ແພງທີ່ສຸດໃນສະໂມສອນ, ບາເຢິນ ມິວນິກ ເປີດຕົວ ມັດໄຣ ເດິ ລິກ ຄ່າຕົວ 80 ລ້ານຢູໂຣ ເຊັນສັນຍາ 5 ປີ
ບາເຢິນ ມິວນິກ ຖະແຫລງເປີດຕົວ ມັດໄທ ເດິ ລິກ ເປັນນັກເຕະໃຫມ່ ຫລັງຍ້າຍມາຈາກຢູເວນຕຸສ ດ້ວຍຄ່າຕົວ 80 ລ້ານຢູໂຣ ທຽບເທົ່າສະຖິຕິຈ່າຍແພງທີ່ສຸດຂອງສະໂມສອນ.
ບາເຢິນ ມິວນິກ ທີມເກ່ັງທີມບຸນເດສລີກາ ເຢຍລະມັນ ຖະແຫລງເປີດຕົວ ມັດໄທ ເດິ ລິກ ກອງຫລັງທີມຊາດເນເທີແລນ ເປັນນັກເຕະໃຫມ່ຂອງສະໂມສອນ ຫລັງຍ້າຍມາຈາກ ຢູເວນຕຸສ ທີມໃນ ເຊເຣຍ ອາ ອິຕາລີ ດ້ວຍຄ່າຕົວ 80 ລ້ານຢູໂຣ.
ສຳລັບຄ່າຕົວດັ່ງກ່າວເປັນສະຖິຕິຈ່າຍແພງທີີ່ສຸດຂອງສະໂມສອນ ທຽບເທົ່າຕອນທີ່ຊື້ ລູກັສ ແອກນ໊ອງເດສ ກອງຫລັງທີມ ຊາດຝຣັ່ງ ມາຈາກແອດເລຕີໂກ ມາດຣິດ ຂອງ ລາ ລີກາ ສະເປນ ເມື່ອປີ 2019 ໂດຍ ເດິ ລິກ ຕົກລົງເຊັນສັນຍາກັບບາເຢິນ ເປັນເວລາ 5 ປີ.
ເດິ ລິກ ກ່າວວ່າ : ‘‘ ຂ້ອຍມີຄວາມສຸກຫລາຍທີ່ຍ້າຍມາເປັນນັກເຕະກັບສະໂມສອນອັນຍິ່ງໃຫຍ່ແຫ່ງນີ້ ບາເຢິນ ເປັນຫນຶ່ງໃນ ສະໂມສອນທີ່ປະສົບຄວາມສຳເລັດສູງສຸດ ຂ້ອຍຮູ້ສຶກຊາບຊຶ້ງໃຈເຫລືອເກີນທີ່ຕອນນີ້ເປັນສ່ວນຫນຶ່ງຂອງປະຫວັດສາດສະໂມສອນ ’’.
ທັງນີ້ ເດິ ລິກ ໃຊ້ເວລາກັບຢູເວນຕຸສ ໄປ 3 ລະດູການ ໄດ້ແຊ໊ມເຊເຣຍ ອາ ແລະ ໂຄປາ ອິຕາລີ ຢ່າງລະ 1 ສະໄຫມ ໂດຍລາວເປັນນັກ ເຕະໃຫມ່ຄົນທີ 4 ຂອງບາເຢິນ ໃນຕະຫລາດຮອບນີ້ຕໍ່ຈາກ ນູສແຊ ມາຊຣາອຸຍ, ໄຣອັນ ກຣາເຟນເບີກ ແລະ ຊາດີໂອ ມາເນ.
