ດີບາລາ ເປີດຕົວກັບ ໂຣມາ ໄດ້ເບີເສື້ອດຽວກັບທີມຊາດ

ໂຣມາ ສະໂມສອນດັງ ຈາກ ເຊເຣຍ ອາ ອິຕາລີ ປະກາດເຊັນສັນຍາຄວ້າຕົວ ເປົາໂລ ດີບາລາ ກອງຫນ້າຊາວອາເຈນຕີນາ ມາຮ່ວມທີມຢ່າງເປັນທາງການແລ້ວ ດ້ວຍສັນຍາເຖິງປີ 2025.

ກ່ອນຫນ້ານີ້ ດີບາລາ ຫາກໍກາຍເປັນນັກເຕະບໍ່ມີສັງກັດຫລັງຫມົດສັນຍາກັບ ຢູເວນຕຸສ ແລະ ຫລ້າສຸດລາວເປັນຕົວນັກເຕະ ໃຫມ່ຂອງ ໂຣມາ ຮຽບຮ້ອຍແລ້ວ ພ້ອມສັນຍາ 3 ປີ ຈົນເຖິງວັນທີ 30 ມິຖຸນາ ປີ 2025.

ໂດຍ ດີບາລາ ອາຍຸ 28 ປີ ເປີດເຜີຍຫລັງເປີດຕົວວ່າ : ‘‘ ວັນທີ່ເຮັດໃຫ້ຂ້ອຍເຊັນສັນຍານີ້ເຕັມໄປດ້ວຍຄວາມຮູ້ສຶກຫລາຍ ຄວາມໄວ ແລະ ຄວາມມຸ້ງຫມັ້ນຂອງ ໂຣມາ ເຮັດໃຫ້ຂ້ອຍຮູ້ວ່າພວກເຂົາຕ້ອງການໃຫ້ຂ້ອຍສ້າງຄວາມແຕກຕ່າງຫລາຍພຽງໃດ, ຂ້ອຍໄດ້ ມາຮ່ວມທີມທີ່ຢູ່ໃນລະດັບສູງ, ສະໂມສອນທີ່ຍັງຄົງສ້າງຮາກຖານທີ່ແຂງແກ່ນສຳລັບອະນາຄົດ ແລະ ຄູເຝິກຢ່າງ ໂຈເຊ ມູນຣິນໂຢ ຖືເປັນກຽດຫລາຍທີ່ຂ້ອຍໄດ້ເຮັດວຽກກັບລາວ ’’.

ທັງນີ້ ກອງຫນ້າຊາວອາເຈນຕີນາ ຈະສວມເສື້ອຫມາຍເລກ 21 ເຊິ່ງເປັນເບີທີ່ລາວໃສ່ໃນທີມຊາດ ແລະ ໃນໄລຍະ 2 ລະດູການ ຕອນຫລິ້ນໃຫ້ຢູເວນຕຸສ ສ່ວນ ເນມັນຢາ ມາຕິສ ທີ່ເປີດຕົວໄປກ່ອນຫນ້ານີ້ຈະຍ້າຍໄປໃສ່ເບີ 8 ແທນ.