປັນຄວາມຜິດປົກກະຕິຢ່າງໜຶ່ງຂອງການຫາຍໃຈທີ່ເກີດຂຶ້ນໃນລະຫ່ວາງການນອນຫລັບ ມີອັນຕະລາຍ ແລະ ເຮັດໃຫ້ເກີດຄວາມຜິດປົກກະຕິອື່ນຈົນເຖິງຂັ້ນເສຍຊີວິດໄດ້ ເຊິ່ງມັກພົບອາການນີ້ໃນຄົນຕຸ້ຍ, ຜູ້ຊາຍ, ຜູ້ເຖົ້າ ແລະ ຄົນເປັນພະຍາດຄວາມຕັນເລືອດສູງ ຈະສະເດີດຕື່ນຂຶ້ນມາເລື້ອຍໆໃນເວລານອນຫລັບ, ຮູ້ໂຕແດ່ບໍ່ຮູ້ໂຕແດ່ເຮັດໃຫ້ຮູ້ສຶກຄືບໍ່ໄດ້ນອນ.

– ພາຍໃນຫ້ອງນອນອາດມີສຽງລົບກວນຢູ່ຕະຫລອດເວລາ ໂດຍທີ່ເຮົາບໍ່ຮູ້ໂຕ ເຊັ່ນ : ສຽງ ຢອດນ້ຳ, ສຽງເຄື່ອງດູດນ້ຳ, ສຽງເຄື່ອງປັບອາກາດທີ່ດັງເກີນໄປ, ສຽງພັດລົມ, ສຽງເຂັມໂມງ ເປັນຕົ້ນ ສຽງເຫລົ່ານີ້ອາດຈະແຊກເຂົ້າໄປໃນຄວາມຮູ້ສຶກ ແລະ ຄື້ນສະໝອງຂອງເຮົາໃນເວລາຫລັບໄດ້ ເຮັດໃຫ້ລົບກວນການນອນ ແລະ ນອນບໍ່ເຕັມອີ່ມ.

ວິທີນອນຫລັບພັກຜ່ອນຢ່າງມີຄຸນນະພາບປະກອບມີ :

– ບໍ່ສູບຢາ, ບໍ່ດື່ມເຫລົ້າ, ຊາ, ກາເຟ ຫລື ເຄື່ອງດື່ມກາເຟອີນ ຢ່າງໜ້ອຍ 6 ຊົ່ວໂມງກ່ອນເຂົ້ານອນ ເນື່ອງຈາກເຄື່ອງດື່ມເຫລົ່ານີ້ກະຕຸ້ນສະໝອງ ແລະ ເຮັດໃຫ້ຍ່ຽວຕະຫລອດ ຈົນລົບກວນການນອນ ທັງບໍ່ດີຕໍ່ສຸຂະພາບ.

- Wave100S AD to Website 2020 0 - ຫລາຍວິທີນອນຫລັບເຕັມອີ່ມແລະມີປະສິດທິພາບ

– ເຂົ້ານອນ ແລະ ຕື່ນນອນໃຫ້ກົງເວລາທຸກມື້ຈົນລຶ້ງ ທຳອິດກໍຈະບໍ່ລຶ້ງປານໃດ ແຕ່ຮັບຮອງວ່າເຮັດດົນໆໄປກໍຈະລຶ້ງໄປເອງ.

– ຈັດລະບຽບການໃຊ້ຊີວິດໃຫ້ດີໆ, ສະສາງບັນຫາເລື່ອງວຽກທີ່ຄ້າງຢູ່ ແລະ ວິທີການແກ້ໄຂ ເພື່ອໃຫ້ສະບາຍໃຈ ແລະ ຫລັບງ່າຍ.

– ອອກກຳລັງກາຍກ່ອນໜ້າທີ່ຈະເຂົ້ານອນຢ່າງໜ້ອຍ 2 – 3 ຊົ່ວ ໂມງ ຈະຊ່ວຍໃຫ້ນອນຫລັບແຈບ.

– ຈັດຫ້ອງນອນໃຫ້ສະອາດ, ບໍ່ມີແສງລົບກວນ, ໝັ່ນເຮັດອະນາໄມບ່ອນນອນເອົາໄປຕາກແດດ, ປັດຂີ້ຝຸ່ນ, ຫາໝອນທີ່ພໍດີກັບກ້ານຄໍມາໝູນເພື່ອຊ່ວຍໃຫ້ນອນຫລັບແຈບດີ, ບໍ່ປວດກ້ານຄໍ ແລະ ຫລັງ.

– ສວດມົນ ຫລື ນັັ່ງພັກຜ່ອນສະບາຍໆຈັກໜ້ອຍກ່ອນເຂົ້ານອນ ເພື່ອໃຫ້ສະໝອງຫລຸດຄວາມກັງວົນເລື່ອງເຄັ່ງຄຽດ ອາດຈະຟັງເພງມ່ວນໆ, ສືບອາກາດທີ່ບໍລິສຸດ ຫລື ດົມນ້ຳມັນຫອມລະເຫີຍກິ່ນທີ່ທ່ານມັກກໍຊ່ວຍໄດ້.

– ດື່ມນ້ຳອຸ່ນ ຫລື ນົມອຸ່ນກ່ອນນອນຈະຊ່ວຍໃຫ້ນອນຫລັບແຈບດີ ເພາະກົດອະມິໂນທຣິບໂຕຟານ ເຮັດໃຫ້ງ່ວງນອນໄດ້, ຫລີກເວັ້ນການເບິ່ງ ຫລື ຟັງເລື່ອງຕື່ນເຕັ້ນ ເພາະຈະກະຕຸ້ນໃຫ້ນອນບໍ່ຫລັບ.

- WhatsApp Image 2020 05 27 at 5 - ຫລາຍວິທີນອນຫລັບເຕັມອີ່ມແລະມີປະສິດທິພາບ
- WhatsApp Image 2020 05 27 at 5 - ຫລາຍວິທີນອນຫລັບເຕັມອີ່ມແລະມີປະສິດທິພາບ
error: Alert: ເນື້ອຫາຂ່າວມີລິຂະສິດ !!